Jeremias 9:5 - Manobo Western Bukidnon OT

⁵ Is kada sevaha edlimbungan din is iring din he etew, ne wazà minsan sevaha he egkaǥi te tutuu. Nelayam en is dilè dan te kedtarùtarù, ne edheǥuan dan is kebaal te salà.

Jeremias 9:5 ပူးပေါင်းရင်းမြစ်များ

Genesis 19:11

Ne haazà is menge etew he ziyà te ǥawas, mibpengelinteuwan kayi te zezuwa he melakap sikandan para kenà sikandan meketuredu te ǥemawan.

Job 11:3

Kenè key kenikew igkepepereremek pinaaǥi te ebpengeǥiyen nu he wazè din pulus. Egkeisip nu ve he kenè dey sikew edewayen te ked-undaunda nu?

Job 15:5

Is ebpengeǥiyen nu veǥas te kegkezaat nu. Ne edlimbungan nu is duma pinaaǥi te menge lalag nu.

Salmo 140:3

Iring te edhereg he uled is dilè dan; is menge lalag dan ne ebpekepesakit iring te hereg te uled.

Salmo 50:19

Mezaat is ebpengeǥiyen niw ne utew zà melemu ziyà te keniyu is kedtarùtarù.

Salmo 52:3

Dekelà diyà te ǥehinawa niw is mezaat kenà is meupiya, ne ibpelavi niw is kedlalag te tarù kenà te kedlalag te tutuu.

Salmo 64:3

Mesakit is kebpengaǥikaǥi zan, iring te ispada wey vala te panà.

Salmo 7:14

Is lalung he menge etew ne mezaat is ed isipen dan; edtinguhè dan te kebaal te samuk ne ebpenlimbung sikandan.

Erubasa 12:5

Hustu is ed-is-isipen te etew he metazeng, iyan, limbung mulà is idsambag te etew he mezaat is menge ulaula zin.

Erubasa 4:16

Su kenè dan ebpekelipezeng emun kenè dan pa ebpekevaal te mezaat etawa ebpekependelahig te zuma.

Isaias 5:18

Mekehizuhizu kew is mibaal te salà wey kelelalung pinaaǥi te kedtarùtarù.

Isaias 57:10

Minsan egkeveley kew en he ebpen-ahà te menge ed-ezapen, wazà gihapun maawà is perateng niw he ebpeketuredu kew. Edlig-enan niw is keugelingen niw, umbe wazè kew luyahi.

Jeremias 12:13

Ebpemula is menge etew ku te trigu piru zuǥi is egkeraǥun dan. Mibpurung dan medhaǥù piru wazè dan nekuwa. Nekeraǥun dan te keelezan tenged te utew ku kegkepauk.”

Jeremias 12:6

Minsan is menge suled nu he maama, he sakup pezem te pemilya nu, ne midluib kenikew. Mezaat is pelanu zan diyà te kenikew. Kenè ka sarig kandan minsan meupiya pa is egkeǥiyen dan diyà te kenikew.

Jeremias 13:23

Egkehimu ve he ed-ilisan te meitem he etew is meitem he kedlulundis din? Egkehimu ve ke id-awà te langgam he liyupardu is kavang din? Kenà egkehimu! Umbe sikiyu zaan is menge tig-Jerusalem, kenè kew ebpekevaal te meupiya, su neleyaman niw en is kebaal te mezaat.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 51:58

Migkaǥi pa is Nengazen he Mekeǥeǥehem te, “Ebengkaǥen is mekepal he verengbeng te Babilonia, ne ebinsulan is metikang he menge pultahan kayi. Is langun he menge hineǥuan te menge etew kayi egkehimu he wazè din pulus su egkevinsulan dà heini.”

Jeremias 51:64

Ne kaǥi ka te, ‘Iring keniyan is egkeulaula te Babilonia–idlegdang heini ne kenè en ebpekelepew tenged te kedezeeti kayi te Nengazen. Egkeǥerà is menge etew kayi.’ ” Kayi mepasad is menge lalag ni Jeremias.

Jeremias 7:28

Umbe, keǥiya nu heini ziyà te kandan: Iyan heini he nasyun he is menge etew zuen kenè dan ebpezumazuma te Nengazen he Megbevayè dan, wey kenà egkesuat he edewayen. Wazè en diyà te kandan is ketutuanan; kenè dan en egkaǥi te tutuu.

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Jeremias 9:8

Su is menge zilè dan iring te ibpatey he panà, ne pudu tarù is ebpengeǥiyen dan. Uvag egkaǥi sikandan te meupiya ziyà te iring dan he etew, piru ziyà te gehinawa zan ebpelanu zan te kedezaat kandan.

Ezekiel 24:12

Piru minsan ebmenmenuwen nu pa haazà is tangis, ne kenà heini egkaawà pinaaǥi te hapuy.

Micas 6:12

Mesipala is menge sepian keniyu, ne menge teruen kew.

Micas 6:3

“Sikiyu is menge etew ku, hengkey is sayep he neveelan ku ziyà te keniyu? Mibeley ku ve sikiyu? Tevaka a keniyu.

Habakuk 2:13

Piru heeyan is impevangun niw te menge etew he mibihag niw ne ebinsulan dà heeyan, umbe egkehimu he wazà pulus te midheǥuan dan. Midtelaan en heini te Nengazen he Mekeǥeǥehem.

Malakias 2:10

Ne mid-uman megkaǥi si Malakias te, “Kenè be sevaha zà is Megbevayà ne iyan sikandin midlimbag kenitew? Ne maan is mibpendezeisey tew is kebpekid-uyun te Megbevayà diyà te menge kepuun tew pinaaǥi te kenà kebmetinumanen te kada sevaha kenitew?

Zatù 2:10

Ne hein nemematey en is menge etew zutun he lapis te kevuwazan, nekeilis is sunud he lapis te kevuwazan he wazà mekekilala te Nengazen wey wazè dan hanew ke hengkey is mibeelan te Nengazen para te Israel.