Jeremias 7:34 - Manobo Western Bukidnon OT

³⁴ Ibpeengked ku en is kegalew wey kedlipey ziyà te menge zalan te Jerusalem. Is melipayen he kegkaǥi te beuǥu kenè en egkezineg diyà te menge inged te Juda su egkehimu heini he mekevulungbulung.”

Jeremias 7:34 ပူးပေါင်းရင်းမြစ်များ

Job 3:7

Deyzey ke wazà ad meetew zutun he kezukileman, wazè en pezem nelipey zutun he timpu.

Salmo 78:63

Mibpeminsulan is menge vetan-en he menge maama kandan, umbe wazè en ebpekeesawa te menge raǥa zan.

Isaias 1:7

Nehimu he mekevulungbulung is nasyun niw; ne nengevinsulan is menge inged niw. Ne nevembentayan niw is kebpenguwaa te menge veǥas te pinemula niw ziyà te vevesukè niw te menge etew ziyà te zuma he lugar. Edezeetan dan is tanè niw taman te kenè en heini egkepulusan.

Isaias 3:26

Duen edlalew wey ebpemenineǥew ziyà te menge pultahan dutun te inged. Ne haazà is inged egkeiring te vahi ha nekezuzungul ziyà te tanà he nahanew is langun he azen din.

Isaias 6:11

Ne mid-insà a te, “Sengemenu is kegkeuǥet kayi, Nengazen?” Midtavak sikandin te, “Taman te egkengewaǥey is menge inged diyà te Israel ne wazè en duen menge etew. Taman te wazè en ebpen-ubpà diyà te menge valey, ne is tanà egkepurung en egkezeeti.

Jeremias 16:9

Su iyan a, is Nengazen he Mekeǥeǥehem, he Megbevayà te Israel, migkaǥi kayi: ‘Ibpeengked ku is kedlilipeylipey wey kedlipey kayi he lugar, minsan is kedlipey te beuǥu. Egkesaksiyan nu heini kayi te kenikew he timpu.’

Jeremias 22:6

Iyan heini migkaǥi te Nengazen bahin duen te turuǥan te hadì te Juda: “Diyà te kediey iring is kekempet kayi te kekempet te Gilead etawa puntur te vuntud he Lebanon. Piru siguradu he edhimuwen ku heini he disirtu, iring te inged he wazà duen ed-ubpà

Jeremias 25:10

Edhimuwen ku he kenè kew en ebpekeǥusà wey ebpekelipeylipey. Kenè en egkezineg is kebpeeyuwà te veuǥu, wey wazè en daǥing te ebpenggaling te trigu wey edtemtem te sulù ke mezukilem.

Jeremias 27:17

Kenè kew pemineg kandan. Kekenà, silbiyi niw is hadì te Babilonia, ne egkeuyag-uyag kew. Kinahanglan pe be he egkezeetan heini he inged!

Jeremias 33:10

Mibpedayun megkaǥi is Nengazen te, “Migkaǥi kew te mekevulungbulung wey wazà menge etew wey menge langgam diyà te Juda wey Jerusalem. Piru ziyà te huziyan he timpu egkezineg en maan kayi he lugar

Jeremias 33:11

is kedlipey wey keguǥusà. Egkezineg is kebpeeyuwà te beuǥu, wey is kedlipey te ebpemen-uwit te menge pemuhat diyà te valey te Nengazen he para te kebpeselamat. Egkaǥi zan te, ‘Ebpeselamat kiw te Nengazen he Mekeǥeǥehem, su meupiya sikandin. Wazà pidtemanan te ǥaǥew zin.’ Edlipey is menge etew su idlikù ku is meupiya he kebpekesavuk dan kayi he tanà iring te kebpekesavuk dan dengan. Iyan a, is Nengazen, is migkaǥi kayi.”

Jeremias 4:26

Neehè ku he is daan he selebpeten he tanà ne nehimu he disirtu. Nengezeetan is langun he menge dezekelà he menge inged tenged te utew kegkepauk te Nengazen.

Jeremias 4:27

Iyan heini migkaǥi te Nengazen: “Egkevengkag is tivuuk he kelibutan, piru kenè ku heini ebpurungan edezeeti.

Jeremias 44:6

Umbe, impeǥezaman ku kandan is beǥas te utew ku kegkepauk. Henduen be heini te hapuy he mid-epur te menge inged diyà te Juda wey Jerusalem, ne nehimu heini he mekevulungbulung he menge lugar taman en guntaan.

Penhulùhulù 5:14

Is menge meǥurang wazè en mekepinuu ziyà te pultahan te inged te kebeǥey te sambag, ne is betan-en he menge maama wazè en meketukar te menge sunata.

Ezekiel 26:13

Pinaaǥi kayi ibpeengked ku sikiyu te kegkanta wey kedtukar te menge alpa niw.

Ezekiel 7:11

Is utew zan kegkemesipala edlikù diyà te kandan he silut tenged te kelelalung dan. Wazà egkesamà kandan, ne egkahanew is langun he ketiǥeyunan dan.

Hoseas 2:11

Ibpeengkezan ku en is langun he ispisyal he menge timpu te ked-azap he edsilibrahan din kada tuig, kada vulan, wey kada simana.

Hoseas 2:13

Edsilutan ku sikandin su zuen menge timpu he midtutung sikandin te veyewà diyà te ledawan ni Baal. Inseluub din is menge elahas din ne midal-as din is menge kumpadi zin, ne siak mulà, ne midlipatan e zin en. Iyan a, is Nengazen, is migkaǥi kayi.

Leviticus 26:33

Ebpeeǥiyan ku sikiyu te tebek he edezaat te tanè niw ragkes en is menge inged kayi, ne ibpeyapat ku sikiyu ziyà te zuma he menge nasyun, ne egkehimu he mekevulungbulung is tanè niw.

Micas 7:13

Egkehimu he mekevulungbulung is menge nasyun kayi te kelibutan tenged te kegkezeeti te menge meǥinged kayi.”