Jeremias 8:13 - Manobo Western Bukidnon OT

¹³ Egkuwaan ku is menge sebpet dan te paras wey higus. Minsan is menge zahun kayi egkengeǥangu. Is menge imbeǥey ku kandan edhewien ku ziyà te kandan.

Jeremias 8:13 ပူးပေါင်းရင်းမြစ်များ

Isaias 5:10

Is dezuwa he hiktaryas he perasan ne menge heenem dà he gelun he vinu is egkekuwa zuen. Ne is ingkeezek he sepulù he ǥantang ne senge-ǥantang dà is egkeraǥun duen.”

Jeremias 14:12

Minsan mebpuasa pa sikandan, ne kenè ku ebpemineǥen is kebuyù dan te tavang kayi te kediey. Minsan mebpemuhat pa sikandan te menge pemuhat he edtutungen wey pemuhat he para gasa, ne kenè ku heini edewaten. Kekenà, ebpenhimetayan ku sikandan pinaaǥi te tebek, bitil, wey menge vangkit.”

Jeremias 14:15

Umbe siak, is Nengazen, egkaǥi a he edsilutan ku heini is teruen he menge ebpeneuven. Ebpenagnè dan pinaaǥi te ngazan ku, minsan wazè ku sikandan suǥua. Egkaǥi pa sikandan he wazà tebek wey vitil he egkehitavù kayi he nasyun. Piru heeyan he menge ebpeneuven egkengezeetan gihapun pinaaǥi te tebek wey vitil.

Jeremias 17:8

Iring sikandin te kayu he impemula ziyà te veyvey te wahig, he edhendiyà is menge zalid din te wahig. Heini he kayu kenè egkahandek wey egkeseeng emun ebpekeuma is meluǥayad he gulavung. Is menge zahun din layun meilem ne kenà edsalang he ebpemeǥas.

Jeremias 5:17

Ed-eminen dan is menge abut niw, menge keenen niw, menge paras wey menge higus niw. Ebpenhimetayan dan is menge anak niw wey is menge uyaǥen niw. Ebengkaǥen dan is dezekelà he menge inged niw he neliǥuy te verengbeng he midseriǥan niw.

Jeremias 7:20

Ne iyan a, is Nengazen he Megbevayà, migkaǥi kayi: Ibpeǥezaman ku is utew ku kegkepauk kayi te lugar, ziyà te menge etew, ziyà te menge uyaǥen, diyà te menge kayu, wey menge abut te tanà. Is pauk ku iring te hapuy he kenà egkeevukan.”

Ezekiel 22:31

Umbe, ebpeǥezaman ku kandan is utew ku kegkepauk. Edezeetan ku sikandan tenged te mibeelan dan. Iyan a, is Nengazen he MEGBEVAYÀ, is migkaǥi kayi.”

Hoseas 2:12

Edezeetan ku is menge pinemula zin he paras wey menge kayu he higus he egkeǥiyen din he imbayad kandin te menge kumpadi zin. Ebpetuvuan ku is menge pemuleey zin te merisen he menge kayu, ne is menge veǥas kayi egkeenen te leew he menge langgam.

Joel 1:7

Midezeetan dan is menge pinemula he paras te Nengazen wey is menge kayu zin he higus. Migketket dan is menge lekang kayi taman te mibmeputì is menge subpang.

Leviticus 26:20

Egkehimu he wazà pulus te menge kedhaǥù niw, su is menge tanè niw, kenà ebeǥey te sebpet ne is menge kayu niw ne kenà ebpemeǥas.

Habakuk 3:17

Minsan kenè pa mebpemeǥas is kayu he higira, is paras, etawa kayu he ulibu, wey minsan wazà sebpet diyà te tanà, wey minsan mebpemematey pa is menge uyaǥen diyà te tudil,

Haggai 1:11

Impememaza ku is tanà wey is menge vuntud. Umbe neipiktuwan is trigu, binu, lana, wey is duma pa he menge abut, ragkes en is menge etew, wey is menge uyaǥen dan, wey menge impemula zan.”

Haggai 2:17

Midèdeetan te Nengazen is menge pinemula niw pinaaǥi te meinit he keramag, erat, wey kebpeuzan te ǥiyew he henduen be te menge vatu, piru wazè kew gihapun medlikù diyà te kandin, migkaǥi is Nengazen.

Malakias 3:11

Kenè ku idtuǥut he dezeeti te ebpekezezaat te pinemula is menge pinemula niw, is menge paras niw ziyà te menge pemuleey niw ne kenà egkengerapi is beǥas dan, migkaǥi is Nengazen he Mekeǥeǥehem.