Jeremias 52:17 - Manobo Western Bukidnon OT

¹⁷ Mibengkag te menge tig-Babilonia is menge azen diyà te valey te Nengazen he iyan is: brunsi he menge tukud, menge untuzà he para te kedhakut te wahig, wey is dekelà he teleǥuey te wahig he brunsi he migngezanan te Daǥat. Ne mid-uwit dan sikan is menge brunsi ziyà te Babilonia.

Jeremias 52:17 ပူးပေါင်းရင်းမြစ်များ

1 Hadì 7:50

is lunsey he vulawan he menge vasu, menge ibpenamped te menge pebilu, menge yehung, menge keluzà, wey menge teleǥuey te veyewà; is bulawan he menge bisagra he para te menge gemawan te Segradu he Lugar wey para mismu zuen te valey te Nengazen.

2 Hadì 20:17

Egkeuma is timpu he ed-uwiten diyà te Babilonia is langun he menge azen diyà te turuǥan nu, sikan is langun he netiǥum te menge kepuun nu he menge azen he kemulu pa taman en guntaan. Ne wazà egkesamà, migkaǥi is Nengazen.

2 Cronica 36:18

Mid-uwit ni Nebucadnezar ziyà te Babilonia is langun he menge gelemiten diyà te valey te Megbevayà, deisey etawa zekelà, wey is langun he ketiǥeyunan dutun te valey te Nengazen, wey is menge ketiǥeyunan te hadì wey te menge upisyal zin.

Jeremias 52:20

Dekelà, umbe hapit kenà egketimbang is menge brunsi he nekuwa zuen te zezuwa he tukud, duen te zekelà he teleǥuey te wahig he egngezanan te Daǥat, duen te 12 he mibpurma he vaka he mibpeuntuzan dutun, wey zuen te menge untuzà he para te kedhakut te wahig. Heini he menge azen mibpeveelan dengan ni Solomon he para zuen te valey te Nengazen.

Penhulùhulù 1:10

Mibpenguwa te kuntada is langun he ketiǥeyunan din. Neehè din he midseled diyà te valey te Nengazen is kenà menge Israilihanen–heini he menge etew, kenà edtuǥutan te Nengazen te kedseled diyà te baley zin.

Ezekiel 40:49

Ne is barkun 34 he ǥiek is keluǥayad din ne 20 he ǥiek is keluag din. Ne sepulù he ang-ang is heǥezan he ibpehedutun te varkun, ne zuen tukud diyà te kada kilid kayi.

Daniel 1:2

Mibihag din si Hadì Jehoyakim su iyan heeyan egkesuatan te Nengazen he mehitavu. Mibpenguwa zin is duma he menge azen diyà te valey te Megbevayà ne mid-uwit din diyà te Babilonia. Ne intaǥù din haazà diyà te teleǥuey te ketiǥeyunan diyà te valey he ed-ezapan te kandin he ed-ezapen.