Joel 2:3 - Manobo Western Bukidnon OT

³ Ebpekedtitinundug is ked-ataki te menge terapan he henduen be te hapuy. Hein wazè pa sikandan med-etaki, is tanà henduen be te iring te pemuleey he Eden, piru hein mid-etaki zan en heini, ne neiring heini te disirtu. Wazè en pinemula he wazè dan mezèdeeti.

Joel 2:3 ပူးပေါင်းရင်းမြစ်များ

Genesis 13:10

Ne zutun mibpememantew si Lot ne neehè din he utew meupiya haazà is tanà he uvey te Suǥud he Jordan su mezakel is menge wahig dutun te zapit te inged he Zoar. Iring haazà te pemuleey te Eden sikan is pemuleey zengan te Nengazen wey iring daan te tanà he Ehipto. (Ne zutun he timpu wazè pa dèdeeti te Nengazen is menge inged he Sodom wey Gomora.)

Genesis 2:8

Ne zutun mibeelan te Nengazen he Megbevayà is pemuleey ziyà te Eden he ziyà te zapit te edsilaan, ne insavuk din dutun haazà is etew he midlimbag din.

Salmo 50:3

Ne ebpekeuma is Megbevayà he ebpetuus, su ziyà te egkehunaan din duen egkeregreg he hapuy, ne ziyà te ebpekeliǥuy kandin ne zuen bagyu.

Salmo 97:3

Duen hapuy ziyà te egkehunaan din ne iyan haazà ebpekeepur te menge kuntada zin diyà te peliǥuy.

Exodus 10:15

Midhurunan dan is tivuuk he Ehipto ne henduen be te mibmeitem is tanà. Mid-amin dan keena sikan is wazà mezeeti zuen te ǥiyew. Migkaan dan is minsan hengkey he midtuvù diyà te menge pemuleey wey is menge veǥas te kayu. Umbe wazè en nesamà he pinemula ziyà te tivuuk he Ehipto.

Exodus 10:5

Ne tenged te utew subra is kahabet dan, ne kenà ebpekelepew is tanà. Ne iyan heini ebpekaamin duen te zeisey he nesamà keniyu hein nenggiyew, ne idragkes dan is langun he kayu ziyà te menge pemuleey niw.

Isaias 14:17

Kenè be iyan sikandin kes mibengkag te menge inged wey midhimu te kelibutan he iring te disirtu, wey wazè din engkezi te ed-uripen is mibihag din?’

Isaias 15:6

Nemezahan is wahig he Nimrim, ne neǥangu is menge sagbet. Wazè en midtuvù he pinemula.

Isaias 33:4

Edtevanen is menge azen dan; egkeiring sikandan te pinemula he midterapan.

Isaias 51:3

“Egkenuǥunan ku utew is Jerusalem he nevengkag. Is menge disirtu kayi edhimuwen ku he iring te Eden he pemuleey ku, egkaahà diyà te Jerusalem is kelipey wey kedlipey wey egkezineg kayi he lugar is kebpeselamat wey menge kegkanta.

Isaias 9:18

Su is kelelalung dan iring te hapuy he nekevinsul te zuǥiyen he zezeisey he kayu. Edriyubriyub heini iring te hapuy he nekevinsul te menge kayu, ne mekepal he evel is midlipuwak pehendiyà te zivavew.

Isaias 9:19

Tenged te pauk te Nengazen he Mekeǥeǥehem, egkevinsulan is tanè dan, ne egkehimu sikandan he tavun he ed-epuren te hapuy. Kenè dan egkehizuwan minsan is iring dan he menge Israilihanen.

Jeremias 5:17

Ed-eminen dan is menge abut niw, menge keenen niw, menge paras wey menge higus niw. Ebpenhimetayan dan is menge anak niw wey is menge uyaǥen niw. Ebengkaǥen dan is dezekelà he menge inged niw he neliǥuy te verengbeng he midseriǥan niw.

Ezekiel 36:35

egkaǥi te, ‘Is tanà he wazè din pulus dengan, neiring en te pemuleey he Eden. Is menge inged he nengevengkag wey nengehimu he mekevulungbulung dengan ne zuen din en menge verengbeng wey ed-ubpaan en!’

Amos 7:4

Heini pa is impaahà kedì te Nengazen he MEGBEVAYÀ: Neehè ku he ebpengandam is Nengazen he MEGBEVAYÀ te kedsilut te menge etew zin pinaaǥi te hapuy. Ne impememaza te hapuy is ebpuunan te wahig diyà te zizalem te tanà, ne midtutung kayi is langun he netaǥù te tanà he Israel.

Habakuk 1:6

Su edhimuwen ku he gemhanan is menge tig-Babilonia. Heini he menge etew, utew memesipala ne kenè ne egkesanggen he edsurung diyà te zuma he menge nasyun su wey zan maaǥew is menge lugar he kenà kandan.

Zacarias 7:14

Iring a te eribpures he mibpeyapat kandan diyà te menge lugar he wazè dan keenu meveyai. Neewaan dan is meupiya he tanè dan, ne nehimu heini he mekevulungbulung.”