Jeremias 8:19 - Manobo Western Bukidnon OT

¹⁹ Pemineǥa is kebpekitavang te menge emurè ku te inged; egkezineg heini kayi te tivuuk he tanà. Ke sikandan te, “Wazè en be ziyà te Jerusalem is Nengazen? Wazè en be kayi is Megbevayà he Hadì te Jerusalem?” Midtavak is Nengazen te, “Maan is midhimu niw he mepauk a pinaaǥi te ked-azap niw te zuma he menge ed-ezapen he wazà menge pulus?”

Jeremias 8:19 ပူးပေါင်းရင်းမြစ်များ

Salmo 135:21

Deliǥa niw is Nengazen he ziyà te Zion. Diyà sikandin med-ubpà te inged he Jerusalem. Deliǥa is Nengazen!

Salmo 137:1

Nememinuu key ziyà te veyvey te menge wahig diyà te Babilonia he ebpemenineǥew hein netenuzan dey is Zion.

Salmo 146:10

Sikiyu is menge meǥinged diyà te Zion, is Nengazen he Megbevayè niw iyan sikandin kes edhadì te wazà pidtemanan. Deliǥa is Nengazen.

Salmo 149:2

Medlipey kew is menge tig-Israel; ikelipey niw is midlimbag keniyu. Medlipey kew is menge etew ziyà te Zion tenged te hadì niw.

Salmo 31:6

Utew ku egkeepesi is menge etew he ed-azap te wazà menge pulus he menge ed-ezapen, su ziyè e man mulà te kenikew medsarig, Nengazen.

Isaias 1:4

Mekesesalà sikandan he nasyun, menge etew he utew subra is kelelalung dan, kevuwazan sikandan te mememaal te mezaat wey mesipala. Inselikwey zan wey mid-undaunda is Nengazen, kes Waǥas he Megbevayà te Israel, ne mid-iniyuǥan dan sikandin.

Isaias 12:6

Ugyab kew wey megkanta te kelipey, is menge etew te Jerusalem. Su mekeǥeǥehem is Waǥas he Megbevayà te Israel he iyan duma niw.”

Isaias 13:5

Ebpuun sikandan diyà te utew meziyù he menge lugar. Edezeetan te Nengazen wey te menge sundaru zin is tivuuk he tanà.

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Isaias 39:3

Dutun he timpu, is ebpeneuven he si Isaias midhendiyà te ki Hadì Hezekia ne mid-insà te, “Hendei ebpuun heeyan he menge etew, wey hengkey is kinahanglan dan?” Midtavak si Hezekia te, “Ebpuun sikandan diyà te meziyù he lugar, he Babilonia.”

Isaias 52:1

He Zion, enew ke en, wey mebpekelig-en! Sikew is segradu he inged he Jerusalem, ipeehè nu is kegkemekeǥeǥehem nu! Su is menge kuntada nu he kenà menge Israilihanen he ed-isipen he meremerik, kenè en ebpekeseled diyà te kenikew.

Jeremias 10:15

Wazè kayi pulus wey telemayen heini. Emun timpu en te kedsilut ne egkezeetan sikandan is langun.

Jeremias 14:19

He Nengazen, inselikwey nu en be is Juda? Egkeepesan nu ve is Jerusalem? Maan is mibpurungan key kenikew pelii, ne kenè key en egkeulian? Ebperateng key he ebeǥayan key kenikew te kelinew, piru wazè dey heini mezawat. Ebperateng key he ebewian key kenikew wey key meulii, piru kegkahandek is nekeuma ziyà te kenami.

Jeremias 14:9

Ingketingkemed nu ve heini he menge hitavù? Maan is henduen ka te sundaru he wazè din egkehimu te kedtavang? Duma zey sikew, Nengazen. Ne menge etew key kenikew, umbe kenè key kenikew pesegdana.”

Jeremias 2:5

Iyan heini migkaǥi te Nengazen: “Hengkey is sayep ku he naahà te menge kepuun niw he iyan hinungdan te kebpekeziyui zan kedì? Iyan dan midsunud is menge ed-ezapen he wazà menge pulus, ne tenged dutun nehimu zaan sikandan he wazà menge pulus.

