Jeremias 8:8 - Manobo Western Bukidnon OT

⁸ Maan is egkaǥi kew he uluwanen kew su ziyà te keniyu is kesuǥuan te Nengazen? He iyan man tutuu is, midhalin heini te menge teruen he menunudlù niw.

Jeremias 8:8 ပူးပေါင်းရင်းမြစ်များ

Job 11:12

Henduen be te kenè en egkehimu he ed-uluwanen is tulebung iring te kenà egkehimu he ed-anak te etew is asnu.

Job 12:20

Ibpepereremek din is egkeseriǥan he menge sumesambag, wey id-awè din is hustu he kedsavut te menge meǥurang.

Salmo 147:19

Impahayag din is menge lalag din, menge sulunuzen he ibpesunud din, wey menge suǥù din diyà te menge tig-Israel he menge kevuwazan ni Jacob.

Erubasa 17:6

Dengeg te meǥurang is menge apù din ne zengeg daan te menge vatà is ginikanan dan.

Isaias 43:27

Nekesalà is nehuna he kepuun nu, wey midsupak kedì is menge pengulu nu.

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Jeremias 19:7

Kayi he lugar edezeetan ku is pelanu te menge tig-Juda wey menge tig-Jerusalem. Ibpehimetayan ku sikandan te menge kuntada zan pinaaǥi te tebek, ne ibpekaan ku is menge lawa zan te menge tagbis wey zumezaas he menge langgam.

Jeremias 2:8

Minsan is menge memumuhat ne wazè en mebpen-ahà kedì. Is ebpenurù te kesuǥuan wazà mekekilala kedì. Is menge pengulu ne nekidsukulà kedì. Ne is menge ebpeneuven, midheǥet dan is menge lalag dan pinaaǥi te ed-ezapen he egngezanan ki Baal, ne midsunud dan te zuma he menge ed-ezapen he wazà menge pulus.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 48:14

Mibpahambug is menge tig-Moab he mevurut kun is menge sundaru zan he ebpekidtebek.

Hoseas 8:12

Impesurat ku is mahabet he menge kesuǥuan he para kandan, piru mid-isip dan heini he para te zuma ne kenà para kandan.