Joel 1:14 - Manobo Western Bukidnon OT

¹⁴ Keǥiyi niw is menge edumala te Juda wey is langun he meǥinged kayi, he medtiǥum dan is langun diyà te valey te Nengazen he Megbevayè niw ne mebpuasa zan. Mebuyù dan te tavang diyà te Nengazen.

Joel 1:14 ပူးပေါင်းရင်းမြစ်များ

2 Hadì 10:20

Migkaǥi si Jehu te, “Edhimu kiw te ispisyal he ketiǥuman su wey tew meveǥayi te zengeg si Baal.” Umbe impehibelu haazà diyà te menge etew.

2 Cronica 20:13

Hein kemulu pa zutun ebpemenhitindeg is langun he menge maama te Juda duma te menge esawa zan wey menge anak dan, ragkes dutun is dezeisek he menge anak dan,

Nehemias 8:18

Andew-andew ne mibasa ni Ezra kes Libru te Kesuǥuan te Megbevayè diyà te etuvangan te menge etew, puun te nehuna he andew zutun te pista taman en te ketepusan he andew. Midsilibra zan haazà is pista taman te pitu he andew, ne te ikewalu he andew ne midtiǥum dan para te ked-azap te Nengazen, sumalà is diyà te Kesuǥuan.

Ester 4:16

“Genat ka, ne tiǥuma nu is langun he menge Judio he kayi te Susa ne puasa kew para kediey. Kenè kew megkaan wey med-inum seled te tetelu he andew wey tetelu he kezukileman. Ebpuasa a zaan wey is menge suluǥuen ku he menge vahi. Ne emun egkepasad, ne edhendiyà a te hadì minsan pa te supak heini te kesuǥuan. Belaǥad ke himetayi a.”

Jeremias 14:2

“Egkeseeng utew is Juda; is menge inged kayi ebpengguyaan. Ebpemekepimpinuu is menge meǥinged kayi he tanà is egkengeseeng, ne egkezineg is ebpemenineǥew ziyà te Jerusalem.

Jeremias 36:9

Neulaula heini hein andew te kebpuasa zuen te ikesiyam he vulan te ikelima he tuig te kedhadì ni Jehoyakim diyà te Juda, he anak ni Josia. Dutun midtiǥum diyà te valey te Nengazen is menge meǥinged diyà te Jerusalem wey ziyà te menge inged diyà te Juda.

Joel 1:2

Sikiyu is menge edumala te Juda wey is langun he meǥinged kayi, pemineǥa niw heini is egkeǥiyen ku ziyà te keniyu. Wazè pa nehitavù he iring kayi hein kaazen pa te menge kepuun niw wey kayi te keniyu en he timpu ǥuntaan.

Leviticus 23:36

Seled te pitu he andew ebpemuhat kew ziyà te Nengazen te pemuhat pinaaǥi te hapuy. Ne ikewalu he andew kenè kew en maan terebahu, kekenà, tiǥum kew en maan te ked-azap te Nengazen, ne pemuhata niw sikandin. Ketepusan heini he andew te kedtiǥum niw.

Jonas 3:5

Ne tenged dutun midtuu te Megbevayà is menge tig-Nineve. Mibpuasa sikandan, ne is langun kandan, dekelà se zeisey is pid-etawan din, ne mibivisti te saku wey mibpuasa he tuus te ed-engkezan dan en is mezaat he menge ulaula zan.

Jonas 3:8

Is langun kinahanglan he mebivisti te saku, wey kinahanglan daan he ebelhenan te saku is menge uyaǥen. Kinahanglan he med-ampù diyà te Megbevayà is uman sevaha te ked-ampù he utew hustu. Ne kinahanglan daan he engkezi te uman sevaha is mezaat he menge ulaula wey kebpendaagdaag.

Zefanias 2:1

Migkeǥiyan ni Zefanias is menge tig-Juda te, “Sikiyu is wazè dan keelezan he menge etew kayi te nasyun, tiǥum kew wey iniyuǥi niw is menge mezaat