Joel 1:5 - Manobo Western Bukidnon OT

⁵ Sikiyu is menge lelenguten, enew kew wey mebpurung medsineǥew! Su wazè niw en egkeinum; wazè en menge paras he egkeveelan he veǥu he vinu.

Joel 1:5 ပူးပေါင်းရင်းမြစ်များ

Jeremias 4:8

Umbe, bivisti kew te saku he tuus te kegkeseeng niw. Lelendag kew su utew kiw egkepeuki te Nengazen.

Ezekiel 30:2

“Sikew is etew, tudtula nu heini is menge lalag ku he para te menge tig-Ehipto. Keǥiyi nu sikandan he siak, is Nengazen he MEGBEVAYÀ, migkaǥi a te: Sineǥew kew tenged te ebpekeuma ziyà te keniyu he kezeetan.

Joel 1:11

Sikiyu is menge perevasuk, keseeng kew! Sikiyu is ed-atur te pemuleey te paras, habet kew sineǥew! Su wazè en menge abut diyà te menge vevesukà; wazè en menge trigu wey menge barli.

Joel 1:13

Sikiyu is menge memumuhat he ebpenilbi ziyà te pemuhatà he para te Megbevayè ku, bivisti kew te saku ne hendiyè kew te valey te Nengazen ne sineǥew kew seled te tivuuk he kezukileman. Su wazè en menge trigu wey menge vinu he igkepemuhat diyà te valey te Megbevayè niw.

Joel 3:3

Mibahin dan is menge etew ku pinaaǥi te ripa, ne imbelegyè dan he uripen is menge vatà he menge maama wey menge vahi, su ibayad dan is halin te inumen wey menge vahi he ebelegyà te zengeg dan.