Jeremias 6:16 - Manobo Western Bukidnon OT

¹⁶ Ne heini pa is migkaǥi te Nengazen: “Hitindeg kew ziyà te lembaǥan te menge zalan ne purung kew pekisusi. Insè kew ke hendei is kezaan wey meupiya he zalan he meupiya he ed-ikulen, ne zutun kew ikul. Emun ed-ul-ulahan niw heini ne ebpekaangken kew te kelinew. Piru migkaǥi kew te, ‘Kenè key mulà keniyan ed-ikul.’

Jeremias 6:16 ပူးပေါင်းရင်းမြစ်များ

1 Hadì 8:36

ne pemineǥa nu sikandan diyan te langit. Peseyluwa nu sikandan is menge suluǥuen nu he menge etew nu he Israilihanen. Penurua nu sikandan te metazeng he kebpengungubpaan, ne peuzani nu is tanà he imbeǥey nu kandan he egkaangken dan.

2 Cronica 19:11

Emun duen menge kasu mehitenged te kegkesupaka te velaud te Nengazen he kenè niw egkehusey, si Amaria he lavew he memumuhat is ipehusey niw zuen. Ne emun duen kasu mehitenged te kegkesupaka te velaud te gubirnu he kenè niw egkehusey, ne si Zebadia he anak ni Ishmael he pengulu te tribu te Juda ne iyan ipehusey niw zuen. Ed-uǥup keniyu is menge Levihanen para mesunud is hustu he kukuman. Pekevurut kew he ebaal te kinahanglan he ebeelan niw. Berakat he zumahi te Megbevayà is menge etew he ebaal te hustu.

Salmo 116:7

Ereg a he kenà egkeǥiyaǥiya, su utew a ebpurungi te Nengazen,

Isaias 2:5

Hendini kew is menge kevuwazan ni Jacob, ebpengungubpaan kiw he sungkad te ketutuanan he ibeǥey kenitew te Nengazen tew.

Isaias 28:12

Iyan heini egkeǥiyen din: “Deyzey ke ebpekaangken kew te egkehimelayan niw ziyà te tanè niw. Piru kenè kew egkesuat he ebpemineg kediey.”

Isaias 30:21

wey egkezineg niw is laǥeng din he iyan egiya keniyu ziyà te hustu he zalan, minsan hendei kew.

Isaias 46:9

Tentenuzi niw zaan is menge mibeelan ku zutun te nengehuna he timpu. Su iyan e zà Megbevayà, ne wazè en duma. Iyan a Megbevayà ne wazà iring kediey.

Isaias 57:2

Emun ebpatey is etew he metazeng, ebpekehimeley en sikandin wey ebmelinawen en.

Isaias 8:20

Kinahanglan he is kesuǥuan wey penurù te Nengazen ne iyan niw ebpemineǥen. Emun duen menge etew he egkaǥi te supak te menge penurù te Nengazen, heeyan he menge etew wazà meteyawi is isip dan.

Jeremias 12:16

Emun ebpurungan dan ed-istudyuwi is menge paaǥi te kebpengungubpaan te menge etew ku ne edheǥeten dan is penangdù dan pinaaǥi te ngazan ku, iring te impenurù dan dengan te menge etew ku he kedheǥeta te penangdù pinaaǥi te ngazan ni Baal, egkehimu zan he kevahin te menge etew ku.

Jeremias 18:12

Piru edtavak is menge etew te, ‘Kenè en egkehimu! Edsiguduwan dey en is menge vaal zey; edsunuzen dey is kenà kegkemepezumdumahan te gehinawa zey!’ ”

Jeremias 18:15

Piru is menge etew ku nelipatan e zan en. Midtutungan dan te veyewà is wazè din pulus he menge ed-ezapen. Mid-ewaan dan is hustu he zalan he kezaan en ne ziyè dan med-ikul te kenà hustu he zalan ne zutun sikandan meseligkat.

Jeremias 2:25

“Sikiyu is menge Israilihanen, egkehilis en is sendalyas niw, wey egkemezahan en is bekereng niw te kedtulung niw kedtundug te zuma he menge ed-ezapen. Egkaǥi kew pa te, ‘Kenà egkehimu ke ed-iniyuǥan dey is duma he menge ed-ezapen. Mahal zey sikandan ne edsunud key kandan.’

Jeremias 22:21

Mibpetizeenan ku sikiyu hein meupiya pa is kebpekesavuk niw, piru wazè kew mebpemineg. Iyan en iyan heeyan betasan niw puun pa te kegkevatè niw; wazè kew mebpezumazuma kedì.

Jeremias 31:21

“Sevuki niw te tuus etawa menge pasek he iyan ibpeketuredu niw te zalan. Purungi niw tentenuzi is mid-ikul niw su iyan ded heini egkeikul niw emun ed-ulì kew en. He menge tig-Israel he iring te vahi he wazè pa mehileveti, likù kew en diyà te menge inged niw.

Jeremias 42:3

Pengemuyù ka ziyà te Nengazen he Megbevayè nu he ipezayag din kenami ke hendei key ebpevayà wey ke hengkey is ereg he ebeelan dey.”

Jeremias 44:16

“Kenè key edtuu te migkaǥi nu pinaaǥi te ngazan te Nengazen!

Jeremias 50:5

Id-insè dan is beyeey pehendiyà te Jerusalem ne edhendiyè dan. Ne ebpekid-uyun dan kedì te uyun he wazà pidtemanan, ne kenè dan heini egkelipatan.

Jeremias 7:23

kekenà, midsuǥù ku zaan sikandan he ke siak te: ‘Pezumdumahi a keniyu, ne egkehimu a he Megbevayè niw ne egkehimu kew he menge etew ku. Pengungubpaan kew te sungkad te menge paaǥi he insuǥù ku keniyu su wey mebmeupiya is kebpekesavuk niw.’

Jeremias 7:24

“Piru wazè dan mebpemineg wey medtuman te migkaǥi ku. Su iyan dan mibpezumdumahan is indikta te mezaat he gehinawa zan. Wazà sikandan med-uvey kayi te kedì, kekenà, mid-iniyuǥan e zan.

Jeremias 7:3

Iyan heini migkaǥi te Nengazen he Mekeǥeǥehem, he Megbevayà te Israel: Helina niw en is menge vetasan niw wey menge ulaula niw, su para ibpeubpè ku zed sikiyu kayi he lugar.

Malakias 4:4

“Tentenuzi niw is Kesuǥuan te suluǥuen ku he si Moises. Haazà he menge suǥù wey menge sulunuzen, imbeǥey ku kandin diyà te Horeb he para te langun he menge etew te Israel.

Deuteronomio 32:7

Tentenuzi niw is midlavey he menge tuig; isipa niw is nengehuna he lapis te kevuwazan. Ne iinsè niw ziyà te menge kepuun niw ke hengkey is neulaula ne edtudtulan kew zan. Insai niw zaan is menge edumala keniyu ne igkelentey zan heini ziyà te keniyu.

Zatù 2:17

Piru wazè dan pemineǥa is menge pengulu zan. Kekenà, mid-iniyuǥan dan is Nengazen ne mid-azap dan is duma he menge ed-ezapen. Kenè dan iring te menge kepuun dan su utew zà melemu ziyà te kandan is ked-iniyug te menge suǥù te Nengazen he midtuman mulà dengan te menge kepuun dan.