Jonas 1:3 - Manobo Western Bukidnon OT

³ Piru wazà mebpezumazuma si Jonas su mibpeleǥuyan din is Nengazen pehendiyà te Tarshish. Midhendiyà sikandin te Jopa, ne zutun duen barku he edhendiyà te Tarshish. Mibayad sikandin te piliti, ne hein nekevayad en, mid-untud dutun te varku he ebpehendiyà te Tarshish su wey zin mepeleǥuyi is Nengazen.

Jonas 1:3 ပူးပေါင်းရင်းမြစ်များ

Genesis 3:8

Ne hein mahapun en dutun he ebpengpengeramag, nezineg dan is Nengazen he Megbevayà he edhiphipanew zutun te pemuleey. Ne haazà is maama wey esawa zin, mid-elesan dan is Megbevayà dutun te menge kayu he ziyà te pemuleey.

Genesis 4:16

Ne mibpekeziyù si Cain te Nengazen, ne ziyà med-ubpà te tanà he Nod he ziyà te zapit te edsilaan te Eden.

1 Hadì 19:3

Ne nahandek dutun si Elias, umbe mibpelaǥuy sikandin pehendiyà te Beersheba he sakup te Juda, ne intaǥak din dutun is suluǥuen din.

1 Hadì 19:9

Midseled sikandin diyà te sevaha he surung ne zutun sikandin medlipezeng hein mezukilem en. Dutun migkaǥi is Nengazen diyà te ki Elias te, “Hengkey is baal nu kayi?”

2 Cronica 2:15

“Ne ǥuntaan telehuzen he Solomon ipeuwit nu kayi te kenami is trigu, barli, wey vinu, wey lana te ulibu he insaad nu

2 Cronica 2:16

ne ebpenempezen dey is minsan hengkey he kayu ziyà te Lebanon he egkinehenglanen nu. Ne ibpebpipikit dey heini ne ibpeǥampung dey zà heini te zaǥat pehendiyà te Jopa. Ne iyan kew uwit kayi ziyà te Jerusalem.”

2 Cronica 9:21

Duen daan menge varku ni Solomon he para te petiǥayun, he iyan ed-uwit duen is menge sakup ni Hiram. Heini he menge varku kesevaha ed-ulì kada tetelu he tuig, he ed-uwit te menge vulawan, menge pelata, menge ungal te ilipanti, wey zezekelà wey zezeisey he kelasi te menge uval.

Ezra 3:7

Mibeǥey is menge Israilihanen te selapì he ibayad te menge edsapsap te vatu wey te menge pandey. Mibeǥey zaan sikandan te menge keenen, menge inumen, wey lana he ibayad diyà te menge tig-Sidon wey te menge tig-Tyre para te menge kayu he sidru he ebpuun diyà te Lebanon. Heini he menge kayu, igkarga te varku ne ed-uwiten diyà te Jopa. Intuǥut heini ni Hadì Cyrus he hadì te Persia.

Job 1:12

Migkaǥi is Nengazen diyà te ki Setanas te, “Sigi, kuwaa nu is langun he ziyà te kandin, piru kenè nu sikandin menuwa.” Umbe migenat si Setanas puun te etuvangan te Nengazen.

Job 2:7

Umbe, migenat si Setanas puun diyà te etuvangan te Nengazen ne mibpesekitan din si Job pinaaǥi te menge levag he nenuvù puun diyà te igiek din taman te ulu zin.

Salmo 107:23

Duen menge etew he mid-untud te menge varku, su pinaaǥi te kebiyahi ziyà te zaǥat is igkekuwaa zan te igkeuyag dan.

Isaias 2:16

Edlenezen din is langun he menge varku ziyà te Tarshish wey is mekempet he menge untuzà.

Isaias 23:1

Heini he menge lalag ne mehitenged te Tyre: Sineǥew kew is menge ebpemen-untud te menge varku ziyà te Tarshish! Su nezeetan is pentalan niw ziyà te Tyre. Midtudtul en heini keniyu te ebpemuun diyà te Cyprus.

Isaias 23:10

Sikiyu is menge meǥinged diyà te Tarshish, melinawen en human is kedsaǥad niw ziyà te Tyre iring en heini te melinawen he kedtuda te Wahig he Nilo, su wazè en ebpekeeǥen keniyu.

Isaias 23:6

Sineǥew kew is ebpemen-ubpà diyà te pulu. Layun kew ziyà te Tarshish!

Jeremias 10:9

Ebpevaal zan te menge pandey wey menge platiru te menge ledawan he ed-ezapen dan he ebpekeplaan te pelata he ebpuun diyà te Tarshish wey vulawan he ebpuun diyà te Ufaz. Ne ebistiyan heini te meitem is kaavuavu zin merudtem he manggad he midtahì te memetau he menge menenahì.

Ezekiel 2:8

“Piru sikew is etew, pemineǥa nu is egkeǥiyen ku ziyan te kenikew. Ne kenà a kenikew supaka iring kandan. Ginganga ka ne keena nu is ibeǥey ku kenikew.”

Ezekiel 27:12

“ ‘Mibpetiǥayun diyà te kenikew is Tarshish su mahabet is ketiǥeyunan nu. Midliwaan dan is menge velegyè nu te pelata, putew, lata, wey timeǥà.

Ezekiel 3:14

Imbayew a te Mulin-ulin ne mid-uwit e zin pehendiyà te meziyù. Neǥezam ku kayi te ǥehinawa ku is kegkesekiti wey kegkeepes, piru mibeyveyaan a te Nengazen.

Jonas 1:10

Ne midtudtulan sikandan ni Jonas mehitenged te kenè din kebpezumdumahi te suǥù te Nengazen kandin. Ne tenged dutun utew zan nengahandek, ne ke sikandan te, “Kenà meupiya haazà is mid-ulaula nu.”

Jonas 4:2

Ne mid-ampù sikandin diyà te Nengazen he ke sikandin te, “Nengazen, heini is kebpeseyluwa nu te menge tig-Nineve, ne zaan ku en he netueni zutun te aney he kedsuǥua nu kedì, umbe migaanggaan a mebpelaǥuy pehendiyà te Tarshish. Su netuenan ku he veliǥeǥawen ka wey hihizuwen he Megbevayà. Ne mepelevayen wey nepenù te hizu wey andam he kenà edlaus edsilut te menge etew he ed-iniyug te mezaat.

Josue 19:46

Me Jarkon, wey Rakon, wey is tanà atbang te Jopa.