Joel 3:9 - Manobo Western Bukidnon OT

⁹ Ibpetuanen heini ziyà te menge nasyun: Pengandam kew para te kebpekidtebek. Hinggata niw is menge sundaru niw te kedsurung.

Joel 3:9 ပူးပေါင်းရင်းမြစ်များ

Salmo 96:10

Tudtula niw ziyà te menge nasyun is edhenduen te, “Edhadì is Nengazen.” Melig-en is kedsevuka zin te kelibutan ne kenà heini egkewaleng. Edhukuman din is menge etew te kedhukum he wazà egkevintahaan.

Isaias 34:1

Uvey kew, is menge etew ziyà te menge nasyun, ne purung kew pemineg. Is tivuuk he kelibutan wey is langun he netaǥù kayi, kinahanglan he mebpemineg.

Jeremias 31:10

“Sikiyu is menge etew ziyà te menge nasyun, pemineǥa niw is egkeǥiyen ku te Nengazen, ne tudtula niw ziyà te meziyù he lugar: Impeyapat ku is menge Israilihanen, piru edtiǥumen ku zed sikandan, ne ebentayan ku sikandan iring te kebantey te ebantey te menge kerehidu.

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Jeremias 51:11

Ebelesan te Nengazen is menge tig-Babilonia su midrundus dan is baley zin. Ibpezezeetan te Nengazen is hadì te Babilonia te hadì diyà te Media su iyan heini tuyù din. Migkeǥiyan te menge edumala sikandan te, “Kemengaa niw is menge panè niw wey iandam niw is menge kelasag niw.

Jeremias 51:27

Ivayew niw is bendirà he tuus te kebpekidtebek! Ipezaǥing is menge vudyung diyà te menge nasyun! Ipepengandam niw sikandan para te kedsurung diyà te Babilonia. Suǥùa niw te kedsurung is menge sundaru ziyà te Ararat, Mini, wey Ashkenaz. Pilì kew te pengulu wey peuwit kew te menge kudà he iring kezakel te terapan.

Jeremias 6:4

Ne egkaǥi sikandan te, ‘Ebpengandam kiw te kedsurung te Jerusalem. Edsurungen tew pezem sikandan te meudtu. Iyan, ǥuntaan hapit en edsanlep is andew ne ebpehendiyè en te kebmerusirem.

Ezekiel 38:17

Mibpedayun megkaǥi is Nengazen he MEGBEVAYÀ te, “Te nehuna he timpu impahayag ku pinaaǥi te ebpemeneuven diyà te Israel he menge suluǥuen ku, he ziyà te huziyan he menge andew duen edsurung diyà te Israel. Ne iyan ka ibpesavut ku he edsurung.

Ezekiel 38:7

“Layun nu endama is keugelingen nu wey is langun he menge sundaru nu ne penguluwi nu sikandan.

Micas 3:5

“Iyan heini migkaǥi te Nengazen mehitenged te menge ebpeneuven he nenazin te menge etew zin, he nenaad dan te meupiya he kebpekesavuk diyà te menge mibpekaan kandan, ne mibpahayag dan te kezeetan te menge wazà mebpekaan kandan:

Haggai 2:7

Edhuyungen ku is langun he nasyun ne ed-uwiten dan kayi te valey ku is menge ketiǥeyunan dan, umbe egkepenù heini is baley ku te mahalen he menge azen.

Zacarias 14:2

Su edtiǥumen te Nengazen is menge etew ziyà te langun he menge nasyun su wey zan mekepekidtebek diyà te Jerusalem. Ed-eǥawen dan heini he inged, egkuwaan dan is menge azen diyà te menge valey, ne edleyuǥen dan is menge vahi. Ed-uwiten dan diyà te zuma he lugar is ketengà te menge meǥinged keniyan he inged. Piru is duma, egkesamà keniyan te inged.

Zacarias 14:3

Ne edtebeken te Nengazen haazà is menge etew ziyà te menge nasyun, iring te kebpekidtebek din dengan.