Jeremias 8:22 - Manobo Western Bukidnon OT

²² Wazè be bawì diyà te Gilead? Wazè be ebpemawì diyà? Maan is wazà meulii is palì te menge emurè ku te inged?

Jeremias 8:22 ပူးပေါင်းရင်းမြစ်များ

Genesis 37:25

Ne te egkaan sikandan, ne zuen dan nepantew he ebpemelingguma he nigusyanti he menge Ismailihanen he ebpuun diyà te Gilead. Duen menge kemilyu zan he migkergahan dan te menge penaket, bawì, wey menge perehemut he ed-uwiten dan diyà te Ehipto.

Genesis 43:11

Ne migkaǥi zutun is amey zan te, “Emun iyan en heeyan egkeulaula su wazà duma he paaǥi, ne zeyzey ke zuen edtinesen niw he menge meupiya he igasa he zini ebpuun te kenitew wey niw meuwit diyà te egalen dan. Uwit kew te menge bawì, teneb, penaket, menge perehemut, wey menge veǥas te kayu he pistasyu wey almindru.

Jeremias 14:19

He Nengazen, inselikwey nu en be is Juda? Egkeepesan nu ve is Jerusalem? Maan is mibpurungan key kenikew pelii, ne kenè key en egkeulian? Ebperateng key he ebeǥayan key kenikew te kelinew, piru wazè dey heini mezawat. Ebperateng key he ebewian key kenikew wey key meulii, piru kegkahandek is nekeuma ziyà te kenami.

Jeremias 22:6

Iyan heini migkaǥi te Nengazen bahin duen te turuǥan te hadì te Juda: “Diyà te kediey iring is kekempet kayi te kekempet te Gilead etawa puntur te vuntud he Lebanon. Piru siguradu he edhimuwen ku heini he disirtu, iring te inged he wazà duen ed-ubpà

Jeremias 46:11

“Sikiyu is menge etew ziyà te Ehipto, minsan edhendiyè kew pa te Gilead su ebpenguwa kew te vawì, ne kenà ebpulus is langun he vawì niw su kenà ebpekeulì keniyu.

Jeremias 51:8

Egketik-ew egkezeeti is Babilonia! Egkeseeng kew tenged kayi! Bewii niw is menge palì din, su kela ke meulii pa.”

Jeremias 6:7

Iring heini te serebseb he kenà ed-engked he edtuda, su kenà daan egkeengked is kebaal te mezaat kayi. Layun egkezineg kayi he inged is kebpaantus wey kebpendezaat. Is daru wey palì kayi iyan layun ku egkaahà.

Jeremias 9:1

“Angin pezem ke serebseb te menge luhà is menge mata ku su edsineǥew e en te maandew wey mezukilem tenged te menge emurè ku te inged he mibpenhimetayan.

Jeremias 9:11

Su migkaǥi is Nengazen te, “Edezeetan ku is Jerusalem, ne egkehimu zà heini he ubpeey te leew he menge asu. Is menge inged diyà te Juda egkeiring te disirtu he wazà duen ed-ubpà.”

Penhulùhulù 2:13

Sikiyu is menge meǥinged diyà te Jerusalem, hengkey is egkekaǥi ku ziyà te keniyu? Hengkey is egkehimu he ebpetug-iringan ku te kemeresayan niw? Is palì niw iring kezalem te zaǥat. Ne hentei is ebpekevawì keniyu?

Ezekiel 27:17

“ ‘Mibpetiǥayun daan diyà te kenikew is Juda wey Israel. Midliwaan dan is menge velegyè nu te trigu he ebpuun diyà te Minnit, higus, teneb, wey haplas.

Numero 32:1

Is tribu ni Reuben wey ni Gad duen dan utew mezakel he menge uyaǥen. Umbe hein neehè dan he meupiya he lugar para te menge uyaǥen is tanà diyà te Jazer wey Gilead,