Joel 2:23 - Manobo Western Bukidnon OT

²³ Sikiyu is menge etew ziyà te Zion, lipey kew tenged te mibeelan te Nengazen he Megbevayè niw. Su mibeǥayan kew zin te nehuna he uzan te kebpaahaa zin he metazeng sikandin. Mibeǥayan kew zin te nehuna he uzan wey te ebpekesunud he uzan iring ded duen te nehuna.

Joel 2:23 ပူးပေါင်းရင်းမြစ်များ

1 Hadì 8:36

ne pemineǥa nu sikandan diyan te langit. Peseyluwa nu sikandan is menge suluǥuen nu he menge etew nu he Israilihanen. Penurua nu sikandan te metazeng he kebpengungubpaan, ne peuzani nu is tanà he imbeǥey nu kandan he egkaangken dan.

Job 33:23

“Piru emun duen sevaha zuen te linibu he menge velinsuǥuen he ebpeteliwazà diyà te pid-elangan dan te Megbevayà, he ebpetanudtanud kandin ke hengkey is hustu he ereg he ebeelan din,

Job 37:13

Ibpeuzan te Megbevayà te mereǥes su para zuen wahig diyà te tanà, etawa pinaaǥi te kebmansu zin te etew, etawa pinaaǥi te kebpaahaa zin te gaǥew zin.

Salmo 104:34

Berakat he igkelipey zin is kebpurunga ku ked-is-isipa kayi te langun. Igkelipey ku is Nengazen.

Salmo 147:8

Midilungan din is langit te menge ǥapun, ne mibpeuzanan din is dini te kelibutan, wey mibpetuvuan din is menge vuntud te menge sagbet.

Salmo 149:2

Medlipey kew is menge tig-Israel; ikelipey niw is midlimbag keniyu. Medlipey kew is menge etew ziyà te Zion tenged te hadì niw.

Salmo 28:7

Iyan ka mibeǥey kedì te zesen; iyan ka migkelasag kedì. Midsarig a kenikew ne edtevangan a kenikew. Umbe utew a melipayen ne migkanta a te peselamat diyà te kenikew.

Salmo 32:11

Umbe, sikiyu is menge metazeng, lipey kew tenged te mibeelan te Nengazen diyà te keniyu! Sikiyu is nengungubpaan te hustu he paaǥi, ugyab kew tenged te kegkelipey niw!

Salmo 84:6

Dutun te kebpekevayè dan diyà te Memaza he Suǥud, henduen be te neǥezam dan he zuen dutun menge serebseb, ne henduen be te mid-uzanan haazà su zuen dutun wahig he nengetang-el.

Erubasa 16:15

Emun nekepenunuat te hadì is etew ne kenè din sikandin edhimetayan; ibpeehè din kandin is keupiya zin he iring te uzan he ebpekepetuvù te menge pinemula.

Isaias 30:21

wey egkezineg niw is laǥeng din he iyan egiya keniyu ziyà te hustu he zalan, minsan hendei kew.

Isaias 30:23

Ebeǥayan kew te Nengazen te uzan dutun te timpu te kebpemula, ne ed-uzaren kew. Dutun he timpu ebpenabtab is menge ayam niw ziyà te meluag he menge penebtavà.

Isaias 41:16

Ed-ukapan nu haazà ne idlayap te keramag, ne ibpedsusuwey te eribpures. Piru sikew mulà igkelipey nu is Nengazen; edeliǥen nu is Waǥas he Megbevayà te Israel.

Isaias 61:10

Utew ku igkelipey is Nengazen he Megbevayè ku, su iring te mibistiyan e zin te kelibriyanan wey kezeeǥan duma is ketazeng. Iring a te ebpengesawa he zuen din mekempet he tengkulu wey te ed-esewaan he midsun-ud te menge elahas.

Jeremias 3:3

Tenged keniyan, wazà med-uzan diyà te keniyu minsan timpu pezem te tipenguzan, su iring kew te vahi he ebelegyà te zengeg din he kenà egketau he egkeeled.

Jeremias 5:24

Kenà ebpuun diyà te ǥehinawa zan is kegkaǥi zan te, ‘Edtehuzen tew is Nengazen he Megbevayè tew he mibeǥey te uzan dutun te hustu he timpu wey mibeǥey kenitew te sebpet dutun te timpu te kedraǥun.’

Ezekiel 34:26

Edtuvazan ku sikandan wey is menge lugar peliǥuy te segradu he vuntud ku. Edtuvazan ku sikandan pinaaǥi te kebpeuzani ku kandan dutun te hustu he timpu.

Hoseas 6:3

Ebpeninguhaan tew he mekilala tew is Nengazen. Siguradu he ebpekeuma sikandin iring te kedsilà te andew. Ebpekeuma sikandin iring te uzan he ebpekeveǥey te wahig diyà te tanà.”

Leviticus 26:4

ebpeuzanan ku sikiyu zutun te hustu he timpu su wey mebeǥey te sebpet is tanà ne ebpekepemeǥas is menge kayu.

Amos 4:7

“Iyan a mid-eǥen te uzan te tetelu he vulan human is tiraǥun. Mibpeuzanan ku is duma he menge inged piru is duma wazè ku peuzani. Mibpeuzanan ku is duma he menge pemuleey piru is duma mibmemaza.

Zacarias 10:1

Buyù ka te uzan diyà te Nengazen dutun te timpu te kedtuvù te menge pinemula su iyan sikandin mibaal te kivel. Su iyan sikandin mibeǥey te uzan diyà te menge etew wey menge pinemula ziyà te menge vevesukà.

Zacarias 10:7

Is menge etew te Israel, egkeiring sikandan te mezesen he menge sundaru. Ebmelipayen sikandan he iring te etew he nekeinum te vinu. Egketenuzan te menge kevuwazan dan heini he kezeeǥan ne egkelipey zan tenged te mibeelan ku.

Zacarias 9:13

Egemiten ku is Juda wey Israel he iring te panà. Edhimuwen ku is menge etew ziyà te Zion he iring te ispada he idsiwer ku, ne edezeetan dan is menge etew ziyà te Grecia.”

Zacarias 9:9

Migkaǥi is Nengazen te, “Ugyab kew tenged te kegkelipey is menge meǥinged diyà te Zion, he iyan is inged he Jerusalem, su ebpekeuma is hadì niw. Metazeng sikandin wey mezeeǥen. Kenà sikandin mepelevawen ne ebpekeuma he ed-untud te nati he asnu.

Deuteronomio 11:14

ebpeuzanan kew zin dutun te hustu he timpu su wey kew sebpeta te trigu, paras he para ebeelan niw he vinu, wey ulibu he para ebeelan niw he lana.

Deuteronomio 28:12

Ibpeuzan te Nengazen diyà te keniyu te hustu he timpu he ebpuun diyà te midteǥuan din te zekelà he ketiǥeyunan din diyà te langit, ne edtuvazan din is langun he menge vaal niw. Ebpekepesambey kew ziyà te mahabet he menge nasyun, piru kenè kew mulà ebpekepemenambey.

Deuteronomio 32:2

Is menge penurù ku egkeulug he iring te uzan etawa zehemug. Is menge lalag ku iring te mereǥes he uzan diyà te menge sagbet ne iring te virisbiris diyà te menge pinemula.