Jeremias 52:20 - Manobo Western Bukidnon OT

²⁰ Dekelà, umbe hapit kenà egketimbang is menge brunsi he nekuwa zuen te zezuwa he tukud, duen te zekelà he teleǥuey te wahig he egngezanan te Daǥat, duen te 12 he mibpurma he vaka he mibpeuntuzan dutun, wey zuen te menge untuzà he para te kedhakut te wahig. Heini he menge azen mibpeveelan dengan ni Solomon he para zuen te valey te Nengazen.

Jeremias 52:20 ပူးပေါင်းရင်းမြစ်များ

1 Hadì 7:25

Haazà is teleǥuey in-untud diyà te peka te 12 he tudu he menge vaka he brunsi he ebpein-iniyuǥà. Is tetelu ziyà medsinaru te zizaya, is tetelu ziyà te edsenlepan, is tetelu ziyà te zivavà, is tetelu ziyà te edsilaan.

1 Hadì 7:47

Dekelà heini he menge vutang umbe wazè en ipetimbang ni Solomon; wazè en metueni ke pira he kilu he menge brunsi.

2 Hadì 25:16

Dekelà, umbe hapit kenà egketimbang is menge brunsi he nekuwa zuen te zezuwa he tukud, duen te zekelà he teleǥuey te wahig he egngezanan te Daǥat, wey zuen te menge untuzà he gelemiten te kedhakut te wahig. Heini he menge azen mibpeveelan dengan ni Solomon he para zuen te valey te Nengazen.

1 Cronica 22:14

Midheǥuan ku is kedteǥana te menge egkeǥamit kayi te kedtukuza te valey te Nengazen–3,500 he tunilada he vulawan, 35,000 he tunilada he pelata, wey mezakel pa he menge brunsi wey menge putew he kenè en egketimbang tenged te keveǥat dan. Midteǥana a zaan te menge kayu wey menge vatu, piru kinahanglan he umani nu pa heini.

2 Cronica 4:18

Utew mezakel he brunsi is neǥamit ni Solomon, ne wazà metueni ke pira heini langun he kilu.

Jeremias 52:17

Mibengkag te menge tig-Babilonia is menge azen diyà te valey te Nengazen he iyan is: brunsi he menge tukud, menge untuzà he para te kedhakut te wahig, wey is dekelà he teleǥuey te wahig he brunsi he migngezanan te Daǥat. Ne mid-uwit dan sikan is menge brunsi ziyà te Babilonia.