Joel 3:11 - Manobo Western Bukidnon OT

¹¹ Hendini kew, uvey kew zini, sikiyu is menge etew ziyà te peliǥuy he menge nasyun. Ne tiǥum kew ziyà te Suǥud ni Jehoshafat. Nengazen, ipetupang nu en dutun is menge sundaru nu!

Joel 3:11 ပူးပေါင်းရင်းမြစ်များ

Salmo 103:20

Deliǥa niw is Nengazen, sikiyu is mekeǥeǥehem he menge velinsuǥuen he ebpemineg wey edtuman te menge lalag din.

Isaias 10:34

Edezeeten din sikandan he iring te ebpemilayen sikandan he kayu ziyà te ketelunan pinaaǥi te wasey heini skandan is iring te menge kayu ziyà te Lebanon, edezeetan te mekeǥeǥehem Megbevayà.

Isaias 13:3

Midsuǥù ku en is pinilì ku he menge sundaru te kedsilut te menge etew he egkeepesan ku. Heini he menge sundaru nengelipey sikandan su edsarig dan he edhimuwen ku heini he kedsilut.

Isaias 37:36

Ne zutun midhendiyà is belinsuǥuen te Nengazen te kampu te menge tig-Asiria ne migerè din is 185,000 he menge sundaru. Ne hein meselem en, ked-enew zuen te nesamà he menge uuyag, neehè dan is utew mahabet he nemematey.

Joel 3:2

edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.

Micas 4:12

Piru heini he menge etew ziyà te menge nasyun, wazè dan metueni is isip ku. Wazè dan mesavut is pelanu ku, he midtiǥum ku sikandan su wey ku mesiluti iring te menge pungu he edtiǥumen su egunasen.

Zefanias 3:8

“ ‘Umbe, sikiyu is menge metinumanen he menge tig-Jerusalem, teǥazi niw zà is kebpeheyaǥa ku te salà te menge nasyun. Su midisisyun ad he edtiǥumen ku is menge etew ziyà te menge nasyun wey menge ginhedian su wey ku ikepeǥezami kandan is utew ku kegkepauk he iring te hapuy he ebpekeepur te tivuuk he kelibutan.