Jeremias 9:23 - Manobo Western Bukidnon OT

²³ Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Jeremias 9:23 ပူးပေါင်းရင်းမြစ်များ

Job 32:13

Kenè kew kaǥi te, ‘Nesavut dey he edhuna sikandin he metau kenami. Iyan en ibpetavak kandin is Megbevayà, ne kenà iyan is etew.’

Job 41:15

Is peka zin ne zuen mekepal he menge pengalang he henduen be te nekelinya he menge kelasag.

Salmo 33:5

Egkasuat is Nengazen he ebaal te metazeng wey hustu. Egkaahà kayi te tivuuk he kelibutan is gaǥew zin.

Salmo 34:3

Duma kew kedì te edalig te Nengazen; edsevaha kiw te kedalig kandin.

Salmo 44:9

Piru ǥuntaan, inselikwey key en kenikew ne intuǥut nu he mepeel-elezi key. Wazè nu en dumahi is menge sundaru zey.

Salmo 62:10

Kenè kew medsarig te kebpeneligkep te azen. Kenè niw peretenga is keupiyaanan pinaaǥi te kebpenakew. Minsan edekelè pa is ketiǥeyunan niw, ne kenè niw heini seriǥi.

Erubasa 11:4

Kenà ebpulus diyà te kenikew is ketiǥeyunan emun iyan en kebpatey nu, iyan, is ketazeng mulà, ebpekelibri kenikew te kemetayen.

Erubasa 21:30

Wazà edlampus he ketau, kedsavut, etawa sambag he igkuntra te Nengazen.

Erubasa 3:5

Purung ka sarig te Nengazen ne kenè nu iyan seriǥi is kenikew he keugelingen he ketau.

Megwewali 2:19

Ne wazà ku en metueni ke metau ve wey ke tulebung is ebpekepangevilin. Piru iyan dan en ebpekevayàbayà te minsan hengkey he egkekuwa ku pinaaǥi te ketau ku wey kedhaǥù ku. Wazè kayi pulus.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Isaias 10:8

Ebpahambug sikandin he egkaǥi te, “Is menge peremandar te menge sundaru ku ne henduen be te menge hadì.

Isaias 20:5

Is menge midsarig te Etiopia wey is ebantug te Ehipto egkengeheratan wey egkengepeel-elezan.

Isaias 47:10

Minsan lalung ka ne kunaan nu ke wazà ebpekezezaat kenikew su wazà nekaahà kenikew zutun te kedlalunglalung nu. Is ketau wey keuluwanen nu iyan neketazin kenikew, wey midsuǥù kenikew te kegkaǥi te, ‘Iyan a Megbevayà, ne wazè en duma gawas kediey.’

Isaias 5:21

Mekehizuhizu kew is ed-isipen niw he metau kew wey uluwanen.

Jeremias 31:34

Wazè en egkaǥi ziyà te emurè din te inged etawa suled din te kinahanglan he egkilelaan nu is Nengazen. Su pudu en sikandan egkilala kedì, puun te kinemevevaan pehendiyà te kinetikangan is ked-etew zan. Su ebpeseyluwen ku sikandan te menge mezaat he neveelan dan, ne kenè ku en edtentenuzan is menge salè dan.” Iyan a, is Nengazen, is migkaǥi kayi.

Jeremias 48:14

Mibpahambug is menge tig-Moab he mevurut kun is menge sundaru zan he ebpekidtebek.

Jeremias 48:7

Sikiyu is menge tig-Moab, midsarig kew te ebilidad niw wey ketiǥeyunan niw. Umbe ebihaǥen kew, ragkes en is ledawan he ed-ezapen niw he si Kemosh wey is menge memumuhat para kayi wey is menge upisyal.

Jeremias 49:4

Sikiyu is menge meluiven, maan is impurung niw ipahambug is selebpeten he menge suǥud he tanè niw? Midsarig kew te ketiǥeyunan niw ne ke sikiyu te wazà ebpekehimu he edsurung keniyu.

Ezekiel 29:9

Egkehimu he mekevulungbulung is Ehipto. Ne egketuenan niw he iyan a Nengazen. “Geina te migkaǥi ka he kenikew is Wahig he Nilo wey iyan ka mibaal kayi,

Ezekiel 7:19

Ibpenimbag dan is menge pelata zan wey menge vulawan dan diyà te menge zalan he henduen be te meremerik he menge vutang. Kenà heini ebpekelibri kandan dutun te andew he ibpeehè ku is kegkepauk ku. Kenà heini ebpekahantey kandan su iyan heini hinungdan te kebaal zan te salà.

Daniel 3:15

Guntaan ebmenduan ku sikiyu te ked-azap duen te ledawan emun egkezineg niw is daǥing te menge instrumintu. Su emun kenè kew ed-azap; segugunè ku sikiyu ibpetimbag duen te egkiràkirà he rapug. Ed-ahaan ta ke zuen be ed-ezapen he ebpekelibri keniyu.”

Daniel 4:37

Umbe, ǥuntaan edeliǥen ku wey ebeǥayan ku te zengeg is hadì diyà te langit, su hustu wey metazeng is langun he menge vaal zin ne ibpekevavè din is minsan hentei he ebpelavew.”

Micas 6:8

Midtavak si Micas te, “Mibpenurù kiw en te Nengazen ke hengkey is meupiya. Ne iyan heini egkesuatan din he tumana tew: Ebeelan tew ke hengkey is metazeng, ibpelavi tew is kegkehizu te zuma, wey edsunud kiw te Megbevayè tew duma is kenà kebpelavew.”

Zefanias 1:18

Kenà ebpekelibri kandan is menge pelata zan wey menge vulawan dutun te andew te kebpeǥezama ku te pauk ku he iring te hapuy he ebpekeepur te tivuuk he tanà. Edtik-awan ku edezeeti is langun he ed-ubpà kayi he tanà.”

Deuteronomio 8:17

Su kela ke megkaǥi kew te, ‘Pinaaǥi te kedì he ǥehem wey zesen naangken ku heini is langun he ketiǥeyunan.’

1 Samuel 17:42

Hein naahà ni Goliat si David he vetan-en pa wey mataid ne meriǥàriǥà is kedlulundis din, ne mid-undaunda zin dà.