Jeremias 52:14 - Manobo Western Bukidnon OT

¹⁴ Ne iyan sikandin midumala te menge sundaru te Babilonia te kebengkag duen te verengbeng he nekeliǥuy te Jerusalem.

Jeremias 52:14 ပူးပေါင်းရင်းမြစ်များ

2 Hadì 25:10

Ne iyan sikandin midumala te menge sundaru te Babilonia te kebengkag duen te verengbeng he nekeliǥuy te Jerusalem.

Nehemias 1:3

Midtavak dan te, “Ebpemenlised is menge nemenlikù diyà te Juda, ne ebpeel-elezan sikandan te menge etew ziyà te peliǥuy zan. Ne taman en guntaan wazè pa mepurungi is berengbeng te Jerusalem wey neepur is menge pultahan din.”

Jeremias 39:8

Ne elin daan nehitavù is, mibinsulan te menge tig-Babilonia is menge valey ziyà te Jerusalem ragkes en is turuǥan te hadì, ne mibpemengkag dan is menge verengbeng.

Penhulùhulù 2:6

Midrundus din is baley zin he henduen dà te midrundus he lawig diyà te vevesukà. Ketau zin he melipati te menge etew ziyà te Jerusalem is midtelaan he menge pista wey is menge Andew te Kedhimeley. Tenged te utew zin kegkepauk inselikwey zin is menge hadì wey menge memumuhat.

Ezekiel 26:12

Ed-eǥawen dan is menge ketiǥeyunan niw wey menge velegyè niw. Edrundusen dan is menge verengbeng niw wey mekempet he menge valey niw, ne idtimbag dan diyà te zaǥat is menge vatu, menge kayu, wey is langun he egkesamà te nengevengkag.

Daniel 2:14

Ne zutun, mid-uvey si Daniel ziyà te ki Arioc he kepitan te menge vantey zuen te hadì. Heini si Arioc iyan midsuǥù duen te hadì te kebpenhimatey te menge uluwanen he menge etew ziyà te Babilonia. Ne mevinentayen si Daniel he mid-insà diyà te kandin ke hengkey is hinungdan kayi te utew meveǥat he suǥù te hadì. Umbe midtudtul ni Arioc diyà te kandin is nehitavù.