Jeremias 52:3 - Manobo Western Bukidnon OT

³ Umbe, hein neuǥet impaawà te Nengazen diyà te lugar zan is menge tig-Jerusalem wey menge tig-Juda wey mekepekeziyù kandin. Neulaula heini ziyà te kandan tenged te kegkepeuki te Nengazen kandan. Ne nekidsukulà si Zedekia te hadì te Babilonia.

Jeremias 52:3 ပူးပေါင်းရင်းမြစ်များ

Genesis 4:14

Midsegseg a kenikew kayi he tanà wey nekepekeziyù ad kenikew. Ne wazè en egketendù he egkeubpaan ku, umbe ebpekeriǥuriǥu a zini te lumpad. Ne egkehimu he edhimetayan a te minsan hentei he egkeuma ku.”

Genesis 4:16

Ne mibpekeziyù si Cain te Nengazen, ne ziyà med-ubpà te tanà he Nod he ziyà te zapit te edsilaan te Eden.

2 Samuel 24:1

Neuman mepauk is Nengazen te menge Israilihanen ne impevaal zin si David te ebpekezezaat kandan. Migkeǥiyan din si David te, “Bilanga nu is menge keet-etawan te Israel wey Juda.”

1 Hadì 10:9

Ereg he edeliǥen is Nengazen he Megbevayè nu, nelipey kenikew wey midhimu kenikew he hadì te Israel. Tenged te wazà pidtemanan he ǥaǥew te Nengazen te menge Israilihanen, midhimu ke zin he hadì su para egkezumahan te hustu he kukuman wey ketazeng is kegemita nu te ǥehem nu.”

2 Hadì 17:18

Nepeukan utew te Nengazen is menge Israilihanen ne impaawè din sikandan diyà te lugar zan, ne nekepekeziyù sikandan kandin. Iyan dà nesamà is tribu ni Juda.

2 Hadì 17:20

Umbe inselikwey te Nengazen is langun he menge etew ziyà te Israel. Midsilutan din sikandan pinaaǥi te kebeǥaya zin kandan diyà te menge midsurung kandan taman te impaawè din sikandan puun te lugar zan ne nekepekeziyù sikandan kandin.

2 Hadì 17:23

taman te impaawà sikandan te Nengazen diyà te lugar zan ne nekepekeziyù sikandan kandin, sumalà is impetizaan din kandan pinaaǥi te menge suluǥuen din he mibpenaub din. Umbe mibihag te menge tig-Asiria is menge etew ziyà te Israel ne ziyà sikandan mekeubpà taman en guntaan.

2 Hadì 24:20

Umbe, hein neuǥet impaawà te Nengazen diyà te lugar zan is menge tig-Jerusalem wey menge tig-Juda wey mekepekeziyù kandin. Neulaula heini ziyà te kandan tenged te kegkepeuki te Nengazen kandan. Ne nekidsukulà si Zedekia te hadì te Babilonia.

2 Cronica 36:13

Nekidsukulà daan sikandin ki Hadì Nebucadnezar, minsan pa te impepenangdù din sikandin pinaaǥi te ngazan te Megbevayà he kenà sikandin medluib kandin. Utew mesinupaken si Zedekia. Kenà sikandin edlikù diyà te Nengazen he Megbevayà te Israel.

Ezra 4:15

su wey nu mesusi is menge surat he intaǥù te menge kepuun nu. Ne kayi egketuenan nu he is menge meǥinged diyà te Jerusalem menge ribildi puun pa te nehuna he timpu. Umbe midezeetan heini he inged su nehimu heini he prublima te menge hadì wey te menge lugar he egkesuat he edsakup kayi.

Erubasa 28:2

Emun egkeilis-ilis is menge pengulu ziyà te sevaha he ginhedian, tuus heeyan he mesinupaken is menge etew zutun. Piru ke zuen uluwanen he pengulu kayi, ebmelig-en wey ebpedayun is inged.

Megwewali 10:16

Mekehizuhizu is nasyun he mid-aǥi te kegkeuripen is hadì duen, ne is menge pengulu kayi ne ebpetakè en ebpengemuran.

Isaias 19:4

Ibpezizalem ku sikandan te gehem te mesipala he hadì.” Iyan heini migkaǥi te Nengazen he MEGBEVAYÀ he Mekeǥeǥehem.

Isaias 3:1

Pemineg kew! Egkuwaan te Nengazen, sikan is Mekeǥeǥehem he Nengazen, is langun he edseriǥan te menge etew ziyà te Jerusalem wey Juda: is keenen dan wey wahig,

Isaias 36:5

Egkeisip nu ve he ebpekezaag ka te tebek pinaaǥi zà te lalag, ne kenà pinaaǥi te ebilidad wey zesen te menge sundaru nu? Hentei is edseriǥan nu he iyan ibpekidsulè nu kediey?

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Jeremias 7:15

Sikiyu is menge tig-Juda, edsegseǥen ku sikiyu ziyà te etuvangan ku iring te mibeelan ku ziyà te menge kezuzumahi niw, he menge etew he tig-Israel.’