Jeremias 27:10

Tarù is egkeǥiyen dan diyà te keniyu su pinaaǥi kayi, egkengaawè kew kayi te tanè niw. Edsegseǥen ku sikiyu wey edezeetan.

Jeremias 31:6

Egkeuma is timpu he zutun is menge vantey ziyà te menge vuvungan he Efraim ne ebpemensag, ‘Hendini kew, su edtekezeg kiw ziyà te Jerusalem te ked-azap te Nengazen he Megbevayè tew.’ ”

Jeremias 32:30

“Puun pa zengan wazà duma he vaal te menge etew ziyà te Israel wey Juda, kekenà, pudu kebaal te salà. Midhimu zan he mepauk a pinaaǥi te menge vaal zan.

Jeremias 7:19

Piru iyan a vè egkezeetan keniyan? Kenà! Kandan he keugelingen is midezeetan dan wey mibpeel-elezan.

Jeremias 8:20

Midriklamu is menge etew he ke sikandan te, “Nepasad en man is tiraǥun, piru wazè key ǥihapun melibri.”

Jeremias 9:16

Ibpeyapat ku sikandan diyà te zuma he menge nasyun he wazè dan duen hanew wey is menge kepuun dan. Ibpezal-as ku sikandan te menge kuntada zan taman te egkaamin sikandan egkepatey.”

Ezekiel 48:35

Umbe is tivuuk he keleyatan duen te verengbeng, ne 9,000 he mitrus, ne puun dutun he timpu haazà is inged egngezanan he “Keniyan is Nengazen!”

Joel 2:32

Piru is minsan hentei he edangep diyà te Nengazen ne egkelibri te silut he edtelinguma. Su sumalà is migkaǥi te Nengazen, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te Nengazen he egkengelibri.

Joel 3:21

Ibpenimales ku is kebpenhimetayi te menge etew ku; edsilutan ku is mibaal kayi ziyà te kandan. Iyan a, is Nengazen, ed-ubpà diyà te Zion.”

Obadias 1:17

“Piru zuen egkesamà he menge Israilihanen diyà te Buvungan te Zion, ne egkeuman heini egkehimu he segradu he lugar. Ne egkeuman egkaangken te kevuwazan ni Jacob is menge tanà he kandan dengan.

Micas 4:9

“Ne ǥuntaan, maan is edag-es kew is menge meǥinged diyà te Zion he iring te vahi he ebeliliten? Duen niw pe man hadì ne wazè man mebpematey is menge sumesambag din. Sigi, belvelehey kew tenged te kegkesekiti iring te vahi he ebeliliten. Su kenè en egkeuǥet ne ebpekaawè kew ziyà te inged niw ne ziyè kew ebpekeubpà te menge vevesukà, ne zutun edumahan kew ziyà te Babilonia. Piru emun diyè kew en, edlibriyen ku sikiyu wey kew kenà mezezeeti te menge kuntada niw.

Zefanias 3:15

Su kenè kew en edsilutan te Nengazen. Edsegseǥen din is menge kuntada niw. Duma niw is Nengazen, he Hadì te Israel, umbe wazè en igkahandek niw he kezeetan.

Zacarias 2:9

“Edsilutan ku iyan sikandan; edsurungen sikandan te menge uripen dan ne egkuwaan is menge azen dan.” Emun egkehitavù en heini egketuenan niw he iyan is Nengazen he Mekeǥeǥehem midsuǥù kedì, migkaǥi si Zacarias.

Deuteronomio 31:17

Dutun he andew egkepeukan ku sikandan ne ed-engkezan ku sikandan. Ed-iniyuǥan ku sikandan ne egkengezeetan dan. Mahabet he menge kemeresayan wey menge kemereǥenan he ebpekeuma ziyà te kandan, ne zutun he timpu ebpekeinsè sikandan te, ‘Iyan be ingkeul-ulaha te menge kemereǥenan diyà te kenitew is tenged te wazè en mebpekiduma kenitew is Megbevayà?’