Jonas 1:5 - Manobo Western Bukidnon OT

⁵ Ne tenged te utew nengahandek is menge terebahanti, ne is kada sevaha kandan mid-ampù diyà te kandin he menge ed-ezapen. Ne impenimbag dan en is menge karga zutun te varku su wey mebmahagkap. Ne si Jonas mulà, nehurep diyà te zizalem he vahin te varku.

Jonas 1:5 ပူးပေါင်းရင်းမြစ်များ

1 Hadì 18:26

Umbe, migkuwa zuen te menge ebpeneuven ni Baal is tudu he vaka he mid-uwit diyà te kandan, ne mid-andam dan heini. Ne nengemuyù dan diyà te ki Baal puun te meselem taman te meudtu. Igkulahì dan en is lalag te, “He Baal, tevaka key kenikew!” Edsayewsayew en sikandan is edlingutlingut duen te pemuhatà he mibeelan dan. Piru wazà mibeǥey te hangyù dan.

Job 2:4

Midtavak si Setanas te, “Edewaten te etew is kegkehanew te langun he ziyà te kandin basta meuyag sikandin.

Salmo 107:25

Su pinaaǥi te suǥù din, mibpengeramag te mevendes ne midekelà is menge vaǥel.

Salmo 148:8

Deliǥa niw te Nengazen, sikiyu is menge kilat, menge ǥiyew, menge ǥapun, wey mevendes he keramag he edtuman ke edsuǥuen din.

Megwewali 3:6

duen timpu te kebpen-ahà wey timpu zaan te kedtazin, duen timpu te kedtipig wey timpu zaan te kedlaga,

Isaias 45:20

Migkaǥi zaan is Nengazen te, “Medtiǥum kew ne uvey kew kayi te kediey, sikiyu is nemekepelaǥuy puun te menge nasyun. Wazà ketau te menge etew he ed-uwit-uwit te menge kayu he ed-ezapen dan. Mibpengemuyù dan kayi te menge ed-ezapen dan he kenà ebpekelibri kandan.

Jeremias 2:28

Hendei en is menge ed-ezapen he mibeelan niw para keniyu? Ipeuvey niw ziyà te keniyu su ed-ahaan ta ke ebpekehimu ve sikandan he edlibri keniyu te kelised niw. Su utew mezakel is menge ed-ezapen niw iring kezakel te menge inged diyà te Juda.

Hoseas 7:14

Kenà tinutuuwà is ked-umawa zan kediey. Dutun te edsineǥew zan diyà te menge hizeǥaan dan is ebuyù diyà te zuma he menge ed-ezapen dan te trigu wey vinu, ebpelian dan is lawa zan. Mibpekeziyù sikandan kayi te kediey.

Jonas 1:14

Umbe, midhangyù dan diyà te Nengazen he ke sikandan te, “He Nengazen, kenè nu himuwa he mebpatey key tenged te kebpatey kayi te etew pinaaǥi te kedtimbaǥa zey kandin diyà te zaǥat. Kenè key kenikew siluti tenged te kegkehimetayi zey kandin, su heini is nehitavù, Nengazen, kenikew he ulaula su midhimu nu is egkesuatan nu.”

Jonas 1:16

Ne tenged kayi he hitavù, dekelà is kedtahud te menge etew te Nengazen. Umbe mibpemuhat dan sikandin wey zuen menge penaad dan diyà te kandin.

Jonas 1:6

Ne midhendiyà te kandin is kepitan dutun te varku. Ke sikandin te, “Maan is iyan nu zà is kedlipezeng nu? Enew ka, wey medhangyù diyà te kenikew he ed-ezapen. Su kela ke mehizuwi kiw zin ne kenè kiw zed egkeǥerà.”

Zatù 16:19

Impelipezeng ni Delila si Samson he impeulun diyà te vuvun din, ne hein nehurep en, mid-umew sikandin te sevaha he etew he ibpevangul zin ki Samson. Umbe mibmeluya si Samson, ne impezakep sikandin ni Delila.

1 Samuel 24:3

Nekeuma si Saul zuen te tudil te menge kerehidu he kilid te zalan he zuen dutun surung. Midseled dutun si Saul su ebpekeindes. Dutun bes te surung med-eles si David wey is menge sakup din.