Jeremias 7:24 - Manobo Western Bukidnon OT

²⁴ “Piru wazè dan mebpemineg wey medtuman te migkaǥi ku. Su iyan dan mibpezumdumahan is indikta te mezaat he gehinawa zan. Wazà sikandan med-uvey kayi te kedì, kekenà, mid-iniyuǥan e zan.

Jeremias 7:24 ပူးပေါင်းရင်းမြစ်များ

Nehemias 9:29

Mibpetizeenan nu sikandan he med-uman dan medtuman te Kesuǥuan nu, piru mibmepelevawen sikandan ne wazè dan tumana is menge suǥù nu. Wazè dan sunuza is menge suǥù nu he iyan ebpekeveǥey te meupiya he untung duen te edtuman kayi. Tenged te kesinupaken dan mid-iniyuǥan ke zan, ne kenè dan egkesuat he ebpemineg kenikew.

Salmo 81:13

Emun pezem ebpemineg kew kedì wey edtumanen niw is menge paaǥi ku,

Jeremias 13:10

Heini is lalung he menge etew kenè dan edtuman te menge lalag ku. Ebpezumdumahan dan is kenà kegkemepezumdumahan te gehinawa zan, ne ebpenilbi zan wey ed-azap te zuma he menge ed-ezapen. Ne egkeiring sikandan te vahag he wazè din en pulus.

Jeremias 13:11

Is bahag egkeheǥet diyà te hawak te etew, ne egkesuatan ku zaan he is langun he menge etew ziyà te Israel wey Juda ne meheǥet is kegewezi zan kediey. Midhimu ku sikandan he menge etew ku, su para mevantug a wey para meveǥayi a te zengeg, piru kenè dan ebpemineg kedì. Iyan a, is Nengazen, is migkaǥi kayi.

Jeremias 15:6

Inselikwey a keniyu; layun a keniyu ed-iniyuǥi. Umbe egemiten ku is gehem ku te kedezaat keniyu. Neperahan ad he ebpaahà te hizu ku keniyu.

Jeremias 16:12

Ne sikiyu edhuna kew pa he lalung kenà te menge kepuun niw. Wazè kew mebpezumazuma kedì, kekenà, iyan niw mibpezumdumahan is kenà mepezumdumahan he mezaat he gehinawa niw.

Jeremias 17:23

piru wazè dan mebpemineg kediey. Kenà sikandan mepezumdumahan! Kenè dan edewaten is kebmensuwa ku kandan.

Jeremias 17:9

Utew limbungan is gehinawa te etew ne wazà meupiya he egkehimu zin. Hentei is egketau ke sengemenu is kezaat kayi?

Jeremias 18:10

ne is menge meǥinged dutun te nasyun ebaal te kelelalung wey kenà ebpezumazuma kediey, ne kenè ku edleusen is pelanu ku he para te keupiyaanan dan.

Jeremias 18:12

Piru edtavak is menge etew te, ‘Kenè en egkehimu! Edsiguduwan dey en is menge vaal zey; edsunuzen dey is kenà kegkemepezumdumahan te gehinawa zey!’ ”

Jeremias 2:27

Egkeǥiyen niw he kayu is amey niw ne vatu is iney niw. Mid-iniyuǥan a keniyu, piru emun edlised kew, ebuyù kew te tavang kayi te kediey.

Jeremias 22:21

Mibpetizeenan ku sikiyu hein meupiya pa is kebpekesavuk niw, piru wazè kew mebpemineg. Iyan en iyan heeyan betasan niw puun pa te kegkevatè niw; wazè kew mebpezumazuma kedì.

Jeremias 23:17

Iyan heini layun egkeǥiyen dan diyà te menge etew he edsudì kedì wey ebpezumazuma te mesinupaken he ǥehinawa zan: ‘Egkehimu he utew meupiya is kebpekesavuk niw, migkaǥi is Nengazen. Wazà mezaat he egkehitavù keniyu.’

Jeremias 3:13

Engkena nu zà he nekesalè ka pinaaǥi te kebpekidsukulè nu te Nengazen he Megbevayè nu, wey midsunud ka te zuma he menge ed-ezapen pinaaǥi te ked-ezapa nu kandan diyà te sihung te kada merapung he kayu. Engkena nu he wazè ka mebpezumazuma kediey. Iyan a is Nengazen, is migkaǥi kayi.”

Jeremias 3:17

Dutun he timpu egngezanan niw is Jerusalem he ‘Pinuuwà te Nengazen te Kedhadì Din,’ ne is langun he menge etew ziyà te menge nasyun edtiǥum dan diyà te Jerusalem te kebayew te ngazan te Nengazen. Kenè dan en ebpezumdumahan is kegkemesinupaken te mezaat he ǥehinawa zan.

Jeremias 32:23

Naangken dan heini piru wazè dan medtuman te kesuǥuan nu. Wazè dan beeli is langun he ebpeveelan nu kandan. Umbe impaaǥi nu ziyà te kandan heini is kezeetan.

Jeremias 32:33

Mid-iniyuǥan e zan minsan layun ku sikandan ebpenurùa. Kenè dan ebpemineg wey kenè dan egkesuat he ebpenuruen.

