Jeremias 52:34 - Manobo Western Bukidnon OT

³⁴ Ne kada andew ebeǥayan sikandin duen te hadì te Babilonia te menge kinahanglan din taman te timpu te kebpatey zin.

Jeremias 52:34 ပူးပေါင်းရင်းမြစ်များ

2 Samuel 9:10

Sikew, is menge anak nu, wey is menge suluǥuen nu iyan edterebahu te tanà para kandin, ne uwita nu ziyà te kandin is menge abut, para zuen egkekaan te pemilya zin. Ne si Mefiboshet mulà iyan ad ebpekaan kandin kayi te kedì.” (Si Ziba ne zuen din 15 he anak he menge maama ne 20 is suluǥuen din.)

2 Hadì 25:30

Ne kada andew ebeǥayan sikandin duen te hadì te menge kinahanglan din seled te tivuuk he untung din.

Jeremias 40:5

Emun kayi ke zà, ne likù ka ziyà te ki Gedalia he anak ni Ahikam wey apù ni Shafan. Midhimu sikandin te hadì te Babilonia he perezumala te menge inged kayi te Juda. Ubpè ka zuma kandin wey te zuma he menge etew, etewa minsan hendei he zutun ka egkesuat.” Ne mibeǥayan sikandin ni Nebuzaradan te menge keenen wey gasa ne impeǥenat din.