Joel 2:5 - Manobo Western Bukidnon OT

⁵ Is keǥurub te kedlinglingketew zan diyà te menge vuvungan iring te keǥurub te ebpelelaǥuy he kerwahi wey iring te kerekatak te ebinsulan he reǥami. Iring sikandan te mekeǥeǥehem he menge sundaru he andam en he ebpekidtebek.

Joel 2:5 ပူးပေါင်းရင်းမြစ်များ

Job 39:20

Iyan ke ve nengelintau wey mekelingketew he iring te terapan ne wey zaan mekeherìhì te igkahandek te menge etew?

Exodus 5:12

Umbe, nekeeneb sikandan diyà te tivuuk he Ehipto is ebpenguwa te tued te reǥami he iyan egemiten dan he ilis te reǥami.

Isaias 30:30

Ibpezineg te Nengazen is mezaǥing he laǥeng din, wey ibpeehè din is belad din he andam en he edsilut tenged te utew zin kegkepauk. Egkezumahan heini te edriyubriyub he hapuy, egketik-ew he kedtanà te uzan, kebpenruǥung wey kebpengilat, wey ked-uzan te ǥiyew he iring kengezekelà te menge vatu.

Isaias 5:24

Umbe, iring kew te neǥangu he reǥami wey sagbet he meǥaan dà edeketi te hapuy wey egkeigmuk; segugunè kew egkengezeeti. Egkeiring kew te pinemula he neredak is dalid din, ne is menge kevukad din, inlayap he henduen dà te eliyavuk, su geina te inselikwey niw is Kesuǥuan te Nengazen he Mekeǥeǥehem, kes Waǥas he Megbeveyà te Israel.

Jeremias 50:42

Neǥumeenan sikandan te menge panà wey menge vangkew. Mesipala sikandan ne wazè dan hizu. Emun ed-untud sikandan te menge kudè dan ne iring is keǥurub dan te keǥurub te dezekelà he menge vaǥel ziyà te zaǥat. Ebpekeuma sikandan is andam en he edsurung keniyu te menge meǥinged diyà te Babilonia.