Jonas 1:10 - Manobo Western Bukidnon OT

¹⁰ Ne midtudtulan sikandan ni Jonas mehitenged te kenè din kebpezumdumahi te suǥù te Nengazen kandin. Ne tenged dutun utew zan nengahandek, ne ke sikandan te, “Kenà meupiya haazà is mid-ulaula nu.”

Jonas 1:10 ပူးပေါင်းရင်းမြစ်များ

Genesis 3:13

Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”

2 Samuel 24:3

Piru midtavak ni Joab is hadì te, “Berakat he ipemezakel te Nengazen he Megbevayè nu is keet-etawan nu te 100 he takep, ne meehè nu pezem heini. Piru Mahal he Hadì, maan is egkesuatan nu te ebaal heini?”

Job 27:22

Henduen be te kenè en heini egkehizu he edhiyup kandin te ebpenigudu para mekelingkawas.

Jonas 1:11

Ne zutun mid-iseg en is kevandes te keramag, ne migkeǥiyan dan si Jonas te, “Hengkey is ed-ul-ulahan dey kenikew su wey meengked heini is utew zekelà he vaǥel su wey key kenà mekeizi?”

Jonas 1:3

Piru wazà mebpezumazuma si Jonas su mibpeleǥuyan din is Nengazen pehendiyà te Tarshish. Midhendiyà sikandin te Jopa, ne zutun duen barku he edhendiyà te Tarshish. Mibayad sikandin te piliti, ne hein nekevayad en, mid-untud dutun te varku he ebpehendiyà te Tarshish su wey zin mepeleǥuyi is Nengazen.

Josue 7:25

Migkaǥi si Josue ziyà te ki Acan te, “Maan is mid-uwit ka te samuk kayi te kenami? Umbe edsilutan ka ǥuntaan te Nengazen.” Ne zutun mibpenuleng te vatu te menge Israilihanen si Acan taman te kebpatey zin. Ne mibpenuleng dan daan te vatu is pemilya zin ne mibinsulan dan is menge azen din.