Joel 1:18 - Manobo Western Bukidnon OT

¹⁸ Egurub is menge uyaǥen tenged te kegkevitil zan. Ed-engà is menge vaka su wazè dan en egketabtab, wey elin daan edlised is menge kerehidu.

Joel 1:18 ပူးပေါင်းရင်းမြစ်များ

1 Hadì 18:5

Migkaǥi si Ahab diyà te ki Obadias te, “Ebeyaan ta is langun he serebseb wey beuǥan kayi te nasyun tew, su kela ke mekeehè ki te igkekumpey ta te menge kudà wey menge asnu tew, su para kenà mebpematey.”

1 Hadì 8:5

Nemuhat si Hadì Solomon wey is tivuuk he keet-etawan te Israel ziyà te etuvangan duen te Kavan te Kebpekid-uyun te Nengazen. Utew mahabet is menge kerehidu wey menge vaka he impemuhat dan; kenà heini egkevilang.

Jeremias 12:4

Keenu egkeengked is kebmemaza te tanà wey kegkeǥangu te menge sagbet diyà te langun he menge vevesukà? Nemematey is menge langgam wey menge tagbis tenged te kelelalung te menge etew he ed-ubpà keniyan he tanà. Migkaǥi pa sikandan te, “Wazè mebpekilavet is Megbevayà te egkepeveyaan tew.”

Hoseas 4:3

Tenged kayi mibmemaza is tanè niw ne ebpematey is langun he meǥinged duen, ragkes is langun he uyaǥen he edhipanew, edlayang, wey edlayewlayew.

Joel 1:20

Minsan is leew he menge langgam edtaǥad te penavang nu, su nemezahan en is dezekelà wey dezeisey he menge wahig, ne nengeǥangu is menge penebtavà he henduen be te nevinsulan.”

Amos 1:2

Migkaǥi si Amos te, “Edhiniǥer is Nengazen he ebpuun te Zion; edraǥeb is laǥeng din puun te Jerusalem. Ne tenged kayi nengeǥangu is menge pepenebtavà te menge vantey te menge kerehidu ragkes en is menge pinemula ziyà te puntur te Buntud he Carmel.”

Habakuk 3:17

Minsan kenè pa mebpemeǥas is kayu he higira, is paras, etawa kayu he ulibu, wey minsan wazà sebpet diyà te tanà, wey minsan mebpemematey pa is menge uyaǥen diyà te tudil,

Haggai 1:10

Umbe, tenged keniyu wazè en birisbiris ne kenè ne ebeǥey te sebpet is tanà.