Jeremias 35:15

pinaaǥi te menge ebpeneuven he menge suluǥuen ku. Migkeǥiyan kew zan te, ‘Engkezi niw en is mezaat he menge kineiya niw, ne veǥuwa niw en is menge vetasan niw, ne kenè kew en azap wey penilbi te zuma he menge ed-ezapen. Ne pengungubpaan kew ziyà te tanà he imbeǥey ku keniyu wey te menge kepuun niw.’ Wazè kew iyan mebpezumazuma wey mebpemineg kedì.

Jeremias 6:16

Ne heini pa is migkaǥi te Nengazen: “Hitindeg kew ziyà te lembaǥan te menge zalan ne purung kew pekisusi. Insè kew ke hendei is kezaan wey meupiya he zalan he meupiya he ed-ikulen, ne zutun kew ikul. Emun ed-ul-ulahan niw heini ne ebpekaangken kew te kelinew. Piru migkaǥi kew te, ‘Kenè key mulà keniyan ed-ikul.’

Jeremias 7:26

Piru wazè niw sikandan pemineǥa wey tuuwi. Edhuna kew pa he menge mesinupaken wey edhuna pa he mezaat is menge vaal niw kenà te menge kepuun niw.

Jeremias 8:5

Maan is sikiyu is menge tig-Jerusalem mibpedayun kew med-iniyug kedì? Maan is kenè niw egkehimu te ed-awà is menge ed-ezapen niw he edtuntu keniyu. Maan is kenè kew edlikù kayi te kediey?

Jeremias 9:14

Iyan dan nasì midsunud is kemesinupaken te ǥehinawa zan. Mid-azap dan is duma he menge ed-ezapen sumalà te impenurù kandan te menge kepuun dan.

Ezekiel 20:13

“ ‘Piru midsupak gihapun kediey is menge etew te Israel te ziyè dan te sibsivayan. Wazè dan tumana is menge suǥù ku wey menge sulunuzen, he iyan pezem ibpekepedayun te kegkeuyag-uyag dan is kedtumana zan kayi. Wazè dan daan isipa he segradu is Andew te Kedhimeley he impetuman ku kandan. Umbe migkaǥi a te ibpeǥezaman ku kandan is pauk ku su para mepurung sikandan mezeeti ziyà te sibsivayan.

Ezekiel 20:16

Impenangdù ku heini ziyà te kandan su geina te wazè dan tumana is menge suǥù ku wey menge sulunuzen, wey wazè dan isipa he segradu is Andew te Kedhimeley he impetuman ku kandan. Impelavi zan is ked-azap te zuma he menge ed-ezapen dan.

Ezekiel 20:21

“ ‘Piru minsan is menge anak dan midsupak daan kedì. Wazè dan purungi tumana is menge suǥù ku wey menge sulunuzen, he iyan pezem ibpekepedayun te kegkeuyag-uyag dan is kedtumana kayi. Ne wazè dan daan isipa he segradu is Andew te Kedhimeley he impetuman ku kandan. Umbe migkaǥi a he ibpeǥezaman ku kandan dutun te sibsivayan is utew ku kegkepauk.

Ezekiel 20:8

“ ‘Piru midsupak e zan, ne wazè dan mebpemineg. Wazè dan iselikwey is utew mezaat he menge ed-ezapen diyà te Ehipto. Umbe migkaǥi a te ibpeǥezaman ku kandan is pauk ku zutun te ziyà sikandan te Ehipto.

Daniel 9:6

Wazè key mibpemineg te menge suluǥuen nu he mibpenaub nu he iyan midsuǥù nu te kebpekidlalag te menge hadì dey, menge pengulu zey, menge kepuun dey, wey te langun he menge etew te Israel.

Hoseas 10:6

ne ed-uwiten diyà te Asiria su igasa ziyà te mekeǥeǥehem he hadì. Egkepeel-elezan is Israel tenged te kedsarig din te kayu he menge ed-ezapen.

Hoseas 4:16

Su utew mesinupaken is menge tig-Israel, iring sikandan te simadun he dumeraǥa he vaka. Umbe kenè ku sikandan egkaatur iring te menge kerehidu he ibpepenabtab diyà te penebtavà.

Micas 6:16

Egkehitavù heini keniyu su ǥeina te mid-iringan niw is mezaat he menge vaal, menge sulunuzen, wey menge sambag ni Hadì Omri wey te anak din he si Hadì Ahab. Umbe, edezeetan ku sikiyu, ne ed-un-undahan kew wey edsudien te menge etew ziyà te zuma he menge nasyun.”

Zacarias 7:11

“Piru wazè dan medseǥipà te migkaǥi ku. Mezesen is kedsupak dan wey kenè dan ebpemineg.

Deuteronomio 29:19

Is minsan hentei he nekezineg te menge petizaan pinaaǥi kayi te menge rawak, ne kenè din isipa he kenà sikandin egkemenu ke ebpedayun he ebaal te kandin dà he egkesuatan. Heini he ulaula ebpekeuwit te kezeetan diyà te keniyu te langun.