Joel 2:22 - Manobo Western Bukidnon OT

²² Ne kenà daan ereg he egkahandek is menge langgam, su mibmeilem en is menge penebtavà wey nemeǥas en is menge kayu ragkes en is higus. Nemeǥas en daan is menge paras.

Joel 2:22 ပူးပေါင်းရင်းမြစ်များ

Genesis 4:12

Minsan duen ibpemula nu kayi te tanà ne ebpengelinteuwan ku he kenè en ebeǥasan heini. Wazè en egketendù he egkeubpaan nu umbe ebpekeriǥuriǥu ke zà te minsan hendei zini te lumpad.”

Salmo 36:6

Is ketazeng nu, ne melig-en; igkepetug-iring te metikang he menge vuntud. Is hustu he kedhukum nu, ne kenà egketegkad; igkepetug-iring te mezalem he zaǥat su kenà egketegkad. Ed-eturen nu, Nengazen, is menge etew wey menge langgam.

Salmo 65:12

Is menge penebtavà diyà te sibsivayan ne zekelà is memeilem he sagbet duen; is menge vuvungan henduen be te menge etew he egkengelipey.

Salmo 65:13

Is menge penebtavà neeneb te menge ebpemenabtab; is menge suǥud neeneb te menge trigu. Heini he menge lugar henduen be te menge etew he ebpemen-ugyab wey ebpemenganta te kegkelipey.

Salmo 67:6

Berakat he mebeǥey te sebpet is tanà. Berakat he edtuvazan kiw te Megbevayè tew. Berakat he edtahud kandin is langun he menge etew ziyà te minsan hendei kayi te kelibutan.

Isaias 51:3

“Egkenuǥunan ku utew is Jerusalem he nevengkag. Is menge disirtu kayi edhimuwen ku he iring te Eden he pemuleey ku, egkaahà diyà te Jerusalem is kelipey wey kedlipey wey egkezineg kayi he lugar is kebpeselamat wey menge kegkanta.

Ezekiel 36:30

Ibpeveǥas ku te mahabet is menge kayu niw wey ibpezekelè ku is menge abut niw, su wey kew kenè en mepeel-elezi ziyà te zuma he menge nasyun tenged te kebitila niw.

Ezekiel 36:35

egkaǥi te, ‘Is tanà he wazè din pulus dengan, neiring en te pemuleey he Eden. Is menge inged he nengevengkag wey nengehimu he mekevulungbulung dengan ne zuen din en menge verengbeng wey ed-ubpaan en!’

Ezekiel 36:8

Piru sikiyu is menge vuvungan te Israel, edtuvù diyà te keniyu is menge kayu, ne ebpemeǥas heini para te menge etew ku he Israilihanen, su hapit dan en ed-ulì.

Jonas 4:11

Ne iyan e pa kenà mehizu te Nineve, keniyan te inged he zuen duen subra he 120,000 he menge etew he wazè dan hanew zuen te kesuǥuan ku, ne zuen pa mahabet he menge uyaǥen?”

Haggai 2:16

Dutun te nehuna, emun edhendiyè kew te midtembuan te menge trigu he ebperateng kew he ebpekekuwa kew te 20 he takes, ne 10 dà he takes is egkekuwa niw. Ne emun edhendiyè kew te keresà te paras is ebperateng he ebpekekuwa te 50 he galun he vinu, ne 20 zà is egkekuwa niw.

Zacarias 8:12

Ke ebpemula kew ne zuen kelinew. Ebpemeǥas is menge paras, duen egkeraǥun diyà te tanà, ne zuen en dehemug. Heini is langun, ibeǥey ku ziyà te keniyu te egkengesama, ne egkaangken niw heini.