Joel 1:10 - Manobo Western Bukidnon OT

¹⁰ Egkengezeetan is menge pemuleey he henduen be te etew he edlalew. Egkengezeetan is menge trigu ne egkeǥangu is menge paras wey is menge kayu he ulibu.

Joel 1:10 ပူးပေါင်းရင်းမြစ်များ

Genesis 4:12

Minsan duen ibpemula nu kayi te tanà ne ebpengelinteuwan ku he kenè en ebeǥasan heini. Wazè en egketendù he egkeubpaan nu umbe ebpekeriǥuriǥu ke zà te minsan hendei zini te lumpad.”

Isaias 15:6

Nemezahan is wahig he Nimrim, ne neǥangu is menge sagbet. Wazè en midtuvù he pinemula.

Isaias 24:11

Ebpemengulahì is menge etew ziyà te menge zalan su ebuyù dan te vinu. Is kelipey zan egkeliwanan te kegkeseeng. Wazè en kelipey kayi te kelibutan.

Isaias 24:7

Egkeǥangu is menge paras ne egkaamin is binu. Egkengeseeng is ebpemenlipeylipey,

Jeremias 12:11

Midhimu zan heini he lugar he wazè din en pulus diyà te etuvangan ku. Ne nehimu heini he sibsivayan su wazè en edseǥipà kayi.

Jeremias 12:4

Keenu egkeengked is kebmemaza te tanà wey kegkeǥangu te menge sagbet diyà te langun he menge vevesukà? Nemematey is menge langgam wey menge tagbis tenged te kelelalung te menge etew he ed-ubpà keniyan he tanà. Migkaǥi pa sikandan te, “Wazè mebpekilavet is Megbevayà te egkepeveyaan tew.”

Jeremias 48:33

Kenè en egkezineg diyà te tanà te Moab is kedlipey wey keguǥusà diyà te vevesukà wey menge pemuleey te paras. Wazè en edtudà he vinu ziyà te keresà. Wazè en egkeres te paras he ed-uruhuy tenged te kegkelipey zin. Duen hinuun kulehian piru kenà kulehian tenged te kegkelipey.

Hoseas 4:3

Tenged kayi mibmemaza is tanè niw ne ebpematey is langun he meǥinged duen, ragkes is langun he uyaǥen he edhipanew, edlayang, wey edlayewlayew.

Hoseas 9:2

Piru ziyà te huziyan he timpu egkaawà diyà te keniyu is menge trigu wey vinu.

Joel 1:12

Egkeǥangu is menge pinemula he paras wey is langun he kayu ragkes en is menge higus, pumigranata, palma, wey mensanas. Benar iyan he egkaawà is kelipey te menge etew.

Joel 1:5

Sikiyu is menge lelenguten, enew kew wey mebpurung medsineǥew! Su wazè niw en egkeinum; wazè en menge paras he egkeveelan he veǥu he vinu.

Joel 2:19

Ne midtavak din is ampù dan he ke sikandin diyà te kandan te, “Ebeǥayan ku sikiyu te menge trigu, beǥu he vinu, wey lana; ne egkeperahan kew. Ne kenè ku en idtuǥut he peel-elezi kew te menge etew ziyà te zuma he menge nasyun.

Leviticus 26:20

Egkehimu he wazà pulus te menge kedhaǥù niw, su is menge tanè niw, kenà ebeǥey te sebpet ne is menge kayu niw ne kenà ebpemeǥas.

Habakuk 3:17

Minsan kenè pa mebpemeǥas is kayu he higira, is paras, etawa kayu he ulibu, wey minsan wazà sebpet diyà te tanà, wey minsan mebpemematey pa is menge uyaǥen diyà te tudil,

Haggai 1:11

Impememaza ku is tanà wey is menge vuntud. Umbe neipiktuwan is trigu, binu, lana, wey is duma pa he menge abut, ragkes en is menge etew, wey is menge uyaǥen dan, wey menge impemula zan.”

Malakias 2:3

“Tenged keniyu ebmensuwen ku is menge kevuwazan niw. Idapug ku keniyu is binusbus te menge ibpemuhat niw, ne idtimbag ku sikiyu zuma kayi.