Jeremias 52:6 - Manobo Western Bukidnon OT

⁶ Ne hein ikesiyam he andew te ikeepat he vulan dutun he tuig, utew mepait he vitil zutun te inged, ne wazè en egkekaan te menge etew.

Jeremias 52:6 ပူးပေါင်းရင်းမြစ်များ

2 Hadì 25:3

Ne hein ikesiyam he andew te ikeepat he vulan dutun he tuig, utew mepait he vitil zutun te inged, ne wazè en egkekaan te menge etew.

Isaias 3:1

Pemineg kew! Egkuwaan te Nengazen, sikan is Mekeǥeǥehem he Nengazen, is langun he edseriǥan te menge etew ziyà te Jerusalem wey Juda: is keenen dan wey wahig,

Jeremias 15:2

Emun ed-insà sikandan ke hendei zan ebpevayà, keǥiyi nu te iyan heini migkaǥi ku: Is midtelaan en is kebpatey zin ne ebpatey. Is duma ibanglis kandan is kebpatey pinaaǥi te tebek, ne is duma pinaaǥi te vitil. Ne is duma pa ibanglis kandan is kegkevihag.

Jeremias 19:9

Edliǥuyan heini he inged su edhimetayan is meǥinged kayi te menge kuntada zan. Egkeeminan is menge meǥinged duen te keenen. Umbe, egkeenen dan en is duma zan he etew, minsan is menge anak dan.’ ”

Jeremias 21:9

Is minsan hentei he kenà ed-awà kayi he inged ebpatey te tebek, bitil, etawa zaru. Piru sikan is egawas wey edsurindir ziyà te menge tig-Babilonia he edsurung keniyu ne egkeuyag-uyag. Uya, egkelibri is untung din.

Jeremias 25:10

Edhimuwen ku he kenè kew en ebpekeǥusà wey ebpekelipeylipey. Kenè en egkezineg is kebpeeyuwà te veuǥu, wey wazè en daǥing te ebpenggaling te trigu wey edtemtem te sulù ke mezukilem.

Jeremias 37:21

Umbe, mibmandù si Hadì Zedekia he ziyè dà ebpirisuwa si Jeremias te ubpeey te menge vantey te turuǥan. Mibmandù daan haazà is hadì he ebeǥayan si Jeremias te keenen he ebpuun diyà te menge panadiru zutun te inged andew-andew taman te zuen pe pan dutun te inged. Umbe mibpedayun is kegkepirisuwa ki Jeremias diyà te ubpeey te menge vantey.

Jeremias 38:9

“Mahal he Hadì, mezaat is mibeelan kayi he menge etew ziyà te ki Jeremias. Midteyuntun dan sikandin diyà te vudsi, ne ebpatey sikandin te kegkevitil, su hapit en egkaamin is keenen kayi te inged.”

Jeremias 39:2

Ne hein ikeepat he vulan duen te ike-11 he tuig te kedhadì ni Zedekia, nevengkag en te menge tig-Babilonia sikan is berengbeng te inged.

Penhulùhulù 1:11

Is menge etew zin, edag-es dutun te kebpen-ehè dan te egkekaan dan. Inliwè dan te keenen is ketiǥeyunan dan su wey meuyag-uyag sikandan. Migkaǥi is Jerusalem te, “He Nengazen, seǥipaa a, su mibpeel-elezan a.”

Penhulùhulù 5:10

Edetengen key tenged te subra he kegkevitil, ne is menge lawa zey henduen be te keinit te rapug is keinit din.

Ezekiel 14:13

“Sikew is etew, emun ebpekesalà kayi te kediey is menge etew ziyà te sevaha he nasyun pinaaǥi te kedluivi zan kediey, edsilutan ku sikandan, ne id-awè ku is ebpuunan te keenen dan. Ebpeeǥiyan ku sikandan te vitil su wey zan mebpematey duma te menge uyaǥen dan.

Ezekiel 14:21

“Benar iyan, siak, is Nengazen he MEGBEVAYÀ migkaǥi he mekehizuhizu is menge tig-Jerusalem emun ebpeeǥiyan ku sikandan te heepat he meveǥat he menge silut he iyan is: tebek, bitil, dumezaas he menge langgam, wey menge zaru he edhimatey te menge meǥinged kayi wey te menge uyaǥen dan.

Ezekiel 31:1

Dutun te nehuna he andew te iketelu he vulan, duen te ike-11 he tuig te kegkevihaǥa kenami, migkaǥi is Nengazen kayi te kedì te,

Ezekiel 5:16

Ebpeeǥiyan ku sikiyu te vitil he iring te panà he edezaat keniyu. Ed-iseg-iseg is kepait dutun he vitil taman te wazè niw en egkekaan.

Ezekiel 7:15

“Is menge etew ziyà te ǥawas te inged, ebpatey te tebek. Ne is kenà ed-awà diyà te inged ebpatey te zaru wey vitil.

Leviticus 26:26

Egkurang is keenen niw, umbe sevaha zà he evuwan is egemiten te sepulù he vahi te kedlutù te supas, ne ebevehinen dan pa heini para keniyu. Uya, ebpekekaan kew piru kenè kew egkahantey.

Deuteronomio 32:24

Ebpeeǥiyan ku sikandan te vitil; ebpematey sikandan te vitil wey zaru. Edsuǥuen ku ziyà te kandan is mekahandekhandek he menge langgam he edezaat kandan wey ibpekaǥat ku sikandan te edhereg he uled.