Job 7:3 - Manobo Western Bukidnon OT

³ Ne iring keniyan is kediey he kebpekesavuk. Nepipire en he vulan is kebpekaantus ku te wazè ku zuen egkepupulus. Minsan mezukilem ne egkerasey a.

Job 7:3 ပူးပေါင်းရင်းမြစ်များ

Job 16:7

“He Megbevayà, mibeley a kenikew. Midezeetan nu is tivuuk he pemilya ku.

Job 23:14

Umbe, edhimuwen din is pelanu zin he iyan ebeelan din kayi te kedì, ne mahabet is pelanu zin mehitenged kedì.

Job 29:2

“Angin pezem ke edlikù is nenlavey he menge andew he zutun ebentayan e pa te Megbevayà,

Job 7:2

etawa iring te uripen he ngenaan din he mebmahapun en su wey mekehimeley en, wey iring te terebahanti he ebperateng te suwildu zin.

Salmo 39:5

Utew zà mevavà is untung he imbeǥey nu kediey. Diyà te kenikew is keluǥayad te untung ku ne wazè din bali. Su is tutuu iyan heini: is untung te etew ne iring dà te keramag he edlavey zà,

Salmo 6:6

Mibmeluye e en tenged te utew ku kegkesekiti. Kada mezukilem egkahames is ulunè ku te luhà.

Salmo 6:7

Nemenlevag en is menge mata ku su ebpeketulung ad ebpekesineǥew tenged te vaal te langun he menge kuntada ku.

Megwewali 1:14

Neehè ku is langun he ebpen-ul-ulahan kayi te kelibutan, ne wazè din menge pulus; iring dà te edal-as a te keramag.