Joel 2:15 - Manobo Western Bukidnon OT

¹⁵ Ipezaǥing niw is budyung diyà te Zion he paaǥi te kebpetueni te menge etew he kinahanglan sikandan he edtiǥum para te kebpuasa.

Joel 2:15 ပူးပေါင်းရင်းမြစ်များ

1 Hadì 21:12

Midtiǥum dan is menge etew para mekepuasa ne impepinuu zan si Nabot diyà te egkehunaan dutun te menge etew.

1 Hadì 21:9

Ne iyan heini netaǥù dutun te surat din: “Tiǥuma niw is menge etew para te kebpuasa, ne ipepinuu niw si Nabot diyà te egkehunaan te menge etew.

2 Hadì 10:20

Migkaǥi si Jehu te, “Edhimu kiw te ispisyal he ketiǥuman su wey tew meveǥayi te zengeg si Baal.” Umbe impehibelu haazà diyà te menge etew.

Isaias 1:13

Engked kew en te ked-uwit te menge pemuhat he wazè dan pulus. Igkeremerik ku is beyewè niw. Kenè ku en egkaantus is menge kevurunan niw emun Pista te Kebpuun te Hayag wey emun Andew te Kedhimeley, su minsan edtiǥum kew ne mezaat is baal niw.

Jeremias 36:9

Neulaula heini hein andew te kebpuasa zuen te ikesiyam he vulan te ikelima he tuig te kedhadì ni Jehoyakim diyà te Juda, he anak ni Josia. Dutun midtiǥum diyà te valey te Nengazen is menge meǥinged diyà te Jerusalem wey ziyà te menge inged diyà te Juda.

Joel 1:14

Keǥiyi niw is menge edumala te Juda wey is langun he meǥinged kayi, he medtiǥum dan is langun diyà te valey te Nengazen he Megbevayè niw ne mebpuasa zan. Mebuyù dan te tavang diyà te Nengazen.

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Numero 10:3

Emun ibpedredsà te ebpezaǥing haazà is dezuwa he trumpita ne edtiǥum is langun he menge etew ziyà te ǥemawan duen te Tulda he Edtelevukaayan.