Job 8:9 - Manobo Western Bukidnon OT

⁹ Su henduen be te veǥu kiw pa he nengeetew ne zeisey zà is kenitew he netuenan, ne edlavey kiw zà kayi te kelibutan iring te alung he kenà ebpedayun.

Job 8:9 ပူးပေါင်းရင်းမြစ်များ

1 Cronica 29:15

Netuenan nu he humuhulevungà key zà kayi te kelibutan iring te menge kepuun dey. Is untung dey ne iring dà te alung he egkehanew zà.

Salmo 144:4

Is etew, iring dà sikandin te keramag su meǥaan dà egkaawà is untung din, ne is menge andew zin ne iring dà te alung he edlavey zà.

Job 14:2

Iring key te vulak he ebekar ne kenà egkeuǥet ne egkeǥangu en, wey iring te alung he segugunà egkahanew.

Salmo 102:11

Is untung ku iring te alung he meǥaan dà egkaawà diyà te nesevukan din. Wey iring a te sagbet he neǥangu.

Job 7:6

“Nenlavey is menge andew kayi te ked-ubpè ku he wazè ku egkeperateng. Nenlavey heini he edhuna pa he meǥaan te meǥaan he edwaleng he himan te mengengavel.

Genesis 47:9

Ne midtavak si Jacob te, “130 en is penuiǥen ku. Mevavè dà is kedì he untung ne mereǥen is neulaula ku. Is keluǥayad te kedì he untung ne kenà ebpekerepeng te keluǥayad te untung te menge kepuun ku.”

Salmo 90:4

Is nengkelibu he tuig kayi te kenami ne iring dà mulà te senga andew ziyà te kenikew, etawa iring dà heini te nepipira zà he uras te mezukilem.

Salmo 39:5

Utew zà mevavà is untung he imbeǥey nu kediey. Diyà te kenikew is keluǥayad te untung ku ne wazè din bali. Su is tutuu iyan heini: is untung te etew ne iring dà te keramag he edlavey zà,

2 Cronica 10:6

Nekid-ahà si Hadì Rehoboam te ebpemendumala he nemenilbi te amey zin he si Solomon hein uuyag pa sikandin. Mid-insà si Rehoboam diyà te kandan te, “Hengkey is igkesambag niw kedì he igketavak ku zuen te menge etew mehitenged te hangyù dan?”

Job 8:10

Pemineǥa nu sikandan su ebpenuruen ke zan te netuenan dan.

Job 32:7

Su neisip ku he iyan kew ereg he ebpenurù, su meǥurang kew en ne zekelè en is netuenan niw.

Job 14:1

“Sikami is menge etew, ne mevavè dà is untung dey ne mahabet is ebpekerasey kenami.

Salmo 82:5

Utew kew menge paglung! Utew kew menge taleng! Diyè kew te kerusireman, umbe negurigew en heini is kelibutan.

Salmo 102:12

Piru sikew mulà, Nengazen, edhadì ka te wazà pidtemanan; edtentenuzan ka te menge etew taman te taman.