Jonas 1:14 - Manobo Western Bukidnon OT

¹⁴ Umbe, midhangyù dan diyà te Nengazen he ke sikandan te, “He Nengazen, kenè nu himuwa he mebpatey key tenged te kebpatey kayi te etew pinaaǥi te kedtimbaǥa zey kandin diyà te zaǥat. Kenè key kenikew siluti tenged te kegkehimetayi zey kandin, su heini is nehitavù, Nengazen, kenikew he ulaula su midhimu nu is egkesuatan nu.”

Jonas 1:14 ပူးပေါင်းရင်းမြစ်များ

Genesis 9:6

Ke zuen etew he edhimatey te zuma zin he etew edhimetayan daan sikandin te zuma zin he etew. Su midlimbag te Megbevayà is etew he iring te zagwey zin.

Salmo 107:28

Dutun te kedlised dan, mid-umew zan is Nengazen, ne midtevangan din sikandan.

Salmo 115:3

Diyà te langit is Megbevayè dey ne ebeelan din ke hengkey is egkesuatan din.

Salmo 135:6

Midhimu te Nengazen is minsan hengkey he egkesuatan din, diyà te langit, dini te tanà, diyà te menge zaǥat, wey ziyà te kinezizeleman kayi.

Isaias 26:16

Nengazen, mibmansu nu is menge etew nu, ne tenged te kedlised dan midangep dan wey mibpengumew-umew kenikew.

Jonas 1:13

Iyan, midhimu zan pa is taman te egkehimu zan. Midsigudu zan mebpemegsey su wey mekehendiyà te veyvey haazà is barku. Iyan, wazè dan nehimu su nasì en man medlavew is kevandes te keramag.

Jonas 1:16

Ne tenged kayi he hitavù, dekelà is kedtahud te menge etew te Nengazen. Umbe mibpemuhat dan sikandin wey zuen menge penaad dan diyà te kandin.

Jonas 1:5

Ne tenged te utew nengahandek is menge terebahanti, ne is kada sevaha kandan mid-ampù diyà te kandin he menge ed-ezapen. Ne impenimbag dan en is menge karga zutun te varku su wey mebmahagkap. Ne si Jonas mulà, nehurep diyà te zizalem he vahin te varku.

Jonas 3:8

Is langun kinahanglan he mebivisti te saku, wey kinahanglan daan he ebelhenan te saku is menge uyaǥen. Kinahanglan he med-ampù diyà te Megbevayà is uman sevaha te ked-ampù he utew hustu. Ne kinahanglan daan he engkezi te uman sevaha is mezaat he menge ulaula wey kebpendaagdaag.

Deuteronomio 21:8

He Nengazen, peseyluwa nu is menge etew nu he Israilihanen he midlibri nu ziyà te Ehipto. Kenè nu sukuta ziyà te kenami is kemetayen kayi te etew he wazà mekesalà.’ Ne zutun wazè dan en televaken te kemetayen dutun te etew.