Jeremias 6:23 - Manobo Western Bukidnon OT

²³ Neǥumeenan sikandan te menge panà wey menge vangkew. Mesipala sikandan wey wazè dan hizu. Is keǥurub dan henduen be te keǥurub te zezekelà he menge vaǥel dutun te ked-untud dan te menge kudè dan. Ebpekeuma zan su edsurungen kew zan, is menge tig-Jerusalem.”

Jeremias 6:23 ပူးပေါင်းရင်းမြစ်များ

Isaias 10:32

Guntaan he andew ebpekeuma is menge tig-Asiria ziyà te Nob. Ne ed-uyew sikandan su edsurung dan diyà te Jerusalem, kes Buvungan he Zion.

Isaias 13:18

Ebpenhimetayan dan pinaaǥi te panà is menge vetan-en diyà te Babilonia. Kenè dan egkehizuwan is menge vatà wey minsan is peririǥè pa.

Isaias 17:12

Is keǥurub diyà te mahabet he menge etew, iring te deǥurus te zezekelà he menge vaǥel.

Isaias 19:4

Ibpezizalem ku sikandan te gehem te mesipala he hadì.” Iyan heini migkaǥi te Nengazen he MEGBEVAYÀ he Mekeǥeǥehem.

Jeremias 25:32

Impelaus te Nengazen he Mekeǥeǥehem is menge lalag din: “Pengandam kew! Is kezeetan ebpekeuma ziyà te menge nasyun he henduen te mevendes he bagyu he ebpuun diyà te kinemeziyuan he vahin te kelibutan.”

Jeremias 25:9

ibpesurung ku sikiyu te menge etew ziyà te zizaya he ebpenguluwan te suluǥuen ku he si Hadì Nebucadnezar he hadì te Babilonia. Edsurungen dan heini he tanà wey is langun he meǥinged kayi, ragkes en is langun he menge nasyun diyà te nekeelingkus kayi. Ebpurungan ku sikiyu edezeeti, ne egkeheratan is menge etew he ebpekaahà te egkehitavù keniyu ne egkehimu kew he telemayen. Uya, egkezeetan kew taman te taman.

Jeremias 30:14

Midlipatan kew en te kezapig niw he menge nasyun; wazè kew zan en seǥipaa. Midsurung ku sikiyu iring te kedsurung te kuntada niw. Mibpurungan ku sikiyu siluti su utew en meveǥat is menge salè niw wey utew en heini mahabet.

Jeremias 4:13

Tengteng kew! Ebpekeume en is kuntada tew he iring te ǥapun. Is menge kerwahi zin, henduen be te eribpures, ne is menge kudè din, edhuna pa he elistu te menge mendereǥit. Mekehizuhizu kiw! Su egkezeetan kiw en.

Jeremias 4:16

Midsuǥù sikandan he mebpetizaan dan diyà te menge nasyun wey ziyà te Jerusalem he zuen edsurung he menge sundaru he ebpuun diyà te meziyù he inged. Edhinggaten dan te tebek is menge meǥinged diyà te menge inged te Juda.

Jeremias 4:29

Tenged te keǥurub te ebmartsa he menge pereuntud te kudà wey menge mememanà, nemelaǥuy tenged te kegkahandek is menge meǥinged diyà te menge inged. Is duma ziyà mebpelaǥuy te ketelunan, wey is duma midtekezeg diyà te menge vetuwen. Mid-ewaan is langun he menge inged ne wazè en dutun meǥinged.

Jeremias 5:16

Ebpekepatey is menge gumaan dan, ne memevurut sikandan he menge sundaru.

Jeremias 50:41

“Tengteng kew! Duen menge sundaru he ebpekeuma he ebpemuun diyà te tanà he zizaya. Sevaha he mekeǥeǥehem he nasyun ne mahabet he menge hadì he ebpuun diyà te meziyù he lugar is nengandam te kebpekidtebek te Babilonia.

Jeremias 50:42

Neǥumeenan sikandan te menge panà wey menge vangkew. Mesipala sikandan ne wazè dan hizu. Emun ed-untud sikandan te menge kudè dan ne iring is keǥurub dan te keǥurub te dezekelà he menge vaǥel ziyà te zaǥat. Ebpekeuma sikandan is andam en he edsurung keniyu te menge meǥinged diyà te Babilonia.

Jeremias 6:4

Ne egkaǥi sikandan te, ‘Ebpengandam kiw te kedsurung te Jerusalem. Edsurungen tew pezem sikandan te meudtu. Iyan, ǥuntaan hapit en edsanlep is andew ne ebpehendiyè en te kebmerusirem.

Jeremias 8:16

Is mezaǥing he herìhian te menge kudà te menge kuntada tew iyan nezineg tew ziyà te Dan. Minsan herìhian dà dutun te menge kudè dan egkahandek kiw en is langun he meǥinged kayi he tanà. Nekeuma zan su edezeetan dan heini he tanà wey is menge netaǥù kayi–is menge inged wey is langun he menge meǥinged kayi.’ ”

Ezekiel 21:31

Ebpeǥezaman ku keniyu is utew ku kegkepauk, ne ibeǥey ku sikiyu ziyà te mesipala he menge etew, he nelayam he ebpenhimatey.

Deuteronomio 28:49

“Ketau te Nengazen he surunga kew te sevaha he nasyun he ziyà te utew meziyù, he kenè niw egkesavut is kineǥiyan dan. Iring dan te kulaǥu he edawi zutun te kedsurunga zan keniyu.