Jeremias 7:5 - Manobo Western Bukidnon OT

⁵ “ ‘Helina niw is betasan wey ulaula niw. Ipedrerepeng niw is kedseǥipaa niw te kada sevaha.

Jeremias 7:5 ပူးပေါင်းရင်းမြစ်များ

Isaias 1:19

Emun ebpezumazuma kew kedì, ne edtuvazan ku sikiyu.

Isaias 16:3

Migkeǥiyan te menge vahi he tig-Moab is menge tig-Juda te: “Sembaǥi key ke hengkey is ereg he ebeelan dey. Pengelangi key keniyu he iring te ebpekehelung key ziyà te merapung he kayu ke meudtu. Mibpelaǥuy key puun diyà te kenami, ne wazè key en diyà te kenami he ubpeey.

Jeremias 22:15

Egkeisip nu ve is egkehimu ka he ventuǥan he hadì emun ebpekepehitindeg ka te turuǥan he sidru? Maan is kenè nu edsunuzen is amey nu? Hustu wey metazeng is menge vaal zin, umbe mid-uswag sikandin wey meupiya is kebpengungubpaan din.

Jeremias 22:3

Migkaǥi is Nengazen te: Baal kew te hustu wey metazeng. Tevangi niw is menge mibpenekawan; libriya niw sikandan puun te gehem te midrasey kandan. Kenè niw dèdaaǥa wey pesipelahi is kenà menge Israilihanen, is menge ilu, wey is menge valu. Kenè kew zaan himatey te wazà mekesalà.

Jeremias 26:13

Umbe, beǥuwa niw en is betasan niw wey menge vaal niw, ne sunuza niw is Nengazen he Megbevayè niw. Su emun ebeelan niw heini kenà edleusen te Nengazen is kezeetan he nekaǥi zin he ebpekesuǥat keniyu.

Jeremias 7:3

Iyan heini migkaǥi te Nengazen he Mekeǥeǥehem, he Megbevayà te Israel: Helina niw en is menge vetasan niw wey menge ulaula niw, su para ibpeubpè ku zed sikiyu kayi he lugar.

Ezekiel 18:17

Kenà sikandin ebaal te mezaat, wey kenà sikandin ebuyù te tuvù te ed-utang diyà te kandin. Edtumanen din is menge suǥù ku wey menge sulunuzen. Heini he etew kenà ebpatey tenged te salà te amey zin, kekenà, ebpedayun is kegkeuyag-uyag din.

Ezekiel 18:5

Penenglitan duen etew he metazeng he mibaal te hustu he menge vaal.

Ezekiel 18:8

Wazè din ipetuvù is impeutang din. Wazà sikandin mebaal te mezaat, wey wazè din midepiǥan diyà te kedhukum din.

Leviticus 25:17

Kenè kew mebpelimlimbungà, kekenà, tehuza a keniyu, is Nengazen he Megbevayè niw.

Zacarias 7:7

Iyan daan heini menge lalag he impekaǥi ku zengan te menge ebpeneuven, dutun te timpu he meuswaǥen pa is Jerusalem wey mahabet pa is menge etew kayi ragkes is menge inged diyà te peliǥuy zin, wey ragkes is Negev wey is menge mibuntud-buntud diyà te edsenlepan.”

Zatù 21:12

Ne zutun nekeehè dan te 400 he menge raǥa he wazè pa mehileveti ne mid-uwit dan haazà diyà te kampu zan diyà te Shilo he sakup te Canaan.

Zatù 5:1

Dutun te andew te kebpekezaag dan, migkanta si Debora wey si Barak he anak ni Abinoam. Iyan heini kanta zan: