Jeremias 9:4 - Manobo Western Bukidnon OT

⁴ “Mebpekevantey kew te zuma niw, ne kenè kew sarig te kezuzumahi niw, su limbungan is kada sevaha ne ebpen-ulug te kewusa.

Jeremias 9:4 ပူးပေါင်းရင်းမြစ်များ

Genesis 32:28

Ne migkaǥi haaza is etew te, “Puun guntaan kenè en maan Jacob is igngazan kenikew, kekenà, Israel en tenged te nekibuteng ka te Megbevayà wey te etew, ne nekezaag ka.”

Salmo 101:5

Edèdeetan ku is minsan hentei he ebpendezaat te zengeg te zuma zin pinaaǥi te menge lalag din. Kenè ku ebey-anan is kelelalung te menge gelbuwen wey mepelevawen.

Salmo 15:3

Wazà sikandin mekeulug te kewusa ziyà te zuma, wey wazà sikandin medhimu wey megkaǥi te mezaat diyà te iring din he etew.

Erubasa 10:18

Teruen is etew he id-eles din is kegkepauk din, ne tulebung is etew he pereituk.

Erubasa 25:18

Is etew he ebpenistiǥus te tarù kuntra te zuma zin, ne ebpekezezaat iring te ispada, badas, wey panà.

Erubasa 4:16

Su kenè dan ebpekelipezeng emun kenè dan pa ebpekevaal te mezaat etawa ebpekependelahig te zuma.

Erubasa 4:17

Is mezaat he menge ulaula wey is kebpesipala, impeiring dan te keenen wey inumen.

Erubasa 6:16

Duen pitu he kelasi te etew he egkeepesan wey edumutan te Nengazen:

Erubasa 6:19

is menge ebpemenistiǥus te tarù, is menge edretem te menge kesamuk diyà te zuma zan.

Isaias 59:13

Midsupak wey midluivan tew is Nengazen; mid-iniyuǥan tew is Megbevayè tew. Edèdaaǥen wey ebpesipelahan tew is duma. Ebpurungan tew ed-is isipa ke ebmenmenuwen tew is kedtarùtarù tew.

Isaias 9:16

Is menge mibpengulu te menge etew te Israel iyan neketazin kandan, ne heini he menge etew nengetazin.

Jeremias 12:6

Minsan is menge suled nu he maama, he sakup pezem te pemilya nu, ne midluib kenikew. Mezaat is pelanu zan diyà te kenikew. Kenè ka sarig kandan minsan meupiya pa is egkeǥiyen dan diyà te kenikew.

Jeremias 6:28

Pudu sikandan mesinupaken wey kenà ebpezumazuma; iring sikandan te kenà egkepekù he brunsi wey putew. Wazà duma he vaal zan, kekenà, iyan dà is kebutangbutang wey kedtuntu te zuma.

Jeremias 9:8

Su is menge zilè dan iring te ibpatey he panà, ne pudu tarù is ebpengeǥiyen dan. Uvag egkaǥi sikandan te meupiya ziyà te iring dan he etew, piru ziyà te gehinawa zan ebpelanu zan te kedezaat kandan.

Ezekiel 22:9

Duen menge etew ziyan te kenikew he mid-uluǥan dan te kewusa is duma su wey ikepehimetayi. Diyà te menge simbahan diyà te menge vuvungan duen daan duma he migkaan te menge pemuhat he impemuhat diyà te zuma he menge ed-ezapen wey zutun utew mahawag is menge vaal zan.

Leviticus 19:16

Kenè kew ituk te zuma niw he etew. Kenè kew vaal te minsan hengkey he ebpekezezaat te untung din. Iyan a kes Nengazen.

Malakias 2:10

Ne mid-uman megkaǥi si Malakias te, “Kenè be sevaha zà is Megbevayà ne iyan sikandin midlimbag kenitew? Ne maan is mibpendezeisey tew is kebpekid-uyun te Megbevayà diyà te menge kepuun tew pinaaǥi te kenà kebmetinumanen te kada sevaha kenitew?