Jeremias 7:2 - Manobo Western Bukidnon OT

² “Hitindeg ka ziyà te ǥemawan te valey ku ne keǥiya nu heini he menge lalag: ‘Pemineg kew is menge etew kayi te Juda he edseled kayi te ked-azap te Nengazen.

Jeremias 7:2 ပူးပေါင်းရင်းမြစ်များ

1 Hadì 22:19

Migkaǥi pa si Micaya te, “Pemineǥa nu is lalag te Nengazen! Neehè ku is Nengazen he ebpimpinuu ziyà te pinuuwè din te kedhadì, ne zuen menge ilengiten he menge linimbag he ebpemenhitindeg diyà te egkekewanan wey egkeǥivang din.

Salmo 122:2

Ne ǥuntaan kayi key en mekehitindeg te pultahan te Jerusalem!

Isaias 1:10

Sikiyu is menge ebpemendumala wey menge etew ziyà te Jerusalem, he iring te menge tig-Sodom wey tig-Gomora, pemineǥa niw is lalag wey kesuǥuan te Nengazen he Megbevayè tew.

Jeremias 10:1

Sikiyu is menge etew te Israel, pemineǥa niw is migkaǥi te Nengazen.

Jeremias 11:6

Migkaǥi en maan is Nengazen kayi te kedì te, “Kegiya nu heini he menge lalag diyà te menge inged diyà te Juda wey ziyà te menge zalan diyà te Jerusalem: Tentenuzi niw wey tumana niw is menge sulunuzen dutun te kebpekid-uyun ku keniyu.

Jeremias 19:14

Ne mid-awà si Jeremias diyà te Tofet, he zutun din keǥiya is menge lalag te Nengazen, ne midhendiyà te lama zuen te valey te Nengazen ne migkeǥiyan din is menge etew te,

Jeremias 2:2

“Genat ka ne keǥiya nu heini ziyà te menge tig-Jerusalem: ‘Netenuzan ku is keheǥet te gehinawa niw kayi te kedì wey is kebpelenggaa niw kedì dengan he iring te kebpelenggaa te maama te betan-en he vahi he sikan din pa meesawa. Midsunud kew kedì minsan diyà te sibsivayan he wazà duen menge pinemula.

Jeremias 2:4

Pemineǥa niw is migkaǥi te Nengazen, diyà te keniyu te menge etew ziyà te Israel he menge kevuwazan ni Jacob.

Jeremias 28:5

Ne midtavak te ebpeneuven he si Jeremias is ebpeneuven he si Hanania diyà te etuvangan te menge memumuhat wey te ebpemenhitindeg he menge etew ziyà te valey te Nengazen.

Jeremias 34:4

Piru pemineǥa nu, Hadì Zedekia, heini is idsaad ku kenikew: Kenè ka ebpatey te tebek,

Jeremias 36:10

Ne zutun te ebpemineg is menge etew, mibasa ni Baruc is menge lalag ni Jeremias he ingkesurat diyà te linulun he velesahan. Mibeelan heini ni Baruc diyà te valey te Nengazen, diyà te ruǥu ni Gemaria he sikritaryu he anak ni Shafan. Heini is ruǥu ni Gemaria diyà te zivavew te lama zuen te valey te Nengazen he uvey te veyeey pehendiyà te migngezanan he Beǥu he Pultahan.

Jeremias 36:6

Umbe, iyan ke zà hendiyà te valey te Nengazen dutun te andew te kebpuasa. Edtiǥum dutun is menge etew ziyà te Juda he ebpuun diyà te menge inged dan, ne vesaha nu ziyà te kandan is menge lalag te Nengazen kayi te velesahan he indikta ku kenikew is kedsurata zuen.

Jeremias 44:24

Mid-umanan pa keǥiyi ni Jeremias is langun he menge etew zutun, ragkes is menge vahi te, “Sikiyu is menge etew ziyà te Juda he kayi ed-ubpà te Ehipto, pemineǥa niw is lalag te Nengazen.

Jeremias 7:1

Migkaǥi pa is Nengazen diyà te ki Jeremias:

Ezekiel 37:1

Ne midumala a te Nengazen ne mid-uwit a te Mulin-ulin din diyà te teliwazà te suǥud he zuen duen mahabet he menge tulan te etew.

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Amos 7:16

Ne ǥuntaan, sikew is migkaǥi he kenè ku tudtula is menge lalag te Megbevayà diyà te menge tig-Israel he menge kevuwazan ni Isaac, pemineǥa nu heini is migkaǥi te Nengazen he ebpekesuǥat kenikew: ‘Is esawa nu ebelegyà te zengeg din diyà te inged ne ebpatey te tebek is menge anak nu. Is menge tanè nu ebehinen te menge kuntada he ed-aǥew kayi, ne ebpatey ka ziyà te zuma he nasyun. Ne siguradu he ebihaǥen is menge tig-Israel ne edumahan diyà te zuma he nasyun.’ ”

Micas 1:2

“Purung kew pemineg, is langun he menge etew kayi te kelibutan! Su edtistiǥus kuntra keniyu is Nengazen he MEGBEVAYÀ puun te segradu he valey zin.”

Micas 3:1

Migkaǥi si Micas te, “Sikiyu is menge pengulu te Israel wey Juda, pemineg kew! Kenè be iyan kew ereg he ebantey wey kenà maawà is hustu he kukuman?

Micas 3:9

“Sikiyu is menge pengulu te Israel wey Juda, pemineg kew! Igkeepes niw is metazeng he kukuman ne mibulegkù niw is hustu.