Joel 2:31 - Manobo Western Bukidnon OT

³¹ Ebmerusirem is andew, ne is bulan ebmeriǥà iring te lengesa. Kenà heini egkehitavù emun kenè pa egkeuma is mekahandekhandek he kedhukum te Nengazen.”

Joel 2:31 ပူးပေါင်းရင်းမြစ်များ

Jeremias 4:28

Egkeseeng is kelibutan ne ebmerusirem is langit, su nekaǥi ku en is silut, ne kenè ku en ebelvelewanan is nekaǥi ku. Nekedisisyun ad ne kenè en egkahalin is isip ku.”

Ezekiel 32:7

Emun igkaawè ku en sikew, ed-elangan ku te ǥapun is langit, ne kenè en ebpekeveǥey te kerayag is menge vituen, wey is andew wey vulan.

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Joel 2:10

Egkehuyung is kelibutan wey is langit dutun te kebpekeuma zan. Ebmerusirem is andew wey is bulan ne kenè en edsiǥa is menge vituen.

Joel 2:11

Ebmenduan te Nengazen heini is menge terapan he menge sundaru zin, ne edtumanen dan is menge suǥù din. Mekahandekhandek heini he menge terapan ne utew subra is kahabet dan. Mekehandekhandek utew haazà is andew te kedsilut te Nengazen; ne wazà ebpekeeguwanta kayi.

Joel 2:2

Merusirem wey ebpenggapun dutun he andew. Is mekahandekhandek he menge terapan he utew subra is kahabet dan ne ebpekeeneb diyà te menge vuvungan iring te kebpekeeneb te silà te andew emun egkepawè en. Wazè pa nehitavù he iring keniyan puun pa zengan, ne kenè en egkeuman egkehitavù is iring keniyan taman te taman.

Joel 3:1

Migkaǥi is Nengazen te, “Dutun te timpu te edlikù ku is meupiya he kebpekesavuk diyà te Juda wey Jerusalem,

Joel 3:15

Ebmerusirem is andew wey is bulan, ne kenè en edsiǥa is menge vituen.

Zacarias 14:6

Dutun he andew wazà meinit wey meǥenew.

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.

Malakias 4:5

“Piru te kenè pa egkeuma haazà is dekelà wey mekahandekhandek he andew te Nengazen, ibpehendiyè ku te keniyu is ebpeneuven he si Elias.