Jeremias 52:18 - Manobo Western Bukidnon OT

¹⁸ Migkuwa zan daan is menge karà, menge pala, menge penamped te pebilu, menge yehung, menge tasa, wey is duma pa he menge gelemiten he brunsi zutun te Baley te Nengazen.

Jeremias 52:18 ပူးပေါင်းရင်းမြစ်များ

1 Hadì 7:40

Mibpevaal zaan sikandin te menge diniyun, menge pala, wey menge yehung he egemiten te kebpemirikpirik. Nengepasad haazà ni Huram is langun he mibpeveelan kandin ni Hadì Solomon he para zutun te valey te Nengazen. Ne iyan heini mibeelan din:

1 Hadì 7:45

is menge diniyun, menge pala, menge yehung, wey zuma pa he menge gelemiten. Is langun kayi he menge vutang he para zuen te valey te Nengazen, he mibeelan ni Huram para ki Hadì Solomon, ne pudu heini brunsi he impesinew.

1 Hadì 7:50

is lunsey he vulawan he menge vasu, menge ibpenamped te menge pebilu, menge yehung, menge keluzà, wey menge teleǥuey te veyewà; is bulawan he menge bisagra he para te menge gemawan te Segradu he Lugar wey para mismu zuen te valey te Nengazen.

1 Cronica 28:17

te vulawan he menge tinidur he dezekelà; te menge yehung he vulawan wey pitsil; te vulawan wey pelata he menge pinggan,

2 Cronica 4:11

Mibpevaal zaan sikandin te menge diniyun, menge pala, wey menge yehung he egemiten te kebpemirikpirik. Nengepasad haazà is langun he mibpeveelan ni Solomon ki Huram he para zutun te valey te Megbevayà. Ne iyan heini mibeelan din:

2 Cronica 4:16

is menge diniyun, menge pala, menge zezekelà he menge tinidur he para te usa, wey zuma pa he menge ǥelemiten. Is langun kayi he menge vutang para zuen te valey te Nengazen, he mibeelan ni Huram para ki Hadì Solomon, ne pudu heini brunsi he impesinew.

2 Cronica 4:22

is menge ibpenamped te pebilu, menge yehung he egemiten te kebpemirik, menge teleǥuey te menge veyewà, wey menge selevukà te vaǥa he pudu lunsey he vulawan; is menge ǥemawan dutun te valey te Nengazen wey menge ǥemawan pehendiyà te seled te Utew Segradu he Lugar, ne pudu heini mid-epizan te vulawan.

2 Cronica 4:8

Mibpevaal zaan sikandin te sepulù he lemisahan ne ziyà heini isavuk te valey te Nengazen, lelima is diyà te divavà ne lelima is diyà te zizaya. Mibpevaal zaan sikandin te 100 he yehung he vulawan he egemiten te kebpirik.

Exodus 25:29

“Baal kew zaan te lunsey he vulawan he menge pinggan, menge tasa, menge umuy, wey menge yehung. Ne haazà, iyan ebpen-ehukan te menge pemuhat he inumen.

Exodus 25:38

Kinahanglan he lunsey he vulawan is menge lipit wey is menge selevukà te igmuk.

Exodus 27:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge dezekelà he tinidur he para te usa, wey is menge selevukà te vaǥa.

Exodus 37:16

Ne mibaal sikandan te lunsey he vulawan he menge gelemiten dutun te lemisahan he iyan is: menge pinggan, menge tasa, menge yehung, wey menge tivud he egemiten para te menge pemuhat he inumen.

Exodus 37:23

Mibaal zaan sikandan te pitu he sulù, menge lipit kayi, wey menge idtaya te egkeepus he pebilu zuen te sulù. Heini is langun lunsey he vulawan.

Exodus 38:3

Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge zezekelà he tinidur he para te usa, wey is menge selevukà te vaǥa.

Numero 4:14

Ne isavuk dan kayi te pemuhatà is langun he ǥelemiten para kayi: is menge selevukà te vaǥa, is dezekelà he menge tinidur he para te usa, is menge pala, wey is menge yehung. Ne tembuni zan heini te meupiya he kelasi he lundis, ne itaud dan is menge tival kayi.

Numero 4:7

“Tembuni zan daan te manggad he meitem is kaavuavu zin is lemisahan he selevukà te supas he ibpemuhat diyà te etuvangan te Megbevayà, ne isavuk dan dutun te lemisahan is menge pinggan, menge tasa, menge yahung, menge tivud he teleǥuey te pemuhat he inumen, wey menge supas he layun dutun te lemisahan.