Jeremias 9:13 - Manobo Western Bukidnon OT

¹³ Midtavak is Nengazen, “Neulaula heini su ǥeina te wazè dan tumana is menge suǥù he imbeǥey ku kandan. Wazà sikandan mebpezumazuma kedì wey wazè dan sunuza is menge kesuǥuan ku.

Jeremias 9:13 ပူးပေါင်းရင်းမြစ်များ

2 Cronica 7:19

Piru emun ed-iniyuǥan a keniyu ne kenè niw edtumanen is menge suǥù wey menge sulunuzen he imbeǥey ku keniyu, wey ke ebpenilbi kew wey ed-azap te zuma he menge ed-ezapen,

Ezra 9:10

“Iyan, guntaan te nekesalè key, Megbevayè dey, henduen be te wazè dey en egkekaǥi. Su mibpekahagkap dey is menge suǥù nu

Salmo 119:53

Dekelà is pauk ku, tenged te menge lalung he mid-iniyug te kesuǥuan nu.

Erubasa 28:4

Is etew he kenà edtuman te Kesuǥuan, igkesuat din is kelelalung, iyan, is etew he edtuman kayi, igkeepes din mulà is kelelalung.

Jeremias 13:10

Heini is lalung he menge etew kenè dan edtuman te menge lalag ku. Ebpezumdumahan dan is kenà kegkemepezumdumahan te gehinawa zan, ne ebpenilbi zan wey ed-azap te zuma he menge ed-ezapen. Ne egkeiring sikandan te vahag he wazè din en pulus.

Jeremias 22:9

Ne is tavak iyan heini, ‘Tenged te inselikwey zan is kebpekid-uyun te Nengazen he Megbevayè dan, ne mid-azap wey nenilbi sikandan te zuma he menge ed-ezapen.’ ”

Jeremias 5:19

Emun ed-insà is menge etew te, ‘Maan is mibeelan heini is langun te Nengazen he Megbevayè tew ziyà te kenitew?’ Keǥiyi nu sikandan te, ‘Geina te inselikwey niw is Nengazen, ne nenilbi kew te zuma he menge ed-ezapen diyà mismu te tanè niw. Ne ǥuntaan ebpekepenilbi kew te menge lumelengyawà dutun te kenà keniyu he tanà.’

Jeremias 7:26

Piru wazè niw sikandan pemineǥa wey tuuwi. Edhuna kew pa he menge mesinupaken wey edhuna pa he mezaat is menge vaal niw kenà te menge kepuun niw.