Joel 3:3 - Manobo Western Bukidnon OT

³ Mibahin dan is menge etew ku pinaaǥi te ripa, ne imbelegyè dan he uripen is menge vatà he menge maama wey menge vahi, su ibayad dan is halin te inumen wey menge vahi he ebelegyà te zengeg dan.

Joel 3:3 ပူးပေါင်းရင်းမြစ်များ

Job 6:27

Maan, metazeng kew ve? Te egkehimu niw ganì he ibpeuripen is sevaha he ilu etawa kebelegyà te emiǥu niw?

Ezekiel 27:13

Mibpetiǥayun daan diyà te kenikew is Grecia, Tubal, wey Meshec. Midliwaan dan is menge velegyè nu te menge uripen wey menge brunsi he mibeelan he menge gelemiten.

Joel 1:5

Sikiyu is menge lelenguten, enew kew wey mebpurung medsineǥew! Su wazè niw en egkeinum; wazè en menge paras he egkeveelan he veǥu he vinu.

Amos 2:6

Iyan heini migkaǥi te Nengazen mehitenged te Israel: “Tenged te kedtulung kebaal te salà te menge tig-Israel, edsilutan ku sikandan. Su imbelegyè dan he menge uripen is menge etew he wazà mekesalà, tenged dà te utang dan. Mibeelan dan heini ziyà te menge pubri minsan nekeutang dà diyà te kandan te senge paris he sandalyas.

Obadias 1:11

Wazè kew medseǥipà hein timpu te kedsurunga te Jerusalem te ebpemuun diyà te zuma he menge nasyun. Mibey-anan niw en sikandan is ebpenguwa te menge azen diyà te Jerusalem wey ebahin kayi pinaaǥi te ripa. Iring kew zed te menge kuntada te menge Israilihanen.

Nahum 3:10

Piru minsan pa te iyan heeyan, mibihag is menge etew kayi ne miduma ziyà te zuma he lugar. Midruntek diyà te menge zalan is dezeisey pa he menge anak dan. Mibpengedinahan is dungganen he menge etew kayi ne mibahin pinaaǥi te ripa su ebpen-uripenen.