Jeremias 9:7 - Manobo Western Bukidnon OT

⁷ Umbe siak, is Nengazen he Mekeǥeǥehem, edhimuwen ku he lunsey is menge etew ku iring te vulawan, ne egezaman ku sikandan. Su iyan heini ereg he ebeelan ku ziyà te kandan.

Jeremias 9:7 ပူးပေါင်းရင်းမြစ်များ

2 Samuel 13:26

Migkaǥi si Absalom te, “Emun kenè ka, ne si Amnon dà nasì he suled ku is ipehendiyè nu.” Mid-insà is hadì te, “Maan is utew nu egkinehenglana he ibpehendiyà?”

2 Cronica 36:15

Layun ebpekidlalag kandan is Nengazen, he Megbevayà te menge kepuun dan, pinaaǥi te menge ebpeneuven din, su egkehizuwan din sikandan wey egkenuǥunan din sikan is baley zin.

Salmo 120:4

Edsilutan kew zin pinaaǥi te kegkepenaa keniyu te sundaru te midlangga he vesut.

Salmo 55:22

Isarig nu ziyà te Nengazen is igkeseeng nu, ne edtevangan ke zin. Kenà egkehimu he ebpesegdanen din is menge metazeng te minsan hengkey he timpu.

Salmo 62:5

Diyè ku zà te Megbevayà egkaangken is kebpekehimeley ku su ibpeperateng e zin.

Isaias 1:25

Edsilutan ku sikiyu su wey kew melumpiyuwi iring te pelata he edlunsayen pinaaǥi te hapuy.

Isaias 48:10

Pemineg kew! Edlumpiyuwan ku sikiyu, piru kenà iring te kedlumpiyuwi te pelata; su edlumpiyuwan ku sikiyu pinaaǥi te kemeresayan.

Isaias 59:3

Su ebpenhimatey kew te etew, wey ebaal kew te zuma pa he mezaat. Midtarùtarù kew wey migkaǥi kew te mezaat he menge lalag.

Jeremias 31:20

Midtavak is Nengazen te, “Sikiyu is menge tig-Efraim he pelanggè ku he menge anak, ingkelipey ku sikiyu. Minsan migkaǥi a te ebpekesuǥat keniyu, pinelanggè ku ǥihapun sikiyu. Mibulung a keniyu wey nehizuwan ku sikiyu.

Jeremias 5:1

Migkaǥi is Nengazen te, “Sikiyu is menge meǥinged diyà te Jerusalem, hendiyè kew te menge zalan! Ne ehàa niw is menge pelasa! Emun duen egketuredu niw he minsan sevaha zà he metazeng wey egkeseriǥan he etew, ebpeseyluwen ku is menge meǥinged te inged niw.

Jeremias 6:27

Migkaǥi is Nengazen kayi te kedì te, “Midhimu ku sikew he iring te pereǥezam te mital su wey nu meǥezami is menge vetasan te menge etew ku.

Hoseas 4:1

Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Malakias 3:3

Edhukum sikandin he iring te hapuy he edlunsey te pelata; edlunsayen din is menge Levihanen wey edlunsayen te pelata wey vulawan. Ne zutun ebpemuhaten dan en human is Nengazen te hustu he menge pemuhat.