Joel 3:17 - Manobo Western Bukidnon OT

¹⁷ Menge tig-Juda, egketuenan niw he iyan a, is Nengazen he Megbevayè niw, mid-ubpà a ziyà te Zion he segradu he vuvungan ku. Ne egkeuman en maan egkehimu he segradu is Jerusalem; kenè ne heini ed-umanan edsurunga te menge etew ziyà te zuma he menge nasyun.

Joel 3:17 ပူးပေါင်းရင်းမြစ်များ

Job 15:19

Utew sikandan uluwanen, su iyan dà sikandan nekaangken te menge tanè dan, ne wazà sikandan sekupa te menge lumelengyawà.

Salmo 76:2

Ed-ubpà sikandin diyà te Buvungan te Zion he ziyà te Jerusalem.

Salmo 9:11

Sikiyu is menge etew, kentahi niw te kedalig is Nengazen he edhadì diyà te Zion. Iseysey niw ziyà te menge nasyun is nengeveelan din!

Exodus 16:12

“Nezineg ku is menge riklamu te menge Israilihanen. Keǥiyi nu sikandan te kada mezukilem ne ebpekekaan dan te usa ne kada meselem ne egkeveyangan sikandan te supas. Ne zutun egketuenan niw he iyan a is Nengazen Megbevayè niw.”

Isaias 11:9

Wazè en ebpesipala etawa ebpendezaat te segradu he vuvungan ku. Su is menge linimbag kayi te kelibutan egkepurung egketeǥui te keuluwanen mehitenged te Nengazen, iring te kegkepenua te zaǥat te wahig.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Isaias 35:8

Ebeelan dutun te disirtu is meluag he kersada, ne egngezanan heini te “Segradu he Zalan.” Wazà mekesesalà wey tulebung he ebpekeikul zutun. Su para zà haazà te menge etew he edsunud te menge paaǥi te Megbevayà.

Isaias 4:3

Egngezanan he menge segradu is menge etew he egkesamà diyà te Zion, he iyan is inged he Jerusalem.

Isaias 46:13

Kenà egkeuǥet, ebeǥayan ku te kezeeǥan wey ketazeng is Jerusalem. Uya, meǥaan ku en heini edlibriya, ne ebeǥayan ku te zengeg is Israel.

Isaias 52:1

He Zion, enew ke en, wey mebpekelig-en! Sikew is segradu he inged he Jerusalem, ipeehè nu is kegkemekeǥeǥehem nu! Su is menge kuntada nu he kenà menge Israilihanen he ed-isipen he meremerik, kenè en ebpekeseled diyà te kenikew.

Isaias 56:7

Ed-uwiten ku sikandan diyà te segradu he vuvungan ku, ne edlipayen ku sikandan diyà te valey ku he elempuanan. Edewaten ku ziyà te pemuhatà he para kediey is menge pemuhat dan he edtutungen wey zuma pa he menge pemuhat; su is baley ku egngezanan te valey he elempuanan te menge etew ziyà te langun he menge nasyun.”

Jeremias 31:23

Migkaǥi is Nengazen he Mekeǥeǥehem, he Megbevayà te Israel te, “Emun igkepelikù ku en is menge etew ziyà te Juda ziyà te tanè dan, ne egkaǥi en maan sikandan te, ‘Berakat he tuvazi te Nengazen is segradu he vuntud he iyan is Jerusalem, he iyan ubpeey zin.’

Jeremias 31:40

Minsan is tivuuk he suǥud-suǥud he timbaǥà te ebpematey wey menge igmuk te menge pemuhat, ne idsivey para kedì; ragkes en is langun he vevesukà diyà te Kidron he zal-ug diyà te edsilaan, pehendiyà te Pultahan te menge Kudà diyà te zizaya. Kenè en egkeuman egkezeeti heini he inged.”

Ezekiel 20:40

Su ebpekepenilbi kediey is langun he menge etew te Israel ziyà te segradu he vuvungan ku, he iyan kes metikang he vuvungan diyà te Israel. Dutun edewaten ku sikiyu wey ibpepemuhat ku te nekedseselekawà he menge pemuhat wey te ispisyal he menge gasa.

Ezekiel 37:6

Ebeǥayan ku sikiyu te menge uǥat wey menge sapù, ne edtengesen ku sikiyu te lundis. Ebeǥayan ku sikiyu te ǥehinawa ne egkeuyag kew. Ne egketuenan niw he iyan a Nengazen.’ ”

Ezekiel 43:12

Iyan heini edhuna he menge kesuǥuan dutun te valey te Nengazen: Kinahanglan he segradu is langun he lugar ziyà te zivavew te vuvungan he ebpekeliǥuy te nehitindeǥan te valey te Nengazen.

Ezekiel 44:9

Umbe siak is Nengazen he MEGBEVAYÀ, iyan egkeǥiyen ku is: is menge etew he kenà Israilihanen, kenè ku idtugut he mekeseled sikandan diyà te valey ku, minsan is kenà menge Israilihanen he mid-ubpà duma keniyu.’

Ezekiel 48:35

Umbe is tivuuk he keleyatan duen te verengbeng, ne 9,000 he mitrus, ne puun dutun he timpu haazà is inged egngezanan he “Keniyan is Nengazen!”

Daniel 11:45

Ebangun sikandin te tulda zin te hadì diyà te mid-elangan te zaǥat wey te mekempet wey segradu he vuvungan. Piru te huziyan he timpu egkepatey sikandin he wazà ebpeketavang kandin.”

Daniel 9:16

Umbe, Nengazen, tenged dà te kenikew he keupiya, edhangyù a ziyà te kenikew he iawè nu en is pauk nu te menge meǥinged diyà te Jerusalem te inged nu he segradu he vuvungan. Tenged te menge salè dey wey menge salà te menge kepuun dey, mibpeel-elezan key wey is menge tig-Jerusalem te menge etew he nekeelingkus kenami.

Joel 2:27

Ne egketuenan niw he ziyà a te keniyu te menge tig-Israel, ne iyan e zà Nengazen he Megbevayè niw ne wazè en duma pa. Ne sikiyu is menge etew ku ne kenè kew en egkepeel-elezan minsan keenu.”

Joel 3:21

Ibpenimales ku is kebpenhimetayi te menge etew ku; edsilutan ku is mibaal kayi ziyà te kandan. Iyan a, is Nengazen, ed-ubpà diyà te Zion.”

Nahum 1:15

Tengtengi niw is menge tig-Juda! Duen menge menunudtulà he ed-abley ziyà te menge vuvungan su edtudtulan kew zan te meupiya he tudtul he zuen en kelinew ziyà te lugar niw. Umbe silibraha niw en is menge pista niw ne tumana niw is menge penaad niw ziyà te Nengazen. Su is lalung he menge etew ziyà te nasyun he Asiria kenè en maan ebpekesurung keniyu, su ebpurungan ku sikandan edezeeti.

Zacarias 8:3

Edlikù a ziyà te Zion, kes inged he Jerusalem, ne ed-ubpà a ziyà. Ne egngezanan is Jerusalem te Metinumanen he Inged wey egngezanan heini is buvungan ku te Buvungan he Segradu.