Jeremias 8:6 - Manobo Western Bukidnon OT

⁶ Mibpurungan ku pemineǥa is menge lalag niw ne wazà nekaǥi niw he hustu. Wazà minsan sevaha keniyu he mid-engked te kelelalung din. Wazà nekekaǥi keniyu te, ‘Utew mezaat is neveelan ku?’ Is kada sevaha keniyu elistu he ebaal te salà, iring te kudà he ed-untuzan te edhendiyà te tebek.

Jeremias 8:6 ပူးပေါင်းရင်းမြစ်များ

Job 10:2

Ne iyan heini egkeǥiyen ku ziyà te Megbevayà: ‘Kenà a kenikew hukumi he mezaat a, kekenà, ipetueni nu kedì ke hengkey is insumbunga nu kedì.

Job 34:31

“Job, maan is kenè ka ed-uvey ziyà te Megbevayà is egkaǥi te, ‘Nekesalà a, piru ed-engked ad he ebaal te salà’

Job 34:32

etawa egkaǥi ka te, ‘Ipeteuni nu kedì is salè ku. Emun nekesalà a ne kenè ku en ed-umanan te ebaal.’

Salmo 14:2

Diyà te langit mid-ahà te Nengazen is keet-etawan su edsusiyen din ke zuen be nekesavut te tutuu wey ke zuen be edangep diyà te kandin.

Isaias 30:18

Piru edtaǥad is Nengazen te ked-uvey niw ziyà te kandin su para ikepeehè din is hizu zin keniyu. Andam sikandin he ebpaahà te kegkeipeng din keniyu. Su is Nengazen, metazeng he Megbevayà, ne utew zeyzey is langun he midsarig diyà te kandin.

Isaias 57:17

Nepauk a tenged te salà wey keleleǥed te menge tig-Israel, umbe midsilutan ku sikandan wey mid-iniyuǥan. Piru mibpedayun dan gihapun te kebaal te salà.

Isaias 59:16

Neinuinu sikandin hein neehè din he wazà minsan sevaha he edtavang te menge edèdaaǥen. Umbe migamit din is kandin he gehem te kedluwas kandan, wey is kandin mismu he ketazeng iyan neketavang kandin.

Jeremias 23:25

“Nezineg ku is tarù he mibpengaǥi te menge ebpeneuven he midheǥet dan pinaaǥi te ngazan ku. Egkaǥi sikandan te, ‘Duen menge lalag he migkaǥi te Nengazen diyà te kenami pinaaǥi te teǥeinep!’

Jeremias 3:5

Egketulungan e ve kenikew egkepeuki? Ebpedayun be is pauk nu taman te taman?’ Iyan heeyan menge lalag niw, piru ebeelan niw is langun he mezaat he egkesuatan niw te ebaal.”

Jeremias 5:1

Migkaǥi is Nengazen te, “Sikiyu is menge meǥinged diyà te Jerusalem, hendiyè kew te menge zalan! Ne ehàa niw is menge pelasa! Emun duen egketuredu niw he minsan sevaha zà he metazeng wey egkeseriǥan he etew, ebpeseyluwen ku is menge meǥinged te inged niw.

Ezekiel 18:28

Kenà sikandin ebpatey su mid-iniyuǥan din man is langun he salè din.

Ezekiel 22:30

“Nengahà a te etew he ebpekelavan te inged su egkehimu he zatù diyà te pid-elangan ku wey menge etew su wey ku kenà mevengkag heini is inged. Piru wazà a meketuredu.

Daniel 9:11

Midsupak is langun he menge Israilihanen te menge suǥù nu; kenè dan egkesuat he edtuman te menge lalag nu. Ne tenged te kebaal zey te salà, neseǥazan dey is rawak he ingkesurat diyà te Kesuǥuan ni Moises te suluǥuen nu.

Micas 7:2

Is ibpesavut ku iyan is, wazè en neehè ku he etew kayi te Israel he mepezumdumahan te Megbevayà. Wazè en nesamà he metazeng he etew. Is kada sevaha, edtaǥad te meupiya he timpu te kegkehimetayi zin te zuma zin he meǥinged, iring te etew he edtaǥad te kegkeutela zin te langgam he edhingutelen din.

Zefanias 3:7

Ne tenged kayi te mibeelan ku, iyan neisip ku is: siguradu he edtehuzen ad te menge etew ku ne edewaten dan en is kedsewaya ku kandan, su wey kenà mezeeti is inged dan sumalà te migkaǥi ku ziyà te kandan. Piru nasì en med-iseg is kebaal zan te salà.

Haggai 1:5

Is-isipa niw is nengehitavù keniyu.

Haggai 1:7

Umbe, is-isipa niw is nengehitavù keniyu.

Malakias 3:16

Duen menge etew zutun he zuen dan kegkehandek te Nengazen. Hein nezineg dan heini is menge lalag, mibpelelelaǥè dan ne nemineg kandan is Nengazen, ne nezineg din sikandan. Ne ziyà te etuvangan din duen belesahan he midsuratan te mehitenged duen te zuen dan kegkehandek wey kedtahud te Nengazen.