Jeremias 7:26 - Manobo Western Bukidnon OT

²⁶ Piru wazè niw sikandan pemineǥa wey tuuwi. Edhuna kew pa he menge mesinupaken wey edhuna pa he mezaat is menge vaal niw kenà te menge kepuun niw.

Jeremias 7:26 ပူးပေါင်းရင်းမြစ်များ

1 Hadì 14:22

Mibaal te salà diyà te etuvangan te Nengazen is menge etew ziyà te Juda, ne tuwas pa he zekelà is pauk te Nengazen kandan te pauk din te menge kepuun dan, su tuwas he zekelà is menge salè dan.

1 Hadì 14:9

Edhuna pa he mezaat is kenikew he mibeelan te mibeelan te menge hadì he nehuna kenikew. Mid-iniyuǥan a kenikew wey midhimu nu he mepauk a pinaaǥi te kebaal nu te mital he menge ed-ezapen.

2 Hadì 17:14

Piru kenà sikandan edtuman. Utew sikandan mesinupaken; iring sikandan te menge kepuun dan he wazà medsarig te Nengazen he Megbevayè dan.

2 Hadì 17:15

Inselikwey zan is menge sulunuzen wey is kebpekid-uyun kandan te Nengazen he midhimu zin diyà te menge kepuun dan, ne wazè dan seǥipaa is menge petizaan din kandan. Midsunud dan is wazè din pulus he zuma he menge ed-ezapen, ne nehimu sikandan he wazà menge pulus. Mid-iringan dan is menge etew ziyà te menge nasyun he nekeelingkus kandan minsan mibmenduan sikandan te Nengazen he kenè dan heini iringi. Mibeelan dan is menge vaal he indawey kandan te Nengazen.

2 Cronica 30:8

Kenè kew mebmesinupaken iring te menge kepuun niw, kekenà, pesakup kew te Nengazen. Hendiyè kew te Baley te Nengazen he midhimu zin he segradu te wazà pidtemanan. Ne silbiyi niw is Nengazen he Megbevayè niw, su wey maawà is dekelà he pauk din keniyu.

2 Cronica 33:10

Minsan mibpetizeenan en te Nengazen si Manase wey is menge etew zin, wazà gihapun sikandan mebpemineg te Nengazen.

2 Cronica 33:23

Piru kenà sikandin iring te amey zin, su wazè din mulà ibpekevavà is keugelingen din diyà te etuvangan te Nengazen, kekenà, mid-umanan din pa is kebaal zin te salà.

Nehemias 9:29

Mibpetizeenan nu sikandan he med-uman dan medtuman te Kesuǥuan nu, piru mibmepelevawen sikandan ne wazè dan tumana is menge suǥù nu. Wazè dan sunuza is menge suǥù nu he iyan ebpekeveǥey te meupiya he untung duen te edtuman kayi. Tenged te kesinupaken dan mid-iniyuǥan ke zan, ne kenè dan egkesuat he ebpemineg kenikew.

Erubasa 29:1

Is etew he kenà ebpezumazuma minsan layun en edewaya, ne iyan egkepengkusan din is egkerumpak sikandin diyà te kezeetan ne wazè en paaǥi wey meǥaud sikandin dutun.

Isaias 48:4

Netuenan ku ke sengemenu is kebmesinupaken niw. Is tengel niw igkepetug-iring te kezesen te putew ne is buked niw igkepetug-iring te kezesen te brunsi.

Isaias 5:4

Hengkey pa vuwa is nelipatan ku te ebaal zutun te pemuleey ku? Midtaǥad a he mebeǥas heini te meemis, piru mibeǥas heini te mepezes.

Jeremias 11:8

Piru wazà sikandan mebpemineg wey medtuu. Iyan dan nasì mibpezumdumahan is kesinupaken te mezaat he gehinawa zan. Midsuǥù ku sikandan he tumana zan is kebpekid-uyun ku kandan, piru wazè dan heini tumana. Umbe mibpeseǥazan ku kandan is langun he rawak he ingkesurat kayi te kebpekid-uyun ku.”

Jeremias 16:12

Ne sikiyu edhuna kew pa he lalung kenà te menge kepuun niw. Wazè kew mebpezumazuma kedì, kekenà, iyan niw mibpezumdumahan is kenà mepezumdumahan he mezaat he gehinawa niw.

Jeremias 17:23

piru wazè dan mebpemineg kediey. Kenà sikandan mepezumdumahan! Kenè dan edewaten is kebmensuwa ku kandan.

Jeremias 19:15

“Pemineg kew, su iyan heini migkaǥi te Nengazen he Mekeǥeǥehem, he Megbevayà te Israel: Ibpaaǥi ku kayi he inged wey ziyà te menge inged he nekeelingkus kayi is kezeetan he nekaǥi ku he idezaat kandan, geina te utew sikandan mesinupaken ne wazè dan mebpemineg te menge lalag ku.”

Jeremias 22:21

Mibpetizeenan ku sikiyu hein meupiya pa is kebpekesavuk niw, piru wazè kew mebpemineg. Iyan en iyan heeyan betasan niw puun pa te kegkevatè niw; wazè kew mebpezumazuma kedì.

Jeremias 25:3

Seled te 23 he tuig–puun te ike-13 he tuig te kedhadì ni Josia ziyà te Juda, he anak ni Amon ne taman en guntaan is kebpekidlalag te Nengazen kedì. Ne edtulungan ku en edtudtula ziyà te keniyu is menge lalag din, piru wazè kew iyan mebpemineg.

Jeremias 25:7

Piru wazè kew iyan mebpemineg te Nengazen. Midhimu niw he mepauk sikandin pinaaǥi te menge vineelan niw he zuma he menge ed-ezapen. Umbe iyan kew mismu mid-uwit te silut para keniyu.

Jeremias 26:5

wey emun kenè niw ebpemineǥen is mibpengaǥi te menge suluǥuen ku he menge mibpenaub ku, he layun ku ibpehendiyà te keniyu piru wazè niw gihapun pemineǥa,

Jeremias 29:19

Su wazà sikandan mebpemineg te menge lalag ku he layun ku ibpetudtul ziyà te kandan pinaaǥi te menge suluǥuen ku he menge ebpeneuven ku, wey minsan sikiyu is nevihag en wazè kew ǥihapun mebpemineg.”

Jeremias 3:13

Engkena nu zà he nekesalè ka pinaaǥi te kebpekidsukulè nu te Nengazen he Megbevayè nu, wey midsunud ka te zuma he menge ed-ezapen pinaaǥi te ked-ezapa nu kandan diyà te sihung te kada merapung he kayu. Engkena nu he wazè ka mebpezumazuma kediey. Iyan a is Nengazen, is migkaǥi kayi.”

Jeremias 32:23

Naangken dan heini piru wazè dan medtuman te kesuǥuan nu. Wazè dan beeli is langun he ebpeveelan nu kandan. Umbe impaaǥi nu ziyà te kandan heini is kezeetan.

Jeremias 34:14

‘Kada pitu he tuig kinahanglan he ebeǥayan niw te vayàbayà is duma niw he Hebriyuhanen he imbelegyà diyà te keniyu su wey niw meuripen. Emun ebpekepenilbi en sikandin diyà te keniyu te heenem he tuig, kinahanglan he ebeǥayan niw sikandin te vayàbayà.’ Piru wazà mebpezumazuma kedì is menge kepuun niw mehitenged kayi.

Jeremias 35:15

pinaaǥi te menge ebpeneuven he menge suluǥuen ku. Migkeǥiyan kew zan te, ‘Engkezi niw en is mezaat he menge kineiya niw, ne veǥuwa niw en is menge vetasan niw, ne kenè kew en azap wey penilbi te zuma he menge ed-ezapen. Ne pengungubpaan kew ziyà te tanà he imbeǥey ku keniyu wey te menge kepuun niw.’ Wazè kew iyan mebpezumazuma wey mebpemineg kedì.

Jeremias 35:17

Umbe, siak, is Nengazen he Megbevayà he Mekeǥeǥehem, he Megbevayà te Israel, migkaǥi te: Pemineg kew! Is menge etew ziyà te Juda wey Jerusalem, ibpaaǥi ku ziyà te keniyu is langun he kezeetan he migkaǥi ku he idezaat keniyu. Mibpekidlalag a keniyu piru wazà a keniyu pemineǥa; mid-umew ku sikiyu piru wazè kew medtavak.”

Jeremias 44:16

“Kenè key edtuu te migkaǥi nu pinaaǥi te ngazan te Nengazen!

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Jeremias 6:10

Midtavak a te, “Piru hentei man is ebpetizeenan ku? Hentei man is ebpemineg kedì? Midampè dan is menge telinga zan para kenà sikandan mekezineg. Wazè dan kedtahud te lalag te Nengazen, ne kenè dan igkelipey is kebpemineg kayi.

Jeremias 6:17

Mibpilì a te vantey he ibpekaǥi ku keniyu te, ‘Pemineǥa niw is kebpezaǥing te vudyung su wey kew mekepengandam.’ Piru migkaǥi kew te, ‘Kenè key mulà ebpemineg.’

Jeremias 7:24

“Piru wazè dan mebpemineg wey medtuman te migkaǥi ku. Su iyan dan mibpezumdumahan is indikta te mezaat he gehinawa zan. Wazà sikandan med-uvey kayi te kedì, kekenà, mid-iniyuǥan e zan.

Jeremias 9:13

Midtavak is Nengazen, “Neulaula heini su ǥeina te wazè dan tumana is menge suǥù he imbeǥey ku kandan. Wazà sikandan mebpezumazuma kedì wey wazè dan sunuza is menge kesuǥuan ku.

Ezekiel 12:2

“Sikew is etew, nengungubpaan ka zuma te mesinupaken he menge etew. Duen dan menge mata piru kenè dan ebpekaahà, duen dan menge telinga piru kenè dan ebpekezineg, su menge mesinupaken sikandan he menge etew.

Ezekiel 12:3

Umbe, sikew is etew, peehè ka he iring te vinihag ka. Penines ka te menge azen nu ne hendiyè ka te selakew en he lugar. Ne veeli nu heini zutun te andew te edtengtengan ke zan. Su kela ke pinaaǥi kayi egkeisip-isip dan he menge mesinupaken dan.

Ezekiel 20:30

“Ne ǥuntaan, keǥiyi nu is menge etew te Israel te siak, is Nengazen he MEGBEVAYÀ, migkaǥi a te, ‘Edremerikan niw ve zaan is keugelingen niw iring te mibeelan te menge kepuun niw, wey ed-azap kew ve zaan te utew mezaat he menge ed-ezapen?

Daniel 9:6

Wazè key mibpemineg te menge suluǥuen nu he mibpenaub nu he iyan midsuǥù nu te kebpekidlalag te menge hadì dey, menge pengulu zey, menge kepuun dey, wey te langun he menge etew te Israel.

Hoseas 11:7

Heini sikandan is menge etew ku, utew egkesuat he ebpekeziyù kayi te kedì. Umbe minsan medsevaha pa sikandan is ebpengumew-umew kedì, ne kenè ku sikandan edlibriyen.

Zacarias 7:11

“Piru wazè dan medseǥipà te migkaǥi ku. Mezesen is kedsupak dan wey kenè dan ebpemineg.

Malakias 3:7

Sikiyu is menge Israilihanen, ne puun pa te menge kepuun niw, midsuwayan niw en is menge suǥù ku ne wazè niw tumana. Guntaan, likù kew kayi te kediey, te Nengazen he Mekeǥeǥehem, ne edlikù a ziyà te keniyu. Piru ed-insè kew te, ‘Wazè dey man sikew ewai; ebmenumenu key te kedlikù diyan?’

Deuteronomio 8:20

Guntaan mibpendèdeetan te Nengazen diyà te etuvangan niw is menge etew ziyà te menge nasyun, ne emun kenè kew ebpezumazuma te Nengazen he Megbevayè niw ebpendezeetan kew zin daan.