Joel 2:16 - Manobo Western Bukidnon OT

¹⁶ Himuwa niw is tulumanen te kedlumpiyu ne tiǥum kew is langun, batà etawa meǥurang. Minsan is menge peririǥè pa ne uwita niw, ne medtampu zaan is beǥu he neked-esawa.

Joel 2:16 ပူးပေါင်းရင်းမြစ်များ

2 Cronica 20:13

Hein kemulu pa zutun ebpemenhitindeg is langun he menge maama te Juda duma te menge esawa zan wey menge anak dan, ragkes dutun is dezeisek he menge anak dan,

2 Cronica 29:5

Ne migkeǥiyan din sikandan te, “Pemineǥa a keniyu, sikiyu is menge kevuwazan ni Levi. Guntaan, ihalad niw is keugelingen niw wey lumpiyuwi niw zaan is baley te Nengazen, he Megbevayà te menge kepuun niw. Iawè niw keniyan te valey te Nengazen is langun he menge vutang he ed-isipen he meremerik.

2 Cronica 30:17

Ne ǥeina te mezakel he menge etew zutun is wazà mekepenlumpiyu te keugelingen dan, ne iyan is menge Levihanen midlapà te menge kerehidu zan su wey ikepemuhat diyà te Nengazen.

2 Cronica 30:19

he nenganduy te kedangep diyà te kenikew, te Megbevayà te menge kepuun din, minsan pa ke kenà sikandin lumpiyu sumalà te sulunuzen diyà te valey te Nengazen!”

2 Cronica 35:6

Mebpekelumpiyu kew wey endama niw is keugelingen niw para te kedsilbi te menge zuma niw. Ne lepaa niw is menge kerehidu wey menge kambing he para te Pista te Kedlavey te Belinsuǥuen. Ikula niw is menge suǥù te Nengazen keniyu pinaaǥi ki Moises.”

Job 1:5

Ne kada egkepasad is keemuran, ebpemuhat si Job para melumpiyuwi haazà is menge anak din. Edsayu sikandin ed-enew ne ebpemuhat sikandin te menge pemuhat he edtutungen he para te kada anak din su egkeisip din he kela ke nekesalà is menge anak din, ne kela ke nekekaǥi zan te mezaat mehitenged te Megbevayà. Ne iyan heini layun ebeeli ni Job.

Salmo 19:5

Ne puun dutun, egawas is andew ke meselem he melipayen iring te ebpengesawa he ibpenahik, wey iring te ebpekidlumbà he andam en he ebpelelaǥuy.

Exodus 19:10

migkaǥi pa is Nengazen diyà te kandin te, “Hendiyè ka te kandan ne keǥiyi nu sikandan he mebpekelumpiyu sikandan guntaan wey keeselem. Kinahanglan he pemìpii zan is menge visti zan.

Exodus 19:15

Migkeǥiyan ni Moises sikandan te, “Pengandam kew para te meketelu ǥuntaan; kenè niw en dèpa hileveti is esawa niw.”

Exodus 19:22

Minsan is menge memumuhat he layun ed-uvey kayi te kediey kinahanglan he mebpekelumpiyu sikandan te keugelingen dan su emun kenà, ne edsilutan ku sikandan.”

Joel 1:14

Keǥiyi niw is menge edumala te Juda wey is langun he meǥinged kayi, he medtiǥum dan is langun diyà te valey te Nengazen he Megbevayè niw ne mebpuasa zan. Mebuyù dan te tavang diyà te Nengazen.

Josue 7:13

“Hitindeg ka ne keǥiyi nu is menge etew he lumpiyuwi zan is keugelingen dan para te ked-etuvang dan kedì keeselem, tenged te siak, is Nengazen he Megbevayà te Israel, egkaǥi te: ‘He Israel, duen niw in-eles he menge azen he para zà kediey. Kenè kew ebpekesukul te menge kuntada niw mintras wazè pa maawà diyà te keniyu heini he menge azen.’

Josue 8:35

Midtigseselimbaha vesaha ni Josue is menge suǥù ni Moises diyà te etuvangan te tivuuk he keet-etawan te Israel ragkes en is menge vahi, menge vatà, wey kenà menge Israilihanen he zuma zan he meǥinged.

1 Samuel 16:5

Midtavak si Samuel te, “Uya, midhendini a su ebpemuhat a ziyà te Nengazen. Mebpekelumpiyu kew ne zuma kew kedì te ebpemuhat.” Ne midhimu ni Samuel is tulumanen para melumpiyuwi si Jesse wey is menge anak din, ne midhinggat din sikandan te kebpemuhat.