Job 13:4 - Manobo Western Bukidnon OT

⁴ Su ebpenigudu kew he ebawì kedì te ketetarù niw. Pudu kew iring te duktur he wazè din pulus.

Job 13:4 ပူးပေါင်းရင်းမြစ်များ

Nehemias 6:8

Ne iyan heini tavak ku kandin: “Kenà tutuu heeyan is egkeǥiyen nu. Mibèbeelan nu zà heeyan.”

Job 16:2

“Neuǥet ku en heeyan he nezineg. Edlipayen e man pezem keniyu piru nasì niw umani is kegkeseeng ku.

Job 27:12

Piru sikiyu is langun netau kayi. Ne maan is migkaǥi kew kayi te kediey te wazè din pulus?

Job 6:15

Piru sikiyu is mid-isip ku he menge suled ku, ne kenè kew egkeseriǥan; iring kew te zal-ug he usahay edrepey is wahig ne usahay egkemezahan.

Job 6:20

piru nepakyas dan. Ebperateng dan he zuen wahig dutun, piru wazè bes.

Job 6:21

Uya, iring kew zutun te nemezahan he wahig. Su wazè kew zaan meketavang kediey. Nahandek kew hein neehè niw is mekahandekhandek he kebpekesavuk ku.

Salmo 119:69

Minsan mibutbutangan a te menge gelbuwen, midtuman ku ǥihapun is menge sulunuzen he ibpesunud nu te ebpuun te tivuuk he ǥehinawa ku.

Exodus 20:16

“Kenè kew medtarùtarù diyà te hukmanan te kedezaat te zuma niw he etew.

Jeremias 23:32

Kuntada ku is menge ebpeneuven he ebpenudtul te tarù he menge teǥeinep dan, ne midtazin dan is menge etew ku pinaaǥi te kebpenarùtarù dan. Wazè ku sikandan suǥùa te kebpenudtul. Umbe, wazà minsan hengkey he keupiyaanan he igkeveǥey zan diyà te menge etew. Iyan a, is Nengazen, is migkaǥi kayi.

Jeremias 46:11

“Sikiyu is menge etew ziyà te Ehipto, minsan edhendiyè kew pa te Gilead su ebpenguwa kew te vawì, ne kenà ebpulus is langun he vawì niw su kenà ebpekeulì keniyu.

Jeremias 6:14

Wazè dan seǥipaa is palì te menge etew ku he iyan is uvag dà he kedtuu. Minsan gerabi heini, egkaǥi zan te ‘melinawen kiw’ minsan pa te iyan tutuu is duen tebek.

Jeremias 8:22

Wazè be bawì diyà te Gilead? Wazè be ebpemawì diyà? Maan is wazà meulii is palì te menge emurè ku te inged?

Ezekiel 34:4

Wazè niw elimahi para mebmezesen is menge meluya kandan. Wazè niw tembari is menge nezeruwan, wazè niw vukusi is palì dan. Wazè niw pen-ahaa is menge netazintazin wey netazin. Kekenà, mibpurung niw sikandan ruuǥa.

Hoseas 5:13

“Hein naahà te Israel wey Juda is kenà meupiya he kebpekesavuk dan, mibuyù te tavang is Israel ziyà te mekeǥeǥehem he hadì te Asiria. Piru kenà is Asiria ebpeketavang kandan.