Jeremias 9:10 - Manobo Western Bukidnon OT

¹⁰ Migkaǥi si Jeremias te: Edlelendag a tenged te menge vuntud; edlalew a tenged te menge penebtavà diyà te sibsivayan. Su egkehimu en heini he mekevulungbulung ne wazè en edsaǥad kayi. Kenè en egkezineg kayi is ked-engà te menge vaka, ne mibpekeziyù en is menge tagbis wey minsan is dumezaas he menge langgam.

Jeremias 9:10 ပူးပေါင်းရင်းမြစ်များ

Isaias 41:15

Pemineg ka! Edhimuwen ku sikew he iring te gelemiten te kegunas he veǥu wey zuen din mahabet wey meǥarang he menge ngipen. Egunasen nu wey edrunteken is menge vuntud, ed-iringen nu te ukap is menge vuvungan.

Isaias 49:19

Nezeetan ka wey nehimu he mekevulungbulung, piru ǥuntaan ed-ubpaan ke en te menge etew nu; hapit sikandan kenà ed-ereg diyà te kenikew. Ne sikan is menge midezaat kenikew ne ebpekepeziyù en.

Jeremias 12:10

Midezeetan te mahabet he menge pengulu is Juda he mid-isip ku he pemuleey ku te paras. Midtekutakan dan heini is mekempet he tanè ku ne midhimu zan he sibsivayan.

Jeremias 12:11

Midhimu zan heini he lugar he wazè din en pulus diyà te etuvangan ku. Ne nehimu heini he sibsivayan su wazè en edseǥipà kayi.

Jeremias 12:4

Keenu egkeengked is kebmemaza te tanà wey kegkeǥangu te menge sagbet diyà te langun he menge vevesukà? Nemematey is menge langgam wey menge tagbis tenged te kelelalung te menge etew he ed-ubpà keniyan he tanà. Migkaǥi pa sikandan te, “Wazè mebpekilavet is Megbevayà te egkepeveyaan tew.”

Jeremias 14:6

Is leew he menge asnu ebpemenhitindeg diyà te zemilag he menge vuvungan is ebelhalen he henduen be te egkemezahan he leew he menge asu. Mibmerusirem en is ked-ehè dan tenged te wazè dan en egketabtab.”

Jeremias 2:15

Is menge kuntada zin henduen be te erimaung he edhiniǥer ziyà te kandin. Mibpendezeetan dan is menge tanà kayi, wey mibpemengkag dan is menge inged duen, ne wazè en ed-ubpà duen.

Jeremias 2:6

Wazè e zan en pen-ahaa minsan pa te iyan a mid-uwit kandan diyà te gawas te Ehipto, ne migiyahan ku sikandan pehendiyà te sibsivayan he wazà duen menge pinemula. Haazà he tanà disirtu, duen menge vudsi, memaza, dilikadu, wey wazà duen ed-ubpà wey minsan edsaǥad.

Jeremias 23:10

Nepenù en is tanà te menge etew he ed-azap te tarù he menge megbevayà, su mibaal te mezaat is menge ebpeneuven wey mezaat is kegemita zan te ǥehem dan. Ne tenged kayi midrewakan te Nengazen is tanà, umbe mibmemaza heini ne nengeǥangu is menge pinemula.

Jeremias 50:3

Su edsurungen is Babilonia te sevaha he nasyun he ebpuun te zizaya, ne egkehimu heini he mekevulungbulung ne wazè en ed-ubpà kayi, su ebpemelaǥuy en is menge etew kayi wey menge uyaǥen.”

Jeremias 7:29

He menge tig-Jerusalem, pekiskisi niw is menge ulu niw ne itimbag is menge vulvul niw he tuus te kegkeseeng niw. Lalew kew ziyà te menge zemilag he menge vuvungan, su inselikwey wey mibey-anan kew te Nengazen is lapis te menge kevuwazan niw he egkepeukan din.”

Jeremias 8:18

Ne migkaǥi si Jeremias te: Kenà egkaawà is kegkeseeng ku. Utew mesakit is gehinawa ku.

Penhulùhulù 1:16

Ne tenged keniyan nemeniǥis is menge luhè ku te kedsineǥew ku. Ne wazà midlangan wey midlig-en kedì. Mekehizuhizu is menge meǥinged kayi su nezaag sikandan te menge kuntada zan.”

Penhulùhulù 2:11

Nemenlevag en is menge mata ku tenged te kedtulung ku kedsineǥew. Utew mibmesakit is gehinawa ku. Henduen be te egketevì en is kumeng ku tenged te kegkezeeti te zuma ku he menge meǥinged. Egkengevidtawan diyà te menge zalan te inged is dezekelà en wey menge peririǥè pa he menge vatà.

Penhulùhulù 5:18

Su mekevulungbulung en is Buvungan he Zion, ne iyan dà edriǥuriǥu kayi is leew he menge asu.

Ezekiel 14:15

“Ne emun edsuǥuen ku is dumezaas he menge langgam keniyan he nasyun su wey zan penhimetayi is menge meǥinged duen, ne egkehimu he mekevulungbulung heeyan he lugar ne wazè en ebayà duen tenged te kegkahandek dan te zumezaas he menge langgam.

Ezekiel 27:2

“Sikew is etew, kanta ka te kentahan para te kebpenhulùhulù mehitenged te Tyre,

Ezekiel 29:11

Wazè en etew wey langgam he ebayà kayi, ne wazè en ed-ubpà kayi seled te 40 he tuig.

Ezekiel 33:28

Edhimuwen ku he mekevulungbulung he tanà is Israel, ne id-awè ku is kebpehivantug te menge etew kayi mehitenged te egkehimu zan. Minsan is menge vuvungan kayi egkehimu he mekevulungbulung, ne wazè en ebayà dutun.

Ezekiel 6:6

Is kada inged niw ne edezeetan. Egkengerupet is menge simbahan niw ziyà te metikang he menge lugar, menge ed-ezapen, menge pemuhatà, ragkes is menge pemuhatà he edtutungan te menge veyewà, wey is duma pa he iring kayi te menge vineelan niw.

Hoseas 4:3

Tenged kayi mibmemaza is tanè niw ne ebpematey is langun he meǥinged duen, ragkes is langun he uyaǥen he edhipanew, edlayang, wey edlayewlayew.

Joel 1:13

Sikiyu is menge memumuhat he ebpenilbi ziyà te pemuhatà he para te Megbevayè ku, bivisti kew te saku ne hendiyè kew te valey te Nengazen ne sineǥew kew seled te tivuuk he kezukileman. Su wazè en menge trigu wey menge vinu he igkepemuhat diyà te valey te Megbevayè niw.

Joel 1:19

Mid-ampù si Joel. Ke sikandin te, “Ed-umawen ku sikew, Nengazen, su nengeǥangu is menge penebtavà wey is langun he menge kayu ziyà te menge vevesukà he henduen be te nevinsulan.

Amos 5:1

Menge etew te Israel, pemineǥa niw heini is mekeseseeng he kebpenhulùhulù mehitenged keniyu:

Amos 5:16

Su iyan heini migkaǥi te Nengazen he Megbevayà he Mekeǥeǥehem: “Egkeuma is timpu he zuen ebpemenineǥew wey ebpemen-erang diyà te menge zalan niw wey menge pelasa. Is menge perevasuk ibpetawag su wey zan mesineǥawi is menge minatey zuma te menge etew he edsuhulan wey mekesineǥew.

Micas 2:4

Dutun he andew edsudien kew te menge etew pinaaǥi te mekeseseeng he penhulùhulù he edhenduen te, ‘Mibpurungan key zezeeti! Migkuwa te Nengazen is tanè dey ne imbeǥey zin diyà te menge limbungan.’ ”

Micas 3:12

Umbe, tenged keniyu edezeetan is Zion he iyan is inged he Jerusalem. Egkeiring heini te mid-eradu he bevesukà, ne egkehimu heini he egketembuan te menge nengeǥevà. Ne egkehimu heini he ketelunan is buvungan he nevengunan te valey te Nengazen.”