Joel 3:14 - Manobo Western Bukidnon OT

¹⁴ Utew mahabet is menge etew he eguǥurub diyà te Suǥud te Kedhukum, su hapit en egkeuma is andew te kedsilut te Nengazen.

Joel 3:14 ပူးပေါင်းရင်းမြစ်များ

Salmo 37:13

Iyan, ed-engitan dà sikandan te Nengazen, su netuenan din he hapit en egkeuma is timpu te kedezeeti kandan.

Isaias 13:4

Pemineǥa niw is keǥurub diyà te menge vuvungan te utew mahabet he menge etew. Pemineǥa niw is keǥurub diyà te menge ginhedian wey menge nasyun he edtiǥum. Edtiǥumen te Nengazen he Mekeǥeǥehem is menge sundaru zin he para te tebek.

Isaias 22:1

Heini he menge lalag ne mehitenged te suǥud-suǥud he zuen duen egkengelewasan: Hengkey is nehitavù. Maan is nemenahik kew is langun diyà te menge atep?

Joel 1:15

Egkeuvayan en is andew te kebpendezaat te Nengazen he Mekeǥeǥehem.

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Joel 2:11

Ebmenduan te Nengazen heini is menge terapan he menge sundaru zin, ne edtumanen dan is menge suǥù din. Mekahandekhandek heini he menge terapan ne utew subra is kahabet dan. Mekehandekhandek utew haazà is andew te kedsilut te Nengazen; ne wazà ebpekeeguwanta kayi.

Joel 3:12

Migkaǥi is Nengazen te, “Kinahanglan he egkehinggat is menge etew ziyà te peliǥuy he menge nasyun te kedhendiyà te Suǥud ni Jehoshafat, su edhukuman ku sikandan dutun.

Joel 3:2

edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.

Zefanias 1:14

Meǥaan en egkeuma is mekahandekhandek he andew te kedsilut te Nengazen. Hapit en heini egkehitavù ne merasey heeyan he andew, su minsan is menge sundaru ebpekepengulahì te kebuyù te tavang.