Joel 2:11 - Manobo Western Bukidnon OT

¹¹ Ebmenduan te Nengazen heini is menge terapan he menge sundaru zin, ne edtumanen dan is menge suǥù din. Mekahandekhandek heini he menge terapan ne utew subra is kahabet dan. Mekehandekhandek utew haazà is andew te kedsilut te Nengazen; ne wazà ebpekeeguwanta kayi.

Joel 2:11 ပူးပေါင်းရင်းမြစ်များ

Salmo 18:14

Mibpanè nu te kilat is menge kuntada nu, ne nemekepelaǥuy zan he egkengeteranta.

Salmo 46:6

Egkengeheratan is menge nasyun; egkengehuyung is menge ginhedian. Tenged te kulehian te Megbevayà henduen be te egketunew en te kegkahandek is menge etew kayi te tivuuk he kelibutan.

Salmo 68:18

Hein mibpeketikang sikandin, mahabet he menge vihag is mid-uwit din, ne midawat din is menge gasa he ebpuun diyà te menge etew, minsan is ebpuun diyà te mesinupaken kandin. Ne kayi te kenitew ed-ubpà is Nengazen he Megbevayà.

Isaias 13:4

Pemineǥa niw is keǥurub diyà te menge vuvungan te utew mahabet he menge etew. Pemineǥa niw is keǥurub diyà te menge ginhedian wey menge nasyun he edtiǥum. Edtiǥumen te Nengazen he Mekeǥeǥehem is menge sundaru zin he para te tebek.

Isaias 42:13

Ebpekidtebek is Nengazen he iring te sundaru he andam en he ebpekidtebek. Ebpengulahì sikandin he tuus te edsurung en, ne egkezaag din is menge kuntada zin.

Isaias 7:18

“Dutun he timpu, ebpemunsuwit is Nengazen he ed-umew te menge tig-Ehipto wey tig-Asiria. Ne ebpekeuma is menge tig-Ehipto he henduen be te menge langew he ebpuun diyà te meziyù he menge wahig diyà te Ehipto, ne ebpekeuma zaan is menge tig-Asiria he henduen be te menge petiyukan.

Jeremias 25:30

“Jeremias, keǥiya nu ziyà te kandan is langun he migkaǥi ku, ke sikew te: ‘Puun te langit iring te erimaung he edhiniǥer is Nengazen; edraǥeb is laǥeng din he ebpuun diyà te segradu he ubpeey zin. Ebpekezeǥingen din is kedhinigera zin te menge etew zin. Egkulehian din is langun he ed-ubpà kayi te kelibutan iring te etew he ebpengulahì emun egkeres sikandin te paras.

Jeremias 30:7

Utew subra is mekahandekhandek emun egkeume en heeyan he timpu! Wazè en ebpekeiring keniyan he timpu. Timpu heeyan te kelised te menge kevuwazan ni Jacob, piru ziyà te huziyan he timpu egkelibri sikandan keniyan he kebpekesavuk.

Jeremias 50:34

Piru gehemanen a, is Menluluwas dan; Nengazen he Mekeǥeǥehem is ngazan ku. Edlevanan ku sikandan wey meveǥayi te kelinew wey kebpekehimeley is kelibutan, piru egurigawen ku mulà is menge meǥinged diyà te Babilonia.

Ezekiel 22:14

Duen niw vuwa kevurut wey kelig-en dutun te timpu te kedsiluti ku keniyu? Wazà, su iyan a, is Nengazen migkaǥi te, edsilutan ku sikiyu, ne ebeelan ku iyan heini.

Joel 1:15

Egkeuvayan en is andew te kebpendezaat te Nengazen he Mekeǥeǥehem.

Joel 1:6

Su is tanà te Nengazen mid-etaki te mekahandekhandek he menge nasyun. Iring te terapan is menge sundaru zan su utew subra is kahabet dan. Meǥarang is menge ngipen dan iring te menge ngipen te erimaung.

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Joel 2:2

Merusirem wey ebpenggapun dutun he andew. Is mekahandekhandek he menge terapan he utew subra is kahabet dan ne ebpekeeneb diyà te menge vuvungan iring te kebpekeeneb te silà te andew emun egkepawè en. Wazè pa nehitavù he iring keniyan puun pa zengan, ne kenè en egkeuman egkehitavù is iring keniyan taman te taman.

Joel 2:25

Su migkaǥi is Nengazen te, “Idlikù ku is nelaga ziyà te keniyu zutun te menge tuig he mid-etaki is menge pinemula niw te nekedtutundug he grupu te menge terapan. Iyan a midsuǥù dutun te mahabet he menge terapan he menge sundaru ku.

Joel 2:31

Ebmerusirem is andew, ne is bulan ebmeriǥà iring te lengesa. Kenà heini egkehitavù emun kenè pa egkeuma is mekahandekhandek he kedhukum te Nengazen.”

Joel 3:14

Utew mahabet is menge etew he eguǥurub diyà te Suǥud te Kedhukum, su hapit en egkeuma is andew te kedsilut te Nengazen.

Joel 3:16

Eghiniǥer is Nengazen he ebpuun te Zion; edraǥeb is laǥeng din he ebpuun te Jerusalem. Ne tenged kayi egkehuyung is kelibutan wey is langit. Piru melig-en he eputà is Nengazen para te menge Israilihanen he menge etew zin.

Amos 1:2

Migkaǥi si Amos te, “Edhiniǥer is Nengazen he ebpuun te Zion; edraǥeb is laǥeng din puun te Jerusalem. Ne tenged kayi nengeǥangu is menge pepenebtavà te menge vantey te menge kerehidu ragkes en is menge pinemula ziyà te puntur te Buntud he Carmel.”

Amos 5:18

Kehizu niw te edtaǥad te kegkeuma te andew te Nengazen. Kenè niw isipa he andew heeyan te kegkelibri niw, kekenà, andew heeyan te kedsiluti keniyu.

Amos 5:20

Benar he is andew te Nengazen ebpekeuwit te silut ne kenà kelibriyanan; iring heini te merusirem he wazè en duen bulug deisey he kerayag.

Obadias 1:15

“Wazè niw pezem beeli haazà diyà te Jerusalem su egkeuvayan en is timpu te kedhukumi ku te menge nasyun. Ne ke hengkey is mibeelan niw ziyà te zuma ne iyan daan ebeelan diyà te keniyu. Is kebpekid-uyun niw te zuma ne iyan daan ibales keniyu.

Nahum 1:6

Hentei is ebpekeeguwanta emun utew egkepauk is Nengazen? Emun duen din egkepeukan ne henduen be te edrepu sikandin te hapuy, ne ebpememeka is menge vatu ziyà te etuvangan din.

Malakias 3:2

Piru hentei vuwa is ebpekaantus dutun te andew te kebpekeuma zin? Hentei vuwa is ebpekehimu he ed-etuvang kandin emun ebpekelepew en? Su iring sikandin te hapuy he idlunsey te vulawan wey sabun he utew ebpekeimu te vuring.

Numero 24:23

Migkaǥi pa ni Balaam heini he menge lalag: “Hentei vuwa is egkesamà he uuyag emun ebeelan en heini te Megbevayà?