Jonas 1:16 - Manobo Western Bukidnon OT

¹⁶ Ne tenged kayi he hitavù, dekelà is kedtahud te menge etew te Nengazen. Umbe mibpemuhat dan sikandin wey zuen menge penaad dan diyà te kandin.

Jonas 1:16 ပူးပေါင်းရင်းမြစ်များ

Genesis 28:20

Ne mibpenangdù dutun si Jacob he egkaǥi te, “He Megbevayà, emun edumahan a wey ebentayan a kenikew kayi te hipenawan ku wey emun ebeǥayan a kenikew te egkeenen wey igkevisti,

Genesis 8:20

Ne mibaal si Noe te pemuhatà para te Nengazen. Ne migkuwa zin dutun te menge langgam is lumpiyu ragkes daan is kada kelasi te menge lumpiyu he tagbis, ne midtutung din heini zutun te pemuhatà he iyan pemuhat para te Nengazen.

2 Hadì 5:17

Migkaǥi si Naaman te, “Emun kenè ka edawat, datù, ne tuǥuti a kenikew he egkergahan ku te tanà he ebpuun kayì is dezuwa he asnu ku, ne haazà ed-uwiten ku ziyà te kenami su wey ku zuen egkepemuhatan. Su puun guntaan ed-engked ad he ebpemuhat te menge pemuhat he edtutungen wey zuma he menge pemuhat he para te zuma he menge ed-ezapen su iyan dà ebpemuhaten ku is Nengazen.

Job 37:24

umbe, edtehuzen sikandin te menge etew. Ne kenè din edseǥipaan is menge etew he kunaan dan ke metau sikandan.”

Salmo 107:22

Ereg sikandan he ebpemuhat para te kebpeselamat diyà te Megbevayà; ne pinaaǥi te kegkanta tenged te kegkelipey ne tudtula zan is menge vaal zin.

Salmo 116:14

Edtumanen ku is menge saad ku he nepirmahan te langun he menge etew zin.

Salmo 50:14

Siak, is Utew Lavew he Megbevayè niw, iyan egkesuatan ku he ibpemuhat niw kedì is: kebpeselamat wey is kedtumana niw te menge pesarig niw kedì.

Megwewali 5:4

Emun duen ibpenaad nu ziyà te Megbevayà, ne kenè nu pekeuǥeta is kedtumana nu zutun. Tumana nu is penaad nu kandin su kenè din igkesuat is menge tulebung he wazà medtuman te menge penaad dan.

Isaias 26:9

Ebpengenduyen ku sikew ke timpu te mezukilem, te ebpuun te tivuuk he gehinawa ku. Tutuu he emun edhukuman nu is menge etew kayi te kelibutan, ne egketau sikandan te metazeng he kebpengungubpaan.

Jeremias 5:22

Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Daniel 6:26

“Ebmandù a, he is langun he menge etew he sakup te ginhedian ku, kehendeki zan wey tehuza zan is Megbevayà ni Daniel. Su iyan sikandin uuyag he Megbevayà ne wazà pidtemanan te untung din. Ebpedayun is kedhadì din te minsan keenu. Ne wazà ebpekezezaat kayi.

Jonas 1:10

Ne midtudtulan sikandan ni Jonas mehitenged te kenè din kebpezumdumahi te suǥù te Nengazen kandin. Ne tenged dutun utew zan nengahandek, ne ke sikandan te, “Kenà meupiya haazà is mid-ulaula nu.”

Jonas 1:14

Umbe, midhangyù dan diyà te Nengazen he ke sikandan te, “He Nengazen, kenè nu himuwa he mebpatey key tenged te kebpatey kayi te etew pinaaǥi te kedtimbaǥa zey kandin diyà te zaǥat. Kenè key kenikew siluti tenged te kegkehimetayi zey kandin, su heini is nehitavù, Nengazen, kenikew he ulaula su midhimu nu is egkesuatan nu.”

Zatù 13:16

Midtavak haazà is belinsuǥuen te, “Minsan kenè e pa egenat, ne kenè ku egkeenen is id-andam nu kedì he keenen. Piru egkehimu mulà ke ed-andam ka te pemuhat he edtutungen para te Nengazen.” (Wazà metueni ni Manoa he velinsuǥuen bes haazà te Nengazen